ನಟ ಭಯಂಕರ ಸೆಟ್ಗೆ ಗಣೇಶ್ ಭೇಟಿ
Team Udayavani, Apr 29, 2019, 3:00 AM IST
ನಟ ಪ್ರಥಮ್ ನಾಯಕನಾಗಿ ಅಭಿನಯಿಸಿ, ನಿರ್ದೇಶಿಸುತ್ತಿರುವ “ನಟ ಭಯಂಕರ’ ಚಿತ್ರದ ಸೆಟ್ಗೆ ನಟ ಗೋಲ್ಡನ್ ಸ್ಟಾರ್ ಹಠಾತ್ ಭೇಟಿ ನೀಡಿ, ಚಿತ್ರತಂಡದ ಜೊತೆ ಕೆಲ ಸಮಯ ಕಳೆದರು. ಪ್ರಥಮ್ ಈ ಹಿಂದೆ ಅಭಿನಯಿಸಿದ್ದ “ಎಂಎಲ್ಎ’ ಚಿತ್ರದ ಟೀಸರ್ ಬಿಡುಗಡೆಯ ಸಂದರ್ಭದಲ್ಲಿ ಗಣೇಶ್, “ನಟ ಭಯಂಕರ’ ಚಿತ್ರದ ಸೆಟ್ಗೆ ಬರುವುದಾಗಿ ಭರವಸೆ ಕೊಟ್ಟಿದ್ದರಂತೆ.
ಈ ಬಗ್ಗೆ ಮಾತನಾಡುವ ನಟ ಕಂ ನಿರ್ದೇಶಕ ಪ್ರಥಮ್, “ನಟ ಗಣೇಶ್ ಕೊಟ್ಟ ಮಾತಿನಂತೆ, “ನಟ ಭಯಂಕರ’ ಚಿತ್ರದ ಸೆಟ್ಗೆ ಸರ್ಪ್ರೈಸ್ ವಿಸಿಟ್ ನೀಡಿದ್ದರು. ಕೆಲ ಹೊತ್ತು ಚಿತ್ರತಂಡದ ಜೊತೆಗಿದ್ದು, ಚಿತ್ರದ ಬಗ್ಗೆ ಒಂದಷ್ಟು ಮಾಹಿತಿ ಪಡೆದುಕೊಂಡರು.
ಗಣೇಶ್ ಸುಮಾರು 13 ವರ್ಷಗಳಿಂದ ತಮ್ಮ ಚಿತ್ರವನ್ನು ಹೊರತುಪಡಿಸಿ ಬೇರೆ ಯಾವುದೇ ಚಿತ್ರದ ಸೆಟ್ಗೂ ಹೋಗಿರಲಿಲ್ಲ. ಇದೇ ಮೊದಲ ಬಾರಿಗೆ ನಮ್ಮ ಚಿತ್ರದ ಸೆಟ್ಗೆ ಬಂದಿದ್ದು, ನಮಗೂ ಖುಷಿ ನೀಡಿದೆ. ಅಲ್ಲದೆ ಚಿತ್ರದ ಬಿಡುಗಡೆಗೂ ಮೊದಲು ನನಗೆ ಚಿತ್ರವನ್ನು ತೋರಿಸುವಂತೆ ಪ್ರೀತಿಯಿಂದ ತಾಕೀತು ಮಾಡಿದ್ದಾರೆ’ ಎನ್ನುತ್ತಾರೆ.
“ಇನ್ನು ನನ್ನ ಬಗ್ಗೆ ಅನೇಕರು “ಪಿ ಬಾಸ್’ ಎಂದು ಕರೆಯುತ್ತಿರುವುದರ ಬಗ್ಗೆಯೂ ಗಣೇಶ್ ಕೇಳಿದರು. ಒಟ್ಟಾರೆ ಗಣೇಶ್ ಅವರು ನಮ್ಮ ಸೆಟ್ಗೆ ಭೇಟಿ ನೀಡಿದ್ದು ನಮಗಂತೂ ಖುಷಿ ಜೊತೆಗೆ, ಹೊಸ ಜೋಶ್ ನೀಡಿದೆ’ ಎನ್ನುವುದು ಪ್ರಥಮ್ ಮಾತು.