ಇಂಡಿಯಾ ವರ್ಸಸ್ ಇಂಗ್ಲೆಂಡ್
ನಾಗತಿಹಳ್ಳಿ ಹೊಸಚಿತ್ರಕ್ಕೆ ಟೈಟಲ್ ಫಿಕ್ಸ್
Team Udayavani, Jul 14, 2019, 3:01 AM IST
“ಇಷ್ಟಕಾಮ್ಯ’ ಚಿತ್ರದ ನಂತರ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದ ಹೊಸಚಿತ್ರ ಸದ್ದಿಲ್ಲದೆ ತನ್ನ ಚಿತ್ರೀಕರಣವನ್ನು ಪೂರ್ಣಗೊಳಿಸಿ, ಸದ್ಯ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಇನ್ನು ಈ ಚಿತ್ರಕ್ಕೆ ಇಲ್ಲಿಯವರೆಗೂ ಯಾವುದೇ ಟೈಟಲ್ ಇಟ್ಟಿರದ ನಾಗತಿಹಳ್ಳಿ ಮೇಷ್ಟ್ರು, ಈಗ ತಮ್ಮ ಹೊಸಚಿತ್ರಕ್ಕೆ ಟೈಟಲ್ ಫಿಕ್ಸ್ ಮಾಡಿದ್ದಾರೆ.
ಅಂದಹಾಗೆ, ನಾಗತಿಹಳ್ಳಿ ಅವರ ಹೊಸ ಚಿತ್ರಕ್ಕೆ “ಇಂಡಿಯಾ ವರ್ಸಸ್ ಇಂಗ್ಲೆಂಡ್’ ಎನ್ನುವ ಟೈಟಲ್ ಇಡಲಾಗಿದ್ದು, ಟೈಟಲ್ಗೆ “… ಆದರೆ ಕ್ರಿಕೆಟ್ ಅಲ್ಲ!’ ಎಂಬ ಟ್ಯಾಗ್ಲೈನ್ ಕೂಡ ಇಡಲಾಗಿದೆ.
ಇನ್ನು ಈ ಚಿತ್ರದಲ್ಲಿ ವಸಿಷ್ಠ ಸಿಂಹ ನಾಯಕನಾಗಿ ಮತ್ತು ಮಾನ್ವಿತಾ ಕಾಮತ್ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದು, ಚಿತ್ರದ ಕಥೆ ಭಾರತ ಮತ್ತು ಬ್ರಿಟನ್ನಲ್ಲಿ ನಡೆಯಲಿದೆಯಂತೆ. ವೈ.ಎನ್ ಶಂಕರೇಗೌಡ ಮತ್ತು ಸ್ನೇಹಿತರು ಈ ಚಿತ್ರವನ್ನು ನಿರ್ಮಿಸುತ್ತಿದ್ದು, ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಸಂಯೋಜನೆಯಿದೆ.