ರಾಣಿ ಜೇನು ಆಲ್ಬಂ ಬಂತು

Team Udayavani, Dec 2, 2020, 10:57 AM IST

ಸಂಗೀತ ಕ್ಷೇತ್ರದಲ್ಲಿ ತನ್ನದೇ ಹೆಸರು ಮಾಡಿರುವ ಜಂಕಾರ್‌ ಮ್ಯೂಸಿಕ್‌ ಸಂಸ್ಥೆ ಈವರೆಗೂ ಸಾಕಷ್ಟು ವಿಡಿಯೋ ಆಲ್ಬಂ ಬಿಡುಗಡೆ ಮಾಡಿದೆ.

ಈ ಬಾರಿ ಸೋನಿ ಆಚಾರ್ಯ ಅವರ ಸಾರಥ್ಯದಲ್ಲಿ ರಾಣಿ ಜೇನು ಎಂಬ ರೊಮ್ಯಾಂಟಿಕ್‌ ವಿಡಿಯೋ ಜಂಕಾರ್‌ ಮ್ಯೂಸಿಕ್‌ ಯೂಟ್ಯೂಬ್‌ ಚಾನಲ್‌ ನಲ್ಲಿ ಬಿಡುಗಡೆಯಾಗಿದೆ.

ಸೋನಿ ಆಚಾರ್ಯ ಮತ್ತು ಪೂಜಾ ನಾಣಯ್ಯ ನಟಿಸಿರುವ ಈ ಆಲ್ಬಂನ ಚಿತ್ರೀಕರಣ ಶ್ರೀರಂಗಪಟ್ಟಣ,ಕರಿಫ‌ಟ್ಟ ಸುತ್ತಮುತ್ತಲಿನ ಸುಂದರ ಪರಿಸರದಲ್ಲಿ ಚಿತ್ರೀಕರಣವಾಗಿದೆ. ಸೋನಿ ಆಚಾರ್ಯ ಸಾಹಿತ್ಯ ಬರೆದು, ಸಂಗೀತ ನೀಡಿ, ನಟಿಸಿರುವ ಈ ಆಲ್ಬಂ ಗೆ ರಾಮ್‌ ಸಂತೋಷ್‌ ಛಾಯಾಗ್ರಹಣ, ಶಶಾಂಕ್‌ ಮುರಳೀಧರನ್‌ ಸಂಕಲನ ಹಾಗೂ ಶ್ರೀಧರ್‌, ಶ್ರೀ ನೃತ್ಯ ನಿರ್ದೇಶನವಿದೆ. ­

ಇದನ್ನೂ ಓದಿ : ಮಂಗಳೂರು ಬೋಟ್ ದುರಂತ: ಮತ್ತೋರ್ವ ಮೀನುಗಾರನ ಮೃತದೇಹ ಪತ್ತೆ

ಪ್ರೇಮ್‌ ಕಾಶ್ಮೀರ : ನಿರ್ದೇಶಕ ಪ್ರೇಮ್‌ ಸದ್ಯಕಾಶ್ಮೀರದಲ್ಲಿದ್ದಾರೆ. ತಮ್ಮ ಹೊಸ ಸಿನಿಮಾ “ಏಕ್‌ ಲವ್‌ ಯಾ’ ಚಿತ್ರೀಕರಣದಲ್ಲಿ ಪ್ರೇಮ್‌ ಬಿಝಿಯಾಗಿದ್ದು,ಭಾನುವಾರ ತಮ್ಮ ತಂಡದೊಂದಿಗೆ ಕಾಶ್ಮೀರ ತಲುಪಿದ್ದಾರೆ.

ಈ ವಿಡಿಯೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಆರ್ಟಿಕಲ್ ‌370 ರದ್ದಾದ ಬಳಿಕ ಚಿತ್ರೀಕರಣವಾಗುತ್ತಿರುವ ಮೊದಲ ಸಿನಿಮಾವಿದು ಎಂದು ಹೇಳಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ರಾಣಾ ನಾಯಕರಾಗಿ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ರಚಿತಾ ರಾಮ್‌ ಕೂಡಾ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ.

ಅಡಕೆ ಸುಲಿಯಲು ಸೈ ಎಂದ ರಂಜನಿ : ಕಿರುತೆರೆ ಮತ್ತು ಹಿರಿತೆರೆ ಎರಡರಲ್ಲೂ ಸಕ್ರಿಯವಾಗಿರುವ ನಟಿ ರಂಜನಿ ರಾಘವನ್‌ ಅಡಕೆ ಸುಲಿಯುವ ವಿಡಿಯೋವೊಂದುಸೋಶಿಯಲ್‌ ಮೀಡಿಯಾಗಳಲ್ಲಿ ಜೋರಾಗಿ ಹರಿದಾಡುತ್ತಿದೆ.

ಮಲೆನಾಡಿನಲ್ಲಿ ಸದ್ಯ ನಡೆಯುತ್ತಿರುವ ಅಡಕೆಕೊಯ್ಲು ಸಂದರ್ಭದಲ್ಲಿ, ಮಹಿಳೆಯರ ಜೊತೆ ಸೇರಿಕೊಂಡು ನಟಿ ರಂಜನಿ ರಾಘವನ್‌ ಕೂಡ ಅಡಕೆ ಸುಲಿಯುವಕೆಲಸ ಮಾಡಿದ್ದಾರೆ.ಅಂದಹಾಗೆ, ರಂಜನಿ ರಾಘವನ್‌ ಈ ಕೆಲಸ ಮಾಡಿರುವುದು “ಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲ’ ಚಿತ್ರದ ದೃಶ್ಯಕ್ಕಾಗಿ. ನಟ ದಿಗಂತ್‌ ಅಭಿನಯದ ಈ ಚಿತ್ರದಲ್ಲಿ ರಂಜನಿ ಕೂಡ ಪ್ರಮುಖ ಪಾತ್ರಕ್ಕೆ ಬಣ್ಣ ಹಚ್ಚಿದ್ದು, ಸದ್ಯ ಈ ಚಿತ್ರದ ಚಿತ್ರೀಕರಣ ಮಲೆನಾಡು ಭಾಗದಲ್ಲಿ ನಡೆಯುತ್ತಿದೆ.