ತಾಂತ್ರಿಕವಾಗಿಯೂ ಮಿಂಚಲಿದ್ದಾನೆ ಕಪಟ ನಾಟಕ ಪಾತ್ರಧಾರಿ!

Team Udayavani, Nov 7, 2019, 11:50 AM IST

ಕ್ರಿಶ್ ನಿರ್ದೇಶನದ ಕಪಟ ನಾಟಕ ಪಾತ್ರಧಾರಿ ಇದೇ ನವೆಂಬರ್ ಎಂಟರAದು ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ. ಈಗ ಹೇಳಿಕೇಳಿ ಕನ್ನಡ ಚಿತ್ರರಂಗದಲ್ಲಿ ಹೊಸಾ ಅಲೆಯ ಚಿತ್ರಗಳ ಭರಾಟೆ ಚಾಲ್ತಿಯಲ್ಲಿದೆ. ಯಾವುದೇ ಬಗೆಯ ಕಥೆಯನ್ನಾದರೂ ಹೊಸಾ ಆಲೋಚನೆಗೆ ಒಗ್ಗಿಸಿಕೊಂಡು ದೃಶ್ಯ ಕಟ್ಟುವ ಪ್ರತಿಭೆಗಳೂ ಕೂಡಾ ಸಾಲು ಸಾಲಾಗಿ ಆಗಮಿಸುತ್ತಿದ್ದಾರೆ. ಈ ಸಿನಿಮಾ ನಿರ್ದೇಶಕ ಕ್ರಿಶ್ ಕೂಡಾ ಅದೇ ಸಾಲಿಗೆ ಸೇರಿಕೊಳ್ಳುವವರು. ಅವರು ಈ ಚಿತ್ರವನ್ನು ಅದೆಷ್ಟು ವಿಭಿನ್ನವಾಗಿ ರೂಪಿಸಿದ್ದಾರೆಂಬುದಕ್ಕೆ ಹಾಡುಗಳು ಮತ್ತು ಟ್ರೇಲರ್‌ಗಿಂತಲೂ ಬೇರೆ ಉದಾಹರಣೆ ಬೇಕಿಲ್ಲ.

ಇದು ಕ್ರಿಶ್ ನಿರ್ದೇಸನದ ಚೊಚ್ಚಲ ಚಿತ್ರ. ಇದು ಅವರ ಮೊದಲ ಹೆಜ್ಜೆ ಎಂಬುದನ್ನೇ ಮರೆಸುವಂಥಾ ಆವೇಗದೊಂದಿಗೆ ಈ ಸಿನಿಮಾ ಚಿತ್ರಮಂದಿರಗಳತ್ತ ದಾಪುಗಾಲಿಡುತ್ತಿದೆ. ಇದು ಆಟೋ ಡ್ರೈವರ್ ಒಬ್ಬನ ಬದುಕಿನ ಸುತ್ತಾ ನಡೆಯುವ ಕಥೆಯನ್ನೊಳಗೊಂಡಿರೋ ಚಿತ್ರ. ಇದುವರೆಗೂ ಈ ಕಥಾ ಹಂದರದ ಒಂದಷ್ಟು ಚಿತ್ರಗಳು ತೆರೆ ಕಂಡಿವೆ. ಅದರಲ್ಲಿ ಬಹುತೇಕವು ಗೆದ್ದು ಬೀಗಿವೆ. ಆದರೆ ಇದು ಅದೆಲ್ಲವಕ್ಕಿಂತಲೂ ಭಿನ್ನವಾದ ಕಥಾನಕ ಅನ್ನೋದಕ್ಕೆ ಟ್ರೇಲರ್‌ನಲ್ಲಿಯೇ ಸಾಕ್ಷಿಗಳು ಸಿಕ್ಕಿವೆ. ಕಪಟ ನಾಟಕ ಪಾತ್ರಧಾರಿ ಕೇವಲ ಕಥೆಯ ವಿಚಾರದಲ್ಲಿ ಮಾತ್ರವಲ್ಲದೇ ತಾಂತ್ರಿಕವಾಗಿಯೂ ಶ್ರೀಮಂತಿಕೆಯಿದಲೇ ಮೂಡಿ ಬಂದಿದೆಯತೆ.

ಸ್ಕ್ರೀನ್ ಪ್ಲೇ ಈ ಸಿನಿಮಾದ ನಿಜವಾದ ಜೀವಾಳ. ಅದರಲ್ಲಿ ನಿರ್ದೇಶಕ ಕ್ರಿಶ್ ಮ್ಯಾಜಿಕ್ ಸೃಷ್ಟಿಸುವಂಥಾ ಪ್ರಯೋಗಗಳನ್ನು ಮಾಡಿದ್ದಾರಂತೆ. ಇನ್ನುಳಿದಂತೆ ಸಂಕಲನ ಇದರ ಮತ್ತೊಂದು ಶಕ್ತಿ. ಅದನ್ನು ಕೆಜಿಎಫ್ ಖ್ಯಾತಿಯ ಸಂಕಲನಕಾರರಾದ ಶ್ರೀಕಾಂತ್ ನಿಭಾಯಿಸಿದ್ದಾರೆ. ಕೆಜಿಎಫ್‌ನಂಥಾ ಸೂಪರ್ ಹಿಟ್ ಚಿತ್ರದ ಭಾಗವಾಗಿದ್ದ ಶ್ರೀಕಾಂತ್ ಇಲ್ಲಿಯೂ ಕೂಡಾ ಹೊಸಾ ಐಡಿಯಾಗಳೊಂದಿಗೆ, ಕ್ರಿಯಾಶೀಲತೆಯ ಸ್ಪರ್ಶದಿಂದ ಸಂಕಲನ ಕಾರ್ಯವನ್ನು ನಿಭಾಯಿಸಿದ್ದಾರಂತೆ. ಈ ಕಾರಣದಿಂದಲೇ ಸಂಕಲನ ಕೂಡಾ ಕಪಟ ನಾಟಕ ಪಾತ್ರಧಾರಿಯ ಪ್ರಧಾನ ಆಕರ್ಷಣೆಗಳಲ್ಲೊಂದಾಗುವಂತೆ ಮೂಡಿ ಬಂದಿದೆಯಂತೆ. ಅದು ಎಂಥಾ ಮೋಡಿ ಮಾಡಲಿದೆ ಎಂಬುದು ಇದೇ ನವೆಂಬರ್ ಎಂಟರಂದು ಗೊತ್ತಾಗಲಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ