ಯುಟ್ಯೂಬ್ನಲ್ಲೂ ರಶ್ಮಿಕಾ ಮಂದಣ್ಣ ಹವಾ!
Team Udayavani, Mar 12, 2022, 12:09 PM IST
ಟಾಲಿವುಡ್ನಲ್ಲಿ ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನು ನೀಡುತ್ತ ಯಶಸ್ಸಿನ ಅಲೆಯಲ್ಲಿರುವ ನಟಿ ರಶ್ಮಿಕಾ ಮಂದಣ್ಣ, ಸದ್ಯ ಏನೇ ಮಾಡಿದ್ರೂ ಅದು ದೊಡ್ಡ ಮಟ್ಟಿಗೆ ಸುದ್ದಿಯಾಗುತ್ತದೆ. ಈಗಾಗಲೇ ಟ್ವಿಟ್ಟರ್, ಇನ್ಸ್ಸ್ಟಾಗ್ರಾಂ ಹೀಗೆ ಬೇರೆ ಬೇರೆ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ರಶ್ಮಿಕಾ ಮಂದಣ್ಣ, ತಮ್ಮ ಪೋಸ್ಟಗಳ ಮೂಲಕ ಅಭಿಮಾನಿಗಳೊಂದಿಗೆ ಸಂವಹನ ನಡೆಸುತ್ತಿರುತ್ತಾರೆ. ಟ್ವಿಟ್ಟರ್, ಇನ್ಸ್ಸ್ಟಾಗ್ರಾಂನಲ್ಲಿ ದೊಡ್ಡ ಸಂಖ್ಯೆಯಲ್ಲಿ ತಮ್ಮದೇ ಆದ ಫಾಲೋವರ್ ಹೊಂದಿರುವ ರಶ್ಮಿಕಾ, ಈಗ ಯೂಟ್ಯೂಬ್ನಲ್ಲೂ ತಮ್ಮ ಹವಾ ತೋರಿಸಲು ರಶ್ಮಿಕಾ ಮಂದಣ್ಣ ರೆಡಿಯಾಗಿದ್ದಾರೆ.
ಹೌದು, ತಮ್ಮ ವಿಷಯಗಳನ್ನು ಅಭಿಮಾನಿಗಳ ಜೊತೆ ಹಂಚಿಕೊಳ್ಳ ಬೇಕು ಮತ್ತು ಅಭಿಮಾನಿಗಳಿಗೆ ಮತ್ತಷ್ಟು ಹತ್ತಿರವಾಗಬೇಕು ಎಂಬಕಾರಣಕ್ಕೆ ರಶ್ಮಿಕಾ ಮಂದಣ್ಣ ತಮ್ಮದೇಆದ ಹೊಸ ಯೂ-ಟ್ಯೂಬ್ ಚಾನೆಲ್ ಪ್ರಾರಂಭಿಸುವ ಯೋಚನೆಯಲ್ಲಿದ್ದಾರೆ. ಈಗಾಗಲೇ ಇದಕ್ಕಾಗಿ ಒಂದಷ್ಟು ತಯಾರಿ ಮಾಡಿಕೊಂಡಿರುವ ರಶ್ಮಿಕಾ ಆದಷ್ಟು ಬೇಗ ಯೂ-ಟ್ಯೂಬ್ನಲ್ಲೂ ಹೊಸ ವಿಷಯಗಳ ಮೂಲಕ ಅಭಿಮಾನಿಗಳ ಮುಂದೆ ಬರಲಿದ್ದಾರೆ ಎನ್ನಲಾಗುತ್ತಿದೆ.
ಇನ್ನು ಯೂ-ಟ್ಯೂಬ್ನಲ್ಲಿ ರಶ್ಮಿಕಾ ಚಾನೆಲ್ ಶುರು ಮಾಡಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದ್ದಂತೆ, ರಶ್ಮಿಕಾ ಚಾನೆಲ್ ಹುಡುಕಾಟ ಕೂಡ ಶುರುವಾಗಿದೆ! ಕಳೆದ ಎರಡು-ಮೂರು ದಿನಗಳಿಂದ ರಶ್ಮಿಕಾ ಮಂದಣ್ಣ ಹೆಸರಿನಲ್ಲಿ ಯು-ಟ್ಯೂಬ್ನಲ್ಲಿ ಅಭಿಮಾನಿಗಳ ಹುಡುಕಾಟ ಕೂಡ ಜೋರಾಗುತ್ತಿದೆ ಎನ್ನಲಾಗಿದೆ.