ವೀಕ್‌ ಎಂಡ್‌ ಚಿತ್ರಕ್ಕೆ ಚಾಲನೆ

Team Udayavani, Oct 29, 2018, 11:22 AM IST

ಮಯೂರ ಮೌಂಟನ್‌ ಪಿಕ್ಚರ್ಸ್‌ ಬ್ಯಾನರ್‌ನಲ್ಲಿ ಮಂಜುನಾಥ್‌. ಡಿ ನಿರ್ಮಿಸುತ್ತಿರುವ, ಶೃಂಗೇರಿ ಸುರೇಶ್‌ ನಿರ್ದೇಶನದ “ವೀಕ್‌ ಎಂಡ್‌” ಚಿತ್ರಕ್ಕೆ ಶ್ರೀ ಬನಗಿರಿ ವರಸಿದ್ದಿ ವಿನಾಯಕ ದೇವಸ್ಥಾನದಲ್ಲಿ ಚಾಲನೆ ಸಿಕ್ಕಿದೆ. ನಾಯಕ, ನಾಯಕಿ ಒಬ್ಬರನ್ನೊಬ್ಬರು ನೋಡುವ ಮೊದಲ ದೃಶ್ಯಕ್ಕೆ ನಿರ್ಮಾಪಕ ದೇವರಾಜ್‌ ಕ್ಲಾಪ್‌ ಮಾಡಿದರೆ, ರತ್ನಮ್ಮ ಕ್ಯಾಮೆರಾ ಚಾಲನೆ ಮಾಡಿದ್ದಾರೆ.

ಮುಹೂರ್ತ ಆರಂಭದ ದಿನಂದಿದಲೇ ಚಿತ್ರಕ್ಕೆ ಬೆಂಗಳೂರಿನಲ್ಲಿ ಬಿರುಸಿನ ಚಿತ್ರೀಕರಣ ನಡೆಯುತ್ತಿದೆ. ಬೆಂಗಳೂರು, ಚಿಕ್ಕಮಗಳೂರು, ಮಂಗಳೂರಿನಲ್ಲಿ ಚಿತ್ರಕ್ಕೆ ಒಂದೇ ಹಂತದ ಚಿತ್ರೀಕರಣ ನಡೆಯಲಿದೆ. ಈ ಚಿತ್ರಕ್ಕೆ ಶಶಿಧರ್‌ ಅವರ ಛಾಯಾಗ್ರಹಣವಿದೆ. ಮನೋಜ್‌ ಸಂಗೀತ ನಿರ್ದೇಶನವಿದೆ. ರುದ್ರೇಶ್‌ ಸಂಕಲನ ಮಾಡಿದರೆ, ಬಾಬು ಖಾನ್‌ ಕಲಾ ನಿರ್ದೇಶನವಿದೆ. ಚಿತ್ರದಲ್ಲಿ ಮೂರು ಹಾಡುಗಳಿದ್ದು, ಒಂದು ಫೈಟ್‌ ಒಳಗೊಂಡಿದೆ.

ಚಿತ್ರದಲ್ಲಿ ಮಿಲಿಂದ್‌ ನಾಯಕರಾದರೆ, ಅವರಿಗೆ ಸಂಜನಾ ಬುರ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಉಳಿದಂತೆ ಚಿತ್ರದಲ್ಲಿ ಅನಂತನಾಗ್‌ ಅವರು ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಗೋಪಿನಾಥ್‌ ಭಟ್‌, ಅವಿನಾಶ್‌, ನಾಗಭೂಷಣ್‌, ನೀನಾಸಂ ರಘು ಮುಂತಾದವರು ನಟಿಸುತ್ತಿದ್ದಾರೆ.