ಮಾ.24ರಂದು ಉದಯವಾಣಿ ಫೇಸ್ ಬುಕ್ ಲೈವ್ ನಲ್ಲಿ ‘ದಿಯಾ’ ಖ್ಯಾತಿಯ ಪೃಥ್ವಿ ಅಂಬಾರ್
Team Udayavani, Mar 23, 2021, 11:14 AM IST
ಮಣಿಪಾಲ: ಕನ್ನಡ, ತುಳು ಚಿತ್ರರಂಗದ ಯುವ ನಟ, ‘ದಿಯಾ’ ಚಿತ್ರದಿಂದ ರಾಜ್ಯಾದ್ಯಂತ ಮನೆಮಾತಾದ ನಟ ಪೃಥ್ವಿ ಅಂಬಾರ್ ಅವರು ಮಾರ್ಚ್ 24ರಂದು ‘ಉದಯವಾಣಿ ಡಾಟ್ ಕಾಮ್’ ನ ತೆರೆದಿದೆ ಮನೆ ಬಾ ಅತಿಥಿ ಫೇಸ್ ಬುಕ್ ಲೈವ್ ನಲ್ಲಿ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
ಪೃಥ್ವಿ ಅಂಬಾರ್ ಅವರು ಸಂಜೆ ಮಾರ್ಚ್ 24ರಂದು 5.30 ರಿಂದ ಫೇಸ್ ಲೈವ್ ನಲ್ಲಿ ಮಾತುಕತೆ ನಡೆಸಲಿದ್ದು, ಈ ಸಂದರ್ಭದಲ್ಲಿ ಓದುಗರು ಕೂಡಾ ಅವರಿಗೆ ತಮ್ಮ ಪ್ರಶ್ನೆಗಳನ್ನು ಲೈವ್ ಚಾಟ್ ಮೂಲಕ ಕೇಳಿ ಉತ್ತರ ಪಡೆಯಬಹುದಾಗಿದೆ.
ಇದನ್ನೂ ಓದಿ:ಸಖತ್ ನಲ್ಲಿ ಅಂಧನಾದ ಗಣೇಶ್: ಕುತೂಹಲ ಹೆಚ್ಚಿಸಿದ ಹೊಸತರದ ಪಾತ್ರ
ಉಡುಪಿ ಜಿಲ್ಲೆಯ ಕಾಪುವಿನವರಾದ ಪೃಥ್ವಿ ಅಂಬಾರ್ ಮಂಗಳೂರಿನಲ್ಲಿ ಆರ್.ಜೆ (ರೇಡಿಯೋ ಜಾಕಿ) ಯಾಗಿ ವೃತ್ತಿ ಜೀವನ ಆರಂಭಿಸಿದರು. ಮಾಡೆಲ್, ಡ್ಯಾನ್ಸರ್ ಆಗಿ ಮಿಂಚಿದ್ದ ಅವರು, 2014ರಲ್ಲಿ ಬರ್ಕೆ ಎಂಬ ತುಳು ಚಿತ್ರದ ಮೂಲಕ ದೊಡ್ಡ ಪರದೆಗೆ ಪದಾರ್ಪಣೆ ಮಾಡಿದರು.
ತುಳು ಚಿತ್ರಗಳಾದ ‘ಪಿಲಿಬೈಲ್ ಯಮುನಕ್ಕ’, ‘ಪಮ್ಮಣ್ಣೆ ದಿ ಗ್ರೇಟ್’, ‘ಗೋಲ್ಮಾಲ್’, ‘ಆಟಿದೊಂಜಿ ದಿನ’, ‘ಎನ್ನ’, ‘ರಡ್ಡ್ ಎಕ್ರೆ’ ಮುಂತಾದ ಚಿತ್ರಗಳಲ್ಲಿ ನಟಿಸಿ ಕರಾವಳಿ ಭಾಗದಲ್ಲಿ ಮನೆಮಾತಾದರು. ಸದ್ಯ ಸೂರಜ್ ಶೆಟ್ಟಿ ನಿರ್ದೇಶನದ, ಪೃಥ್ವಿ ಅಂಬಾರ್ ನಾಯಕ ನಟನಾಗಿ ಅಭಿನಯಿಸುತ್ತಿರುವ ‘ಇಂಗ್ಲೀಷ್’ ಚಿತ್ರ ತೆರೆಗೆ ಬರಲು ಸಜ್ಜಾಗಿದೆ.
ಇದನ್ನೂ ಓದಿ: 67ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪಟ್ಟಿ ಇಲ್ಲಿದೆ ನೋಡಿ
ಕಳೆದ ವರ್ಷ ಬಿಡುಗಡೆಯಾದ ಕನ್ನಡದ ‘ದಿಯಾ’ ಚಿತ್ರದಲ್ಲಿನ ಪೃಥ್ವಿ ಅಂಬಾರ್ ನಟನೆ ಅವರನ್ನು ರಾಜ್ಯಾದ್ಯಂತ ಗುರುತಿಸುವಂತೆ ಮಾಡಿದೆ. ಬಳಿಕ ಕನ್ನಡದ “ಜೊತೆ ಜೊತೆಯಲಿ” ಧಾರವಾಹಿಯಲ್ಲಿ ‘ನೀಲ್’ ಪಾತ್ರದಲ್ಲಿ ಮಿಂಚಿದ್ದರು.