ಬಿಡುಗಡೆಗೆ ಸಿದ್ದವಾಯ್ತು ‘ಪದವಿಪೂರ್ವ’ ಚಿತ್ರ

Team Udayavani, Nov 28, 2022, 5:34 PM IST

ಯೋಗರಾಜ್‌ ಸಿನಿಮಾಸ್‌ ಹಾಗೂ ರವಿ ಶಾಮನೂರ್‌ ಫಿಲಂಸ್‌ ಜಂಟಿಯಾಗಿ ನಿರ್ಮಿಸಿ ಹರಿಪ್ರಸಾದ್‌ ಜಯಣ್ಣ ನಿರ್ದೇಶಿಸಿರುವ “ಪದವಿಪೂರ್ವ’ ಚಿತ್ರ ಬಿಡುಗಡೆಗೆ ಸಜ್ಜಾಗಿದೆ. ಫ್ರೆಂಡ್‌ಶಿಪ್‌ ಸಾಂಗ್‌ ಮೂಲಕ ಈಗಾಗಲೇ ಭರ್ಜರಿ ಸದ್ದು ಮಾಡಿರುವ ಚಿತ್ರ ಇದೇ ಡಿಸೆಂಬರ್‌ 30 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

ಹೊಸಬರ ದಂಡೇ ಇರುವ ಈ ಚಿತ್ರಕ್ಕೆ ಯುವ ಪ್ರತಿಭೆ ಪೃಥ್ವಿ ಶಾಮನೂರು ನಾಯಕನಾದರೆ, ಅಂಜಲಿ ಅನೀಶ್‌ ಮತ್ತು ಯಶ ಶಿವಕುಮಾರ್‌ ನಾಯಕಿಯಾಗಿ ಅಭಿನಯಿಸಿದ್ದಾರೆ. ವಿಶೇಷ ಪಾತ್ರದಲ್ಲಿ ಶರತ್‌ ಲೋಹಿತಾಶ್ವ, ರಂಗಾಯಣ ರಘು, ದಿವ್ಯ ಉರುಡುಗ, ಪ್ರಭು, ಶ್ರೀ ಮಹದೇವ್‌ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ:ವಿಜಯ್ ಹಜಾರೆ ಟ್ರೋಫಿ: ಪಂಜಾಬ್ ವಿರುದ್ಧ ಗೆದ್ದು ಸೆಮಿ ಎಂಟ್ರಿಕೊಟ್ಟ ಕರ್ನಾಟಕ

ಸಿನಿಮಾ ಬಗ್ಗೆ ಪೃಥ್ವಿ ಶಾಮನೂರು ಖುಷಿಯಾಗಿದ್ದಾರೆ. ಅದಕ್ಕೆ ಕಾರಣ ಸಿನಿಮಾ ಮೂಡಿಬಂದಿರುವ ರೀತಿ. “ನಾನು ಪಿಯುಸಿ ಇದ್ದಾಗ ಈ ಸಿನಿಮಾ ಆರಂಭವಾಗಿದ್ದು. ನನ್ನ ರಿಯಲ್‌ ಲೈಫ್ ಗೆ ತುಂಬಾ ಹತ್ತಿರವಾದ ಕಥೆ. ಇಡೀ ಸಿನಿಮಾ ಸೊಗಸಾಗಿ ಮೂಡಿಬಂದಿದೆ. ಮುಖ್ಯವಾಗಿ ಈ ಸಿನಿಮಾದಲ್ಲಿ ನನಗೆ ಕಲಿಯಲು ಸಾಕಷ್ಟು ಅವಕಾಶ ಸಿಕ್ಕಿತು. ಸಿನಿಮಾ ತಡವಾದಷ್ಟು ನಾನು ಹೆಚ್ಚೆಚ್ಚು ಕಲಿತೆ. ನನ್ನ ಮಿಸ್ಟೆಕ್‌ಗಳನ್ನೆಲ್ಲಾ ಸರಿಪಡಿಸುತ್ತಾ ಬಂದೆ. ಅದೇ ಕಾರಣದಿಂದ ಸಿನಿಮಾದಲ್ಲಿ ಚೆನ್ನಾಗಿ ನಟಿಸಲು ಸಾಧ್ಯವಾಯಿತು. ಮುಖ್ಯವಾಗಿ ಒಬ್ಬ ಕಲಾವಿದನಾಗಲು ಏನೇನು ಅಂಶಗಳು ಮುಖ್ಯವೋ, ಅವೆಲ್ಲವನ್ನು ಈ ಸಿನಿಮಾದಿಂದ ಕಲಿತೆ’ ಎಂದು ಖುಷಿಯಿಂದ ಹೇಳುತ್ತಾರೆ ಪೃಥ್ವಿ.