“ಮನಮೋಹಕ’ ಆಸೆ ಇನ್ನೂ ಬಿಟ್ಟಿಲ್ಲ
ಶಿವರಾಜಕುಮಾರ್ ಸಿನಿಮಾ ಮಾಡೋಕೆ ಸುನಿ ಕಾತರ
Team Udayavani, Sep 25, 2019, 3:03 AM IST
ನಿರ್ದೇಶಕ ಸುನಿ ಈಗ “ಅವತಾರ್ ಪುರುಷ’ ಸಿನಿಮಾದಲ್ಲಿ ಬಿಝಿ ಆಗಿರುವುದು ಗೊತ್ತೇ ಇದೆ. ಸದ್ಯಕ್ಕೆ ಆ ಚಿತ್ರವನ್ನು ಪ್ರೇಕ್ಷಕರಿಗೆ ತೋರಿಸುವ ಉತ್ಸಾಹದಲ್ಲಿದ್ದಾರೆ ಅವರು. ಹಾಗಾದರೆ, ಸುನಿ ನಿರ್ದೇಶನದ ಮುಂದಿನ ಸಿನಿಮಾ ಯಾವುದು? ಇದಕ್ಕೆ ಸದ್ಯ ಅವರ ಬಳಿ ಉತ್ತರವಿಲ್ಲ. ಆದರೆ, ಅವರಿಗೆ ಶಿವರಾಜಕುಮಾರ್ ಅವರ ಸಿನಿಮಾ ನಿರ್ದೇಶನ ಮಾಡಬೇಕೆಂಬ ಬಯಕೆಯಂತೂ ಬತ್ತಿಲ್ಲ.
ಎಲ್ಲವೂ ಅಂದುಕೊಂಡಂತೆ ನಡೆದಿದ್ದರೆ, ಇಷ್ಟೊತ್ತಿಗಾಗಲೇ ಸುನಿ ಶಿವರಾಜಕುಮಾರ್ ಅವರ ಚಿತ್ರ ಮಾಡಬೇಕಿತ್ತು. ಆದರೆ, ಅದು ಕೆಲ ಕಾರಣಗಳಿಂದ ಸಾಧ್ಯವಾಗಲಿಲ್ಲ. ಸುನಿ ಈ ಹಿಂದೆ ಶಿವರಾಜಕುಮಾರ್ ಅವರಿಗೆ “ಮನಮೋಹಕ’ ಎಂಬ ಚಿತ್ರ ಮಾಡುವುದಾಗಿ ಘೋಷಣೆ ಮಾಡಿದ್ದು ಎಲ್ಲರಿಗೂ ನೆನಪಿರಬಹುದು. ಆ ಚಿತ್ರಕ್ಕಾಗಿ ಚೆಂದದ ಫೋಟೋ ಶೂಟ್ ಕೂಡ ಮಾಡಿದ್ದರು.
ಶಿವರಾಜಕುಮಾರ್ ಆ ಚಿತ್ರದ ಕಥೆ ಕೇಳಿ, ಸುನಿ ಅವರಿಗೆ ಡೇಟ್ ಕೂಡ ನೀಡಿದ್ದರು. ಆದರೆ, ಸಿನಿಮಾ ಮಾತ್ರ ಶುರುವಾಗಲಿಲ್ಲ. ಅದಕ್ಕೆ ಕಾರಣ, ಬಿಗ್ ಬಜೆಟ್. ಹೌದು, ನಿರ್ದೇಶಕ ಸುನಿ ಹೇಳುವಂತೆ, “ಮನಮೋಹಕ’ ಚಿತ್ರ ಮಾಡುವ ಆಸೆ ಇನ್ನೂ ಇದೆ. ಯಾವಾಗ ಆ ಚಿತ್ರ ಮಾಡ್ತೀನೋ ಎಂಬ ತುಡಿತವಿದೆ. ಶಿವರಾಜಕುಮಾರ್ ಅವರು ಸಿಕ್ಕಾಗೆಲ್ಲಾ, “ಆ ಸಿನಿಮಾ ಯಾವಾಗ ಶುರು ಮಾಡ್ತೀಯಾ’ ಅಂತ ಕೇಳುತ್ತಾರೆ. ಅಷ್ಟರ ಮಟ್ಟಿಗೆ ಆ ಕಥೆ ಶಿವಣ್ಣ ಅವರಿಗೆ ಇಷ್ಟವಾಗಿತ್ತು.
ಆದರೆ, ಆ ಚಿತ್ರಕ್ಕೆ ಏನಿಲ್ಲವೆಂದರೂ ಹದಿನೇಳು ಕೋಟಿ ಬಜೆಟ್ ಬೇಕು. ಹಾಗಾಗಿಯೇ ಅದು ಸದ್ಯಕ್ಕೆ ಸೆಟ್ಟೇರಿಲ್ಲ. ಆದರೂ, ಅದನ್ನು ಮಾಡ್ತೀನಿ ಎಂಬ ಭರವಸೆಯಂತೂ ನನಗಿದೆ. ಈಗ “ಅವತಾರ್ ಪುರುಷ’ ನಡೆಯುತ್ತಿದೆ. ಆ ಬಳಿಕ “ಮನಮೋಹಕ’ ಸಿನಿಮಾ ಮಾಡೋಕೆ ನಿರ್ಮಾಪಕರು ಮುಂದೆ ಬಂದರೆ, ಖಂಡಿತ ಮಾಡ್ತೀನಿ. ಒಂದು ವೇಳೆ ಇಲ್ಲವಾದರೂ, ಅದನ್ನು ಏನಾದರೂ ಮಾಡಿ, ಶುರುಮಾಡುವ ಬಗ್ಗೆ ಯೋಚಿಸುತ್ತೇನೆ’ ಎನ್ನುತ್ತಾರೆ ಸುನಿ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Kannada Cinema; ಹೊಸ ಚಿತ್ರದಲ್ಲಿ ಖಡಕ್ ಪೊಲೀಸ್ ಆದ ನೆನಪಿರಲಿ ಪ್ರೇಮ್
ʼದುರ್ಗಿʼಯಾಗಿ ಚಂದನವನಕ್ಕೆ ಕಾಲಿಟ್ಟ ಕಾಲಿವುಡ್ ಬೆಡಗಿ: ಡಾಲಿ ಜೊತೆ ರೊಮ್ಯಾನ್ಸ್
Harshika Poonachha ದಂಪತಿ ಮೇಲೆ ಹಲ್ಲೆ; ಇಬ್ಬರ ವಿರುದ್ಧ ಕೇಸ್ ದಾಖಲು
Kannada Cinema; ‘ರಾಮರಸ’ ಹಿಂದೆ ಗುರು ಆ್ಯಂಡ್ ಟೀಂ
ಮೈಸೂರಲ್ಲಿ ‘ಬಘೀರ’ ಶೂಟಿಂಗ್ ವೇಳೆ ನಟ ಶ್ರೀಮುರುಳಿಗೆ ಗಾಯ; ಆಸ್ಪತ್ರೆಗೆ ದಾಖಲು