ಏಕ್ಲವ್ಯಾದಲ್ಲಿ ಮತ್ತೆ ಬೋಲ್ಡ್ ಆದ ರಚಿತಾ
ಧಮ್ಗೂ ಸೈ, ಲಿಪ್ಲಾಕ್ಗೂ ಸೈ...
Team Udayavani, Feb 15, 2020, 7:02 AM IST
ನಟಿ ರಚಿತಾ ರಾಮ್, ಉಪೇಂದ್ರ ನಾಯಕರಾಗಿರುವ “ಐ ಲವ್ ಯು’ ಚಿತ್ರದ ಹಾಡೊಂದರಲ್ಲಿ ಸಖತ್ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದರು. ಆ ಬಗ್ಗೆ ಸಾಕಷ್ಟು ಪರ-ವಿರೋಧದ ಕಾಮೆಂಟ್ಸ್ಗಳು ಬರುತ್ತಿದ್ದಂತೆ ರಚಿತಾ, ಆ ಸಿನಿಮಾದ ಬಿಡುಗಡೆಯ ಸಮಯದಲ್ಲಿ ಚಿತ್ರದ ಪ್ರಚಾರದಿಂದಲೇ ದೂರ ಉಳಿದಿದ್ದರು. ಈಗ ಮತ್ತೆ ರಚಿತಾ ಸುದ್ದಿಯಲ್ಲಿದ್ದಾರೆ. ಅದು ಕೂಡಾ ಬೋಲ್ಡ್ ಆಗಿ ಕಾಣಿಸಿಕೊಂಡು.
ಹೌದು, ಪ್ರೇಮ್ ನಿರ್ದೇಶನದ “ಏಕ್ಲವ್ಯ’ ಚಿತ್ರದ ಟೀಸರ್ ನೋಡಿದವರು ರಚಿತಾ ಮತ್ತೆ ಬೋಲ್ಡ್ ಆಗಿ ಕಾಣಿಸಿಕೊಂಡ್ರಾ ಎಂದು ಉದ್ಗಾರ ತೆಗೆಯುತ್ತಿದ್ದಾರೆ. ಟೀಸರ್ ಓಪನಿಂಗ್ನಲ್ಲೇ ರಚಿತಾ ಹಾಗೂ ನಾಯಕ ರಾಣಾ ಸಿಗರೇಟ್ ಸೇದುವ ದೃಶ್ಯವಿದ್ದರೆ, ಆ ನಂತರದ ದೃಶ್ಯದಲ್ಲಿ ರಚಿತಾ ಹಾಗೂ ರಾಣಾ ಲಿಪ್ ಕಿಸ್ ಮಾಡಿದ್ದಾರೆ. ಈ ಮೂಲಕ ರಚಿತಾ ರಾಮ್, ತಾನು ಪಾತ್ರಕ್ಕಾಗಿ ಆಗಾಗ ಬೋಲ್ಡ್ ಆಗುತ್ತೇನೆ ಎಂದಂತಿದೆ.
ಪ್ರೇಮಿಗಳ ದಿನಕ್ಕೆ ಬಿಡುಗಡೆಯಾಗಿರುವ ಈ “ಏಕ್ಲವ್ಯ’ ಚಿತ್ರದಲ್ಲಿ ರಾಣಾ, ರಚಿತಾ ರಾಮ್, ರೀಷ್ಮಾ ಸೇರಿದಂತೆ ಅನೇಕರು ನಟಿಸುತ್ತಿದ್ದಾರೆ. ತುಂಬಾ ಗ್ಯಾಪ್ನ ನಂತರ ಪ್ರೇಮ್ ನಿರ್ದೇಶಿಸುತ್ತಿರುವ ಲವ್ಸ್ಟೋರಿ ಇದು. ಚಿತ್ರ ಏಪ್ರಿಲ್ನಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಚಿತ್ರವನ್ನು ರಕ್ಷಿತಾ ಪ್ರೇಮ್ ನಿರ್ಮಿಸಿದ್ದಾರೆ.