ಶಶಾಂಕ್ ಕಥೆಯಲ್ಲಿ ಅಜೇಯ್ ನಟನೆ
ಗುರು ದೇಶಪಾಂಡೆ ನಿರ್ಮಾಣ
Team Udayavani, Dec 23, 2020, 1:27 PM IST
ನಿರ್ದೇಶಕ ಶಶಾಂಕ್ ಹಾಗೂ ನಟ ಅಜೇಯ್ ರಾವ್ ಕಾಂಬಿನೇಶನ್ಗೆ ಒಂದು ವಿಶೇಷತೆ ಇದೆ. ಅದೇನೆಂದರೆ ಈ ಜೋಡಿ ಮಾಡಿರುವ ಸಿನಿಮಾಗಳು ಯಶಸ್ಸುಕಂಡಿವೆ.
ಅದರಲ್ಲೂ “ಕೃಷ್ಣ’ ಸೀರಿಸ್ನಲ್ಲಿ ಅಜೇಯ್ ಹಾಗೂ ಶಶಾಂಕ್ ಹೆಚ್ಚು ಗುರುತಿಸಿಕೊಂಡಿದ್ದಾರೆ. ಈಗ ಮತ್ತೂಮ್ಮೆ ಈ ಜೋಡಿ ಒಂದಾಗುತ್ತಿದೆ. ಹಾಗಂತ ಶಶಾಂಕ್, ಅಜೇಯ್ಗೆ ನಿರ್ದೇಶನ ಮಾಡುತ್ತಿಲ್ಲ. ಬದಲಾಗಿ ಶಶಾಂಕ್ ಅವರ ಕಥೆಯಲ್ಲಿ ಅಜೇಯ್ ರಾವ್ ಹೀರೋ ಆಗಿ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಶಂಕರ್ ನಿರ್ದೇಶಿಸುತ್ತಿದ್ದಾರೆ.
ನಿರ್ದೇಶಕ ಗುರುದೇಶಪಾಂಡೆ ಅವರ ಹಲವು ಸಿನಿಮಾಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ದುಡಿದ ಅನುಭವವಿರುವ ಶಂಕರ್ಗೆ ಇದು ಚೊಚ್ಚಲ ಸಿನಿಮಾ. ಈಗ ಅಜೇಯ್ ರಾವ್ ಅವರ ಸಿನಿಮಾ ಮೂಲಕ ಸ್ವತಂತ್ರ ನಿರ್ದೇಶಕರಾಗುತ್ತಿದ್ದಾರೆ. ಈ ಚಿತ್ರವನ್ನು ಗುರುದೇಶಪಾಂಡೆ ತಮ್ಮ ಜಿ ಸಿನಿಮಾಸ್ ನಡಿ ನಿರ್ಮಿಸುತ್ತಿದ್ದಾರೆ.
ಇದನ್ನೂ ಓದಿ : ಲಂಡನ್ ರಿಟರ್ನ್ ಹರ್ಷಿಕಾ ಮತ್ತು ಕ್ವಾರಂಟೈನ್ ಶಾಕ್!
ಈಗಾಗಲೇ ತಮ್ಮ ಬ್ಯಾನರ್ನಲ್ಲಿ “ಜಂಟಲ್ಮೆನ್’ ಸಿನಿಮಾ ನಿರ್ಮಿಸಿರುವ ಗುರುದೇಶಪಾಂಡೆ ಈಗ ಅಜೇಯ್ ಸಿನಿಮಾ ನಿರ್ಮಾಣಕ್ಕೆ ಮುಂದಾಗಿದ್ದಾರೆ. ಜನವರಿ 24 ರಂದು ಚಿತ್ರದ ಮುಹೂರ್ತ ನೆರವೇರಲಿದೆ. ಚಿತ್ರಕ್ಕೆ ಸ್ಟಾರ್ ನಟಿಯೊಬ್ಬರು ನಾಯಕಿಯಾಗುವ ಸಾಧ್ಯತೆ ಇದೆ. ಈ ಕುರಿತುಈಗಾಗಲೇ ಮಾತುಕತೆನಡೆಯುತ್ತಿದೆ.
ಚಿತ್ರದ ಬಗ್ಗೆ ಮಾತನಾಡುವ ನಿರ್ಮಾಪಕ ಗುರುದೇಶಪಾಂಡೆ, “ಈಚಿತ್ರದಕಥೆ ತುಂಬಾವಿಶೇಷವಾಗಿದೆ. ಇವತ್ತಿನ ಸಮಯಕ್ಕೆ ಹೇಳಿಮಾಡಿಸಿದಂತಿದೆ. ಅದೇ ಕಾರಣಕ್ಕೆ ಈ ಚಿತ್ರವನ್ನು ಮೊದಲು ಆರಂಭಿಸುತ್ತಿದ್ದೇನೆ. ಇದು ಮುಗಿದ ಮೇಲೆ ನನ್ನ ನಿರ್ದೇಶನದ ಚಿತ್ರ ಆರಂಭವಾಗಲಿದೆ. ಅಜೇಯ್ ಹಾಗೂ ಶಶಾಂಕ್ ಯಶಸ್ವಿ ಜೋಡಿ. ಈಗ ಶಶಾಂಕ್ ಅವರಕಥೆಯಲ್ಲಿ ಅಜೇಯ್ ನಟಿಸುತ್ತಿದ್ದಾರೆ. ಜೊತೆಗೆ ಚಿತ್ರರಂಗಕ್ಕೆಹೊಸ ನಿರ್ದೇಶಕರೊಬ್ಬರ ಪರಿಚಯ ಕೂಡಾ ಆಗುತ್ತಿದೆ’ ಎನ್ನುವುದು ಗುರುದೇಶಪಾಂಡೆ ಮಾತು.