ಅಧ್ಯಕ್ಷರಿಗೆ ಜನಬಲ!

ಎಲ್ಲರ ಮೊಗದಲ್ಲಿ ಮಂದಹಾಸ...

Team Udayavani, Oct 20, 2019, 3:01 AM IST

“ಅಧ್ಯಕ್ಷರ ಮೊಗದಲ್ಲಿ ನಗು ಮೂಡಿದೆ…’ ಹೌದು, ಇದು ಯಾವುದೋ ರಾಜಕಾರಣಿಯ ವಿಷಯವಲ್ಲ, ಸಿನಿಮಾ ಸುದ್ದಿ. “ಅಧ್ಯಕ್ಷ ಇನ್‌ ಅಮೆರಿಕ’ ಚಿತ್ರಕ್ಕೆ ಜನಬಲ ಸಿಕ್ಕಿದೆ. ಹಾಗಾಗಿ, ಚಿತ್ರತಂಡ ಖುಷಿಯ ಮೂಡ್‌ನ‌ಲ್ಲಿದೆ. ಸಿನಿಮಾಗೆ ಭರಪೂರ ಬೆಂಬಲ ಸಿಕ್ಕಿದೆ ಅಂತ ಹೇಳಿಕೊಳ್ಳಲೆಂದೇ ಅವರು ಪತ್ರಕರ್ತರ ಮುಂದೆ ಬಂದಿದ್ದರು. ಮೊದಲು ಖುಷಿ ಹಂಚಿಕೊಂಡಿದ್ದು, ನಟ ಶರಣ್‌. “ನಿಮ್ಮಿಂದ ನಾವು ಇಲ್ಲಿಯವರೆಗೆ ಬಂದಿದ್ದೇವೆ. ಜನರ ಬೆಂಬಲ ಈ ಅಧ್ಯಕ್ಷನಿಗೆ ಸಿಕ್ಕಿದೆ.

ಹಾಗಾಗಿ ಎಲ್ಲರ ಮೊಗದಲ್ಲೂ ಮಂದಹಾಸ ಮೂಡಿದೆ. ನಿರ್ಮಾಣ ಸಂಸ್ಥೆಗೆ ಇದು ಮೊದಲ ಸಿನಿಮಾ. ತಮ್ಮ ಚೊಚ್ಚಲ ಪ್ರಯತ್ನದಲ್ಲೇ ಒಳ್ಳೆಯ ಗೆಲುವು ಸಿಕ್ಕಿದೆ’ ಎಂದು ಖುಷಿಗೊಂಡರು ಶರಣ್‌. ರಾಗಿಣಿ ಕೂಡ ಅಂದು ಸಂತಸದಲ್ಲಿದ್ದರು. ಅದಕ್ಕೆ ಕಾರಣ, ಅಧ್ಯಕ್ಷನಿಗೆ ಸಿಕ್ಕ ಗೆಲುವು. “ಎಲ್ಲೇ ಹೋದರು ಒಳ್ಳೆಯ ಮೆಚ್ಚುಗೆ ಸಿಗುತ್ತಿದೆ. ಸಿನಿಮಾ ಕಾಮಿಡಿಯಾಗಿರುವುದರಿಂದ ಜನರು ಇಷ್ಟಪಟ್ಟಿದ್ದಾರೆ.

ಆದಷ್ಟು ಬೇಗ ಈ ನಿರ್ಮಾಣ ಸಂಸ್ಥೆ ಇನ್ನೊಂದು ಚಿತ್ರ ಮಾಡಲಿ’ ಎಂಬುದು ರಾಗಿಣಿ ಮಾತು. ನಿರ್ದೇಶಕ ಯೋಗಾನಂದ್‌ ಮುದ್ದಾನ್‌ ಅವರ ಖುಷಿಗಂತೂ ಪಾರವೇ ಇರಲಿಲ್ಲ. “ಇತ್ತೀಚೆಗೆ ಸಕ್ಸಸ್‌ ಪಾರ್ಟಿ ಅನ್ನೋದು ಮರೀಚಿಕೆಯಾಗಿತ್ತು. ಇಂತಹ ಸಂದರ್ಭದಲ್ಲೂ ಅಧ್ಯಕ್ಷನ ಕಾಮಿಡಿಗೆ ಜನರು ಫಿದಾ ಆಗಿದ್ದಾರೆ ಎಂದರು ನಿರ್ದೇಶಕ ಯೋಗಾನಂದ್‌. ಇನ್ನು, ಅಂದು ಶಿವರಾಜ್‌ ಕೆ.ಆರ್‌ಪೇಟೆ ಹಾಗು ಸುಂದರ್‌ ಅವರು ಸಹ, ಇಂತಹ ಒಳ್ಳೆಯ ಸಂಸ್ಥೆಯಲ್ಲಿ ನಾವು ಕೆಲಸ ಮಾಡಿದ್ದು ಖುಷಿಕೊಟ್ಟಿದೆ.

ಅದರಲ್ಲೂ ಚಿತ್ರ ಗೆಲುವು ಕಂಡಿರುವುದು ಸಂತಸ ಹೆಚ್ಚಿಸಿದೆ ಎಂದರು ಅವರು. ಸದ್ಯಕ್ಕೆ ಚಿತ್ರ ವಿದೇಶದಲ್ಲೂ ಪ್ರದರ್ಶನ ಕಾಣುತ್ತಿದೆ. ಕಾರ್ಯಕಾರಿ ನಿರ್ಮಾಪಕಿ ಜಯ ಅವರು ಕನ್ನಡಿಗರು ಹೆಚ್ಚು ಇರುವ ಅಮೆರಿಕ ನಗರದಲ್ಲಿ ಸಿನಿಮಾ ಬಿಡುಗಡೆಯಾಗಿದೆ. ಸಿಂಗಾಪುರ ಇತರೆಡೆಯೂ ಚಿತ್ರವಿದೆ ಎಂದರು. ಇದೇ ವೇಳೆ, ಚಿತ್ರತಂಡ ತಂತ್ರಜ್ಞರಿಗೆ ನೆನಪಿನ ಕಾಣಿಕೆ ವಿತರಿಸಿ, ಸಂಭ್ರಮಿಸಿತು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಕವಿರಾಜ್‌ ನಿರ್ದೇಶನದ "ಕಾಳಿದಾಸ ಕನ್ನಡ ಮೇಷ್ಟ್ರು' ಈ ವಾರ ತೆರೆಗೆ ಅಪ್ಪಳಿಸುತ್ತಿದೆ. ಈ ಚಿತ್ರದಲ್ಲಿ ಜಗ್ಗೇಶ್‌ ಮತ್ತು ಮೇಘನಾ ಗಾಂವ್ಕರ್‌ ಪ್ರಮುಖ ಆಕರ್ಷಣೆ....

  • "ಅಂದವಾದ' ಚಿತ್ರ ಅಕ್ಟೋಬರ್‌ ಕೊನೆಯ ವಾರದಲ್ಲಿ ಬಿಡುಗಡೆಯಾಗಿದ್ದು, ನಿಮಗೆ ಗೊತ್ತಿರಬಹುದು. ಹೊಸಬರ ಚಿತ್ರವಾಗಿದ್ದರೂ ತನ್ನ ಕಥೆ ಹಾಗೂ ನಿರೂಪಣೆಯಿಂದ ಗಮನ...

  • ನಿರ್ದೇಶಕ ಆರ್‌.ಚಂದ್ರು "ಐ ಲವ್‌ ಯು' ಸಿನಿಮಾದ ಯಶಸ್ಸಿನ ಬಳಿಕ "ಕಬ್ಜ' ಚಿತ್ರ ಮಾಡಲು ಹೊರಟಿರೋದು ನಿಮಗೆ ಗೊತ್ತೇ ಇದೆ. ಈ ಹಿಂದೆ ಸೆಂಟಿಮೆಂಟ್‌, ಲವ್‌ ಸ್ಟೋರಿ...

  • ಚಿತ್ರರಂಗದಲ್ಲಿ ಈಗಾಗಲೇ ಹಲವು ಹೀರೋಗಳು ತಮ್ಮ ಹೆಸರನ್ನು ಬದಲಿಸಿಕೊಂಡಿದ್ದಾರೆ. ಆ ಸಾಲಿಗೆ ಈಗ ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಅವರ ಪುತ್ರ ಮನೋರಂಜನ್‌ ಹೊಸ...

  • ಕನ್ನಡ ಚಿತ್ರರಂಗಕ್ಕೆ ಈಗಾಗಲೇ ಹಲವು ರಾಜ್ಯಗಳಿಂದ ನಟಿಮಣಿಯರ ಆಗಮನವಾಗಿದೆ. ಈಗಲೂ ಆಗುತ್ತಲೇ ಇದೆ. ಆ ಸಾಲಿಗೆ ಈಗ ಅಸ್ಸಾಂ ಚೆಲುವೆ ಹೊಸ ಸೇರ್ಪಡೆ. ಹೌದು, ಖಯಾದು...

ಹೊಸ ಸೇರ್ಪಡೆ