ಫ್ಯಾಂಟಮ್ಗಾಗಿ ಮತ್ತೆ ಜಿಮ್ನತ್ತ ಕಿಚ್ಚ
ಸುದೀಪ್ ವರ್ಕೌಟ್ ಫೋಟೋಗೆ ಫ್ಯಾನ್ಸ್ ಫಿದಾ
Team Udayavani, Nov 29, 2020, 10:04 AM IST
ಇತ್ತೀಚೆಗಷ್ಟೇ “ಫ್ಯಾಂಟಮ್’ ಚಿತ್ರತಂಡ, ಹೈದರಾಬಾದ್ನಲ್ಲಿ ಚಿತ್ರದ ಬಹುಭಾಗ ಚಿತ್ರೀಕರಣ ಪೂರ್ಣಗೊಳಿಸಿ ಬೆಂಗಳೂರಿಗೆ ವಾಪಾಸ್ಸಾಗಿತ್ತು. ಸದ್ಯ ಚಿತ್ರತಂಡ, “ಫ್ಯಾಂಟಮ್’ ಕೊನೆ ಹಂತದ ಚಿತ್ರೀಕರಣಕ್ಕೆ ಲೊಕೇಶನ್ ಹುಡುಕಾಟ ಸೇರಿದಂತೆ ಒಂದಷ್ಟು ತಯಾರಿ ಮಾಡಿಕೊಳ್ಳುತ್ತಿದೆ. ಇದರ ನಡುವೆಯೇ ನಟ ಸುದೀಪ್ ತಮ್ಮ ದೇಹವನ್ನು ಹುರಿಗೊಳಿಸಲು ಜಿಮ್ನತ್ತ ಮುಖ ಮಾಡಿದ್ದಾರೆ.
ಹೌದು, “ಫ್ಯಾಂಟಮ್’ ಚಿತ್ರದ ಕ್ಲೈಮ್ಯಾಕ್ಸ್ನಲ್ಲಿ ನಟ ಸುದೀಪ್ ಸಖತ್ ರಗಡ್ ಆಗಿ ಕಾಣಿಸಿಕೊಳ್ಳಲಿದ್ದು, ಅದಕ್ಕಾಗಿ ಬಾಡಿ ಬಿಲ್ಡ್ ಮಾಡಲು ಮುಂದಾಗಿದ್ದಾರೆ. ಈಗಾಗಲೇಕೆಲ ದಿನಗಳಿಂದ ಜಿಮ್ನಲ್ಲಿ ಪ್ರತಿದಿನ ಒಂದಷ್ಟು ಕಸರತ್ತು ಮಾಡುತ್ತಿರುವ ಸುದೀಪ್, ತಮ್ಮ
ಟ್ವಿಟ್ಟರ್ನಲ್ಲಿ ವರ್ಕೌಟ್ ಮಾಡುತ್ತಿರುವ ಫೋಟೋವನ್ನು ಶೇರ್ ಮಾಡಿದ್ದಾರೆ. ಅಲ್ಲದೆ ಈ ಫೋಟೋದ ಜೊತೆಗೆ, “ಉತ್ತಮ ಆಹಾರ, ಶಿಸ್ತಿನ ಜೀವನ ಯಾವತ್ತಿಗೂ ಒಳ್ಳೆಯದೇ. “ಫ್ಯಾಂಟಮ್’ ಚಿತ್ರದಕ್ಲೈಮ್ಯಾಕ್ಸ್ಗಾಗಿ ನಾನು ಒಂದು ತಿಂಗಳು ವರ್ಕೌಟ್ ಮಾಡಿದ್ದೇನೆ. ಡಿಸೆಂಬರ್4 ರಿಂದ ಕೊನೆಯ ಹಂತದ ಚಿತ್ರೀಕರಣ ಆರಂಭವಾಗಲಿದೆ’ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ : ‘ಪ್ರವಾದಿಗಳಿಗೆ ಕೋಪ ಬಂದರೆ ಒಂದೇ ಶಿಕ್ಷೆ’: ಮಂಗಳೂರಿನಲ್ಲಿ ಮತ್ತೆ ವಿವಾದಾತ್ಮಕ ಗೋಡೆ ಬರಹ
ಈ ಹಿಂದೆ “ಪೈಲ್ವಾನ್’ ಚಿತ್ರದ ಪಾತ್ರಕ್ಕಾಗಿ ಸುದೀಪ್ ಜಿಮ್ನತ್ತ ಮುಖ ಮಾಡಿ ಬಾಡಿ ಬಿಲ್ಡ್ ಮಾಡಿದ್ದರು. “ಪೈಲ್ವಾನ್’ ಗೆಟಪ್ನಲ್ಲಿ ಮೊದಲ ಬಾರಿಗೆ ಸುದೀಪ್ ಅವರನ್ನು ಬಿಗ್ ಸ್ಕ್ರೀನ್ ಮೇಲೆ ನೋಡಿದ ಸಿನಿಪ್ರಿಯರು ಬೆರಗಾಗಿದ್ದರು. ಈಗ ಮತ್ತೂಮ್ಮೆ “ಫ್ಯಾಂಟಮ್’ಗಾಗಿ ಸುದೀಪ್ ದೇಹ ಹುರಿಗೊಳಿಸಲು ಸಿದ್ಧರಾಗುತ್ತಿದ್ದು, ಸುದೀಪ್ ಫ್ಯಾನ್ಸ್ ತಮ್ಮ ನೆಚ್ಚಿನ ನಟನ ಹೊಸಗೆಟಪ್ ಮೇಲೆ ಒಂದಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಸದ್ಯ “ಫ್ಯಾಂಟಮ್ ‘ಗಾಗಿ ಸುದೀಪ್ ಮಾಡುತ್ತಿರುವ ಈ
ವರ್ಕೌಟ್ ಫೋಟೋ ಸೋಶಿಯಲ್ ಮೀಡಿಯಾಗಳಲ್ಲಿ ಜೋರಾಗಿ ಹರಿದಾಡುತ್ತಿದ್ದು,ಕಿಚ್ಚನ ಅಭಿಮಾನಿಗಳು ಸುದೀಪ್ ಫಿಟ್ನೆಸ್ಕಂಡು ಫಿದಾ ಆಗಿದ್ದಾರೆ ಎಂದು ಹೇಳಬಹುದು.
ಸುದೀಪ್ ಜೊತೆ ಕತ್ರಿನಾ ಸ್ಟೆಪ್? :
ಇದೇ ಡಿಸೆಂಬರ್ ಮೊದಲವಾರದಿಂದ “ಫ್ಯಾಂಟಮ್’ ಚಿತ್ರದ ಕೊನೆಯ ಹಂತದ ಚಿತ್ರೀಕರಣ ಪ್ರಾರಂಭವಾಗಲಿದೆ.ಈ ಚಿತ್ರೀಕರಣದಲ್ಲಿ ಚಿತ್ರದಲ್ಲಿ ಬರುವ ಸ್ಪೆಷಲ್ ಸಾಂಗ್ ಒಂದನ್ನು ಅದ್ಧೂರಿ ಸೆಟ್ನಲ್ಲಿ ಚಿತ್ರೀಕರಿಸಲು ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆ. ಇನ್ನು ಈ ಸ್ಪೆಷಲ್ ಸಾಂಗ್ಗೆ ಹೆಜ್ಜೆ ಹಾಕಲು ಬಾಲಿವುಡ್ ಬೆಡಗಿ ಕತ್ರಿನಾ ಕೈಫ್ ಅವರನ್ನು ತರೆತರುವ ಯೋಚನೆಯಲ್ಲಿದೆ ಚಿತ್ರತಂಡ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಚಿತ್ರತಂಡ, “ಸಿನಿಮಾದಲ್ಲಿ ಬರುವ ಸ್ಪೆಷಲ್ ಹಾಡೊಂದನ್ನು ವಿಶೇಷವಾಗಿ ಚಿತ್ರೀಕರಿಸಲು ಪ್ಲಾನ್ ಮಾಡಿಕೊಂಡಿರುವುದು ನಿಜ. ಆದರೆ ಈ ಹಾಡಿನಲ್ಲಿ ಸುದೀಪ್ ಅವರ ಜೊತೆ ಯಾರು ನೃತ್ಯ ಮಾಡಲಿದ್ದಾರೆ ಅನ್ನೋದು ಇನ್ನೂ ಖಚಿತವಾಗಿಲ್ಲ.ಕತ್ರಿನಾಕೈಫ್ ಅವರೊಂದಿಗೂ ಮಾತುಕತೆ ನಡೆಸಲಾಗಿದೆ.ಕತ್ರಿನಾ ಡೇಟ್ ಹೊಂದಾಣಿಕೆ ಆಗದಿದ್ದರೆ, ನೋರಾ ಫತೇಹಿ ಅವರನ್ನು ಕರೆತರಲು ಪ್ರಯತ್ನ ಮಾಡುತ್ತಿದ್ದೇವೆ’ ಎಂದಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಯಾರಾಗಲಿದ್ದಾರೆ ಬೆಳಗಾವಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ: ಶೆಟ್ಟರ್ ಸ್ಪರ್ಧೆಗೆ ಭಾರಿ ವಿರೋಧ…
ಆನೆಗೊಂದಿ-ಕಡೆಬಾಗಿಲು ಚೆಕ್ ಪೋಸ್ಟ್ ಬಳಿ 32.95 ಲಕ್ಷ ರೂ.ದಾಖಲೆ ಇಲ್ಲದ ಹಣ ವಶಕ್ಕೆ
Ramanagara ಅಪಘಾತ; ವಿದ್ಯಾರ್ಥಿಗಳ ಪ್ರತಿಭಟನೆ
Telangana: ಜಾರ್ಖಂಡ್ ಗವರ್ನರ್ ಗೆ ಹೆಚ್ಚುವರಿ ಹೊಣೆಗಾರಿಕೆ, ತಮಿಳಿಸೈ ರಾಜೀನಾಮೆ ಅಂಗೀಕಾರ
Road mishap: ಆಟೋ ರಿಕ್ಷಾ – ಕಂಟೇನರ್ ಅಪಘಾತ; ಓರ್ವ ಮೃತ್ಯು, ನಾಲ್ವರಿಗೆ ಗಾಯ