ಕ್ಯಾಬ್ ಚಾಲಕನ ನಿಂದನೆ ಆರೋಪಕ್ಕೆ ನಟಿ ಸಂಜನಾ ಸ್ಪಷ್ಟನೆ !

Team Udayavani, Oct 6, 2021, 3:45 PM IST

ಬೆಂಗಳೂರು :  ಕ್ಯಾಬ್ ಚಾಲಕನ ಜೊತೆ ಕಿರಿಕ್ ಮಾಡಿಕೊಂಡಿದ್ದು ಆತನನ್ನು ನಿಂದಿಸಿರುವ ಆರೋಪದ ಕುರಿತು ಸ್ಯಾಂಡಲ್ವುಡ್ ನಟಿ ಸಂಜನಾ ಗರ್ಲಾನಿ ಅವರು ಸ್ಪಷ್ಟನೆ ನೀಡಿದ್ದಾರೆ.

ಇಂದು ಈ ಬಗ್ಗೆ ಸೋಷಿಯಲ್ ಮಿಡಿಯಾದಲ್ಲಿ ಬರೆದುಕೊಂಡಿದ್ದರು ಸಂಜನಾ, ಆತ ಎಸಿ ಹಾಕುವುದಿಲ್ಲ ಎಂದು ರೂಡ್ ಆಗಿ ಹೇಳಿದ. ಆದರೆ ಆತ ಕೋವಿಡ್ ರೂಲ್ಸ್ ಇದೆ ಹಾಕಲ್ಲ ಅಂತ ಹೇಳಿಲ್ಲ. ನಾನು ಎಸಿ ಕಾರನ್ನೇ ಬುಕ್ ಮಾಡಿದ್ದೆ.

Conclusion . pic.twitter.com/1e06jAPyIa

— Sanjjanaa Galrani (@sanjjanagalrani) October 6, 2021

ಒಂದು ಹುಡುಗಿಯನ್ನ ರಸ್ತೆಯಲ್ಲಿ ನಿಲ್ಲಿಸುತ್ತೇನೆ ಎಂದು ಬೆದರಿಕೆ ಹಾಕಿದಾಗ ಭಯ ಆಯ್ತು. ಆದರೂ ಆತನನ್ನು ನಿಂದಿಸಿಲ್ಲ . ಆತ ನಾನು ಹೇಳುವ ಲೊಕೇಶನ್ ತಲುಪಿಸಲು ಡಬಲ್ ಮೀಟರ್ ಕೇಳಿದ್ದಾನೆ. ನಾನು ಅದಕ್ಕೆ ಹೇಳದ್ದೆ 10,000 ಕೊಡಬೇಕಾ ಅಂತ  ಕೇಳಿದ್ದೆನು. ನನ್ನ ಬಗ್ಗೆ ಇಲ್ಲ ಸಲ್ಲದ ಆರೋಪ ಕೇಳಿ ಬರುತ್ತಿದೆ. ಇದೆಲ್ಲಾ ಸುಳ್ಳು ಎಂದಿದ್ದಾರೆ.

ಇನ್ನು ಮಂಗಳವಾರ ಓಲಾದಲ್ಲಿ ತೆರಳುತ್ತಿದ್ದಾಗ ಕ್ಯಾಬ್‌ನಲ್ಲಿ ಎಸಿ ಆನ್​ ಮಾಡಿಲ್ಲ ಎಂದು ಟ್ವೀಟ್​ ಮಾಡಿ ಆರೋಪಿಸಿದ್ದ ಸಂಜನಾ, ಬೆಂಗಳೂರಿನಲ್ಲಿ ಕಾರ್ ನಂಬರ್ ಕೆಎ 50 8960ದಲ್ಲಿ ಸೂಸೈ ಮಣಿ ಎಂಬ ಚಾಲಕನಿದ್ದ, ಬೆಳ್ಳಂಬೆಳಿಗ್ಗೆಯೇ ಚಾಲಕನಿಂದ ಕಿರಿಕಿರಿ ಅನುಭವಿಸಿದೆ. ಕ್ಯಾಬ್‌ನಲ್ಲಿ ನಾಲ್ಕು ಜನ ಪ್ರಯಾಣಿಸುತ್ತಿದ್ದೆವು. ಆದರೆ, ಎಸಿ ಹಾಕಿ ಎಂದರೇ ಚಾಲಕ ಮೊದಲು ತಕರಾರು ಮಾಡಿದ. ನಂತರ ಕೇವಲ ಮೊದಲನೇ ಸ್ಪೀಡ್‌ನಲ್ಲಿ ಎಸಿ ಹಾಕಿದ್ದ.

ಎಸಿ ಕಾರ್ ರೇಟ್ ಪಡೆದು ಎಸಿ ಹಾಕಲು ನಿರಾಕರಿಸಿದರೇ ಹೇಗೆ? ಕಾರಿನ ಕಿಟಿಕಿಯ ಭಾಗವೂ ಸಹ ಮುರಿದು ಹೋಗಿತ್ತು. ಇದರಿಂದ ನಮಗೆ ಉಸಿರುಗಟ್ಟಿದಂತಾಗಿತ್ತು. ಆದ್ದರಿಂದ ಎಸಿ ಜಾಸ್ತಿ ಮಾಡಲು ಕೋರಿದಾಗ ಅವಾಜ್ ಹಾಕಿದ. ಅಲ್ಲದೇ, ದಾರಿ ಮಧ್ಯದಲ್ಲೇ ಇಳಿಸಿ ಬಿಡುತ್ತೇನೆ ಎಂದು ಹೆದರಿಸಿದ ಎಂದು ಆರೋಪಿಸಿದ್ದರು.

ಇನ್ನ ತನ್ನ ವಿರುದ್ಧ ಆರೋಪ ಮಾಡಿದ ನಟಿ ಸಂಜನಾ ವಿರುದ್ಧ ಕ್ಯಾಬ್ ಚಾಲಕ ದೂರು ಕೂಡ ಕೊಟ್ಟಿದ್ದಾನೆ.