ಫೆಬ್ರವರಿಯಿಂದ ರಾಬರ್ಟ್ ಗಡ್ಡಧಾರಿ ದರ್ಶನ್
Team Udayavani, Dec 18, 2018, 11:27 AM IST
ದರ್ಶನ್ ಸದ್ಯ “ಒಡೆಯ’ ಚಿತ್ರೀಕರಣದಲ್ಲಿ ಬಿಝಿ. ತಾವರೆಕೆರೆ ಬಳಿ “ಒಡೆಯ’ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. “ಒಡೆಯ’ ಶೆಡ್ನೂಲ್ ಮುಗಿಸಿಕೊಂಡು ದರ್ಶನ್ ಯಾವ ಸಿನಿಮಾ ಕೈಗೆತ್ತಿಕೊಳ್ಳಲಿದ್ದಾರೆ ಎಂಬ ಪ್ರಶ್ನೆಗೆ ಈಗ ಉತ್ತರ ಸಿಕ್ಕಿದೆ. ಅದು ತರುಣ್ ಸುಧೀರ್ ನಿರ್ದೇಶನದ ಸಿನಿಮಾ. ಇದು ದರ್ಶನ್ ಅವರ 53ನೇ ಸಿನಿಮಾವಾಗಿದ್ದು, ಈಗಾಗಲೇ ತರುಣ್ ಸುಧೀರ್ ತಮ್ಮ ಚಿತ್ರದ ಥೀಮ್ ಪೋಸ್ಟರ್ ಬಿಡುಗಡೆ ಮಾಡಿ, ಚಿತ್ರದ ಬಗ್ಗೆ ಕುತೂಹಲ ಮೂಡಿಸಿದ್ದಾರೆ.
ಈಗ ಚಿತ್ರೀಕರಣಕ್ಕೆ ಅಣಿಯಾಗಿದ್ದಾರೆ ತರುಣ್. ಈ ಚಿತ್ರಕ್ಕೆ “ರಾಬರ್ಟ್’ ಎಂಬ ಟೈಟಲ್ ಬಹುತೇಕ ಪಕ್ಕಾ ಆಗಿದೆ. ಈ ಚಿತ್ರದಲ್ಲಿ ದರ್ಶನ್ ಅವರ ಗೆಟಪ್ ಕೂಡಾ ಭಿನ್ನವಾಗಿರಲಿದೆ ಎಂಬ ಮಾಹಿತಿ ಈಗ ಹೊರಬಿದ್ದಿದೆ. ಚಿತ್ರದಲ್ಲಿ ಗಡ್ಡಬಿಟ್ಟು ದರ್ಶನ್ ಮಿಂಚಲಿದ್ದಾರಂತೆ. ಈ ಹಿಂದೆ “ಜಗ್ಗುದಾದ’ ಚಿತ್ರಕ್ಕಾಗಿ ದರ್ಶನ್ ಗಡ್ಡಬಿಟ್ಟಿದ್ದರು. ಆ ನಂತರ ಯಾವ ಚಿತ್ರದಲ್ಲೂ ಆ ತರಹ ಕಾಣಿಸಿಕೊಂಡಿರಲಿಲ್ಲ. ಈಗ “ರಾಬರ್ಟ್’ಗಾಗಿ ಮತ್ತೆ ಗಡ್ಡ ಬಿಡಲಿದ್ದಾರೆ.
ಹಾಗಂತ ಇಡೀ ಸಿನಿಮಾದುದ್ದಕ್ಕೂ ದರ್ಶನ್ ಹಾಗೆಯೇ ಕಾಣಿಸಿಕೊಳ್ಳಲಿದ್ದಾರೆಯೇ ಎಂದರೆ ಖಂಡಿತಾ ಇಲ್ಲ. ಸಿನಿಮಾದ ಕೆಲವು ದೃಶ್ಯಗಳಿಗಾಗಿ ದರ್ಶನ್ ಈ ವಿಭಿನ್ನ ಗೆಟಪ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಇನ್ನು, “ರಾಬರ್ಟ್’ ಒಂದು ಔಟ್ ಅಂಡ್ ಔಟ್ ಕಮರ್ಷಿಯಲ್ ಸಿನಿಮಾವಾಗಿದ್ದು, ಅಭಿಮಾನಿಗಳಿಗೆ ಮಜಾ ಕೊಡುವಂತಿದೆಯಂತೆ. “ಒಡೆಯ’ ಚಿತ್ರೀಕರಣ ಪ್ರಸ್ತುತ ಶೆಡ್ನೂಲ್ ಜನವರಿ ಎರಡನೇ ವಾರಕ್ಕೆ ಮುಗಿಯಲಿದ್ದು,
ಅಲ್ಲಿಂದ ಫೆಬ್ರವರಿವರೆಗೆ ದರ್ಶನ್ “ರಾಬರ್ಟ್’ಗಾಗಿ ತಯಾರಾಗಲಿದ್ದಾರೆ. ಆ ನಂತರ ಸುಮಾರು 20 ದಿನಗಳ ಕಾಲ “ರಾಬರ್ಟ್’ ಚಿತ್ರೀಕರ ನಡೆಯಲಿದೆ. ಅದು ಮುಗಿಸಿಕೊಂಡು ದರ್ಶನ್ “ಗಂಡುಗಲಿ ಮದಕರಿ ನಾಯಕ’ ಚಿತ್ರೀಕರಣದಲ್ಲಿ ತೊಡಗಲಿದ್ದಾರೆ. ಈ ಬಾರಿ ಐತಿಹಾಸಿಕ ಸಿನಿಮಾದ ಜೊತೆ ಜೊತೆಗೆ ಕಮರ್ಷಿಯಲ್ ಸಿನಿಮಾಗಳಿಗೆ ದರ್ಶನ್ ಡೇಟ್ಸ್ ಹೊಂದಿಸಲಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Kannada Cinema; ಹೊಸ ಚಿತ್ರದಲ್ಲಿ ಖಡಕ್ ಪೊಲೀಸ್ ಆದ ನೆನಪಿರಲಿ ಪ್ರೇಮ್
ʼದುರ್ಗಿʼಯಾಗಿ ಚಂದನವನಕ್ಕೆ ಕಾಲಿಟ್ಟ ಕಾಲಿವುಡ್ ಬೆಡಗಿ: ಡಾಲಿ ಜೊತೆ ರೊಮ್ಯಾನ್ಸ್
Harshika Poonachha ದಂಪತಿ ಮೇಲೆ ಹಲ್ಲೆ; ಇಬ್ಬರ ವಿರುದ್ಧ ಕೇಸ್ ದಾಖಲು
Kannada Cinema; ‘ರಾಮರಸ’ ಹಿಂದೆ ಗುರು ಆ್ಯಂಡ್ ಟೀಂ
ಮೈಸೂರಲ್ಲಿ ‘ಬಘೀರ’ ಶೂಟಿಂಗ್ ವೇಳೆ ನಟ ಶ್ರೀಮುರುಳಿಗೆ ಗಾಯ; ಆಸ್ಪತ್ರೆಗೆ ದಾಖಲು
MUST WATCH
ಹೊಸ ಸೇರ್ಪಡೆ
Kollam; ವಿಪಕ್ಷಗಳ ಮೇಲೆ ಆರೋಪ ಹೊರಿಸಿ ಪೇಚಿಗೆ ಸಿಲುಕಿದ ಬಿಜೆಪಿ ಅಭ್ಯರ್ಥಿ!
DGCA: ವಿಮಾನದಲ್ಲಿ 12 ವರ್ಷದೊಳಗಿನ ಮಕ್ಕಳಿಗೆ ಪೋಷಕರ ಪಕ್ಕ ಆಸನ?
Congress ಗೆದ್ದರೆ ದಲಿತರ ಮೀಸಲು ಮುಸ್ಲಿಂ ಪಾಲು: ಮೋದಿ ಮತ್ತೆ ವಾಗ್ಬಾಣ
Dakshina Kannada: 5 ಸಿಎಪಿಎಫ್/ಕೆಎಸ್ಆರ್ಪಿ ತುಕಡಿ, 3,100 ಸಿಬಂದಿ ನಿಯೋಜನೆ
Election: ಮಂಗಳೂರು-ಶೋರ್ನೂರು-ಬೆಂಗಳೂರು ಮಧ್ಯೆ ವಿಶೇಷ ರೈಲು