ಕಿಶೋರ್ ಮೊಗದಲ್ಲಿ “ನನ್ನ ಪ್ರಕಾರ’ ನಗು
Team Udayavani, Sep 18, 2019, 3:00 AM IST
ನಟ ಕಿಶೋರ್ ಖುಷಿಯಾಗಿದ್ದಾರೆ. ಅದಕ್ಕೆ ಕಾರಣ “ನನ್ನ ಪ್ರಕಾರ’ ಚಿತ್ರ. ಹೌದು, ಕಿಶೋರ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ “ನನ್ನ ಪ್ರಕಾರ’ ಚಿತ್ರ ಈಗ 25 ದಿನಗಳನ್ನು ಪೂರೈಸಿದೆ. ಈ ಮೂಲಕ ಕಿಶೋರ್ ಹಾಗೂ ಚಿತ್ರತಂಡ ಖುಷಿಯಾಗಿದೆ. ಚಿತ್ರ 25 ದಿನಗಳನ್ನು ಪೂರೈಸಿದ ಸಂಭ್ರಮವನ್ನು ಚಿತ್ರತಂಡ ಚಿತ್ರಮಂದಿರಕ್ಕೆ ತೆರಳಿ ಅಭಿಮಾನಿಗಳ ಜೊತೆ ಸಿಹಿ ಹಂಚಿ ಸಂಭ್ರಮಿಸಿದೆ. “ಚಿತ್ರ 12ಕ್ಕೂ ಹೆಚ್ಚು ಕೇಂದ್ರಗಳಲ್ಲಿ 25 ದಿನ ಪೂರೈಸುತ್ತಿದೆ.
ಎಲ್ಲೆಲ್ಲಿ ಚಿತ್ರ ತೆರಕಂಡಿರಲಿಲ್ಲವೋ ಅಲ್ಲೆಲ್ಲಾ ಬಿಡುಗಡೆ ಮಾಡುತ್ತಿದ್ದೇವೆ. ಮುಂದಿನ ವಾರ ಚಿತ್ರ ವಿದೇಶಗಳಲ್ಲೂ ತೆರೆಕಾಣುತ್ತಿದೆ. ಆಸ್ಟ್ರೇಲಿಯಾ, ಜರ್ಮನಿ, ದುಬೈಗಳಲ್ಲಿ ಚಿತ್ರ ತೆರೆಕಾಣಲಿದೆ. ಈ ಚಿತ್ರದಿಂದ ಎಲ್ಲರೂ ಖುಷಿಯಾಗಿದ್ದೇವೆ’ ಎನ್ನುವುದು ನಿರ್ದೇಶಕ ವಿನಯ್ ಬಾಲಾಜಿ ಮಾತು. ಈ ಚಿತ್ರವನ್ನು ಗುರುರಾಜ್ ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಪ್ರಿಯಾಮಣಿ, ಮಯೂರಿ ಪ್ರಮುಖ ಪಾತ್ರ ಮಾಡಿದ್ದಾರೆ.