ಸಿಂಧು ಲೋಕನಾಥ್‌ ಸಾವಯವ ಸೂತ್ರ

Team Udayavani, May 22, 2019, 2:22 PM IST

ಸಾಮಾನ್ಯವಾಗಿ ಚಿತ್ರರಂಗದಲ್ಲಿ ತಾರೆಯರು, ಅದರಲ್ಲೂ ನಾಯಕ ನಟಿಯರು ಯಾವಾಗಲೂ ಫಿಟ್‌ ಆ್ಯಂಡ್‌ ಫೈನ್‌ ಆಗಿ ಕಾಣಲು ಬಯಸುತ್ತಾರೆ. ಅದಕ್ಕಾಗಿ ಪ್ರತಿದಿನ ಯೋಗ, ಜಿಮ್‌, ಏರೋಬಿಕ್ಸ್‌ ಹೀಗೆ ಒಂದಷ್ಟು ಫಿಸಿಕಲ್‌ ವರ್ಕೌಟ್, ತಮ್ಮದೇಯಾದ ಆಹಾರ ಪದ್ದತಿಯನ್ನು ರೂಢಿಸಿಕೊಂಡಿರುತ್ತಾರೆ. ಈಗ ಯಾಕೆ ತಾರೆಯರ ಆರೋಗ್ಯ ಸೂತ್ರದ ಬಗ್ಗೆ ಮಾತು ಅಂತೀರಾ? ಅದಕ್ಕೊಂದು ಕಾರಣವಿದೆ. ಇಲ್ಲೊಬ್ಬ ನಟಿ ತಮ್ಮಂತೆಯೇ ಇತರರು ಕೂಡ ಫಿಟ್‌ ಆ್ಯಂಡ್‌ ಫೈನ್‌ ಆಗಿರಬೇಕು, ಅನ್ನೋ ಕಾರಣಕ್ಕಾಗಿ ರಾಸಾಯನಿಕ ಮುಕ್ತ ಸಾಮಯವ ಆಹಾರ ಪದಾರ್ಥಗಳನ್ನು ಪೂರೈಸುವ ಬ್ರ್ಯಾಂಡ್‌ ಅನ್ನು ಶುರು ಮಾಡಿದ್ದಾರೆ.

ಅಂದಹಾಗೆ, ಆ ನಟಿಯ ಹೆಸರು ಸಿಂಧು ಲೋಕನಾಥ್‌.  “ಪರಿಚಯ’ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟ ಸಿಂಧು ಲೋಕನಾಥ್‌ ಕನ್ನಡ ಚಿತ್ರರಂಗದಲ್ಲಿ ಸದ್ದಿಲ್ಲದೆ ಹತ್ತು ವರ್ಷಗಳ ಸಿನಿ ಪಯಣವನ್ನು ಯಶಸ್ವಿಯಾಗಿ ಪೂರೈಸಿದ ನಟಿ. ಇಲ್ಲಿಯವರೆಗೆ ಸುಮಾರು ಹದಿನೈದಕ್ಕೂ ಹೆಚ್ಚು ಚಿತ್ರಗಳ ವಿವಿಧ ಪಾತ್ರಗಳಿಗೆ, ನಾಯಕಿಯಾಗಿ ಬಣ್ಣ ಹಚ್ಚಿರುವ ಸಿಂಧು ಕಳೆದ ವರ್ಷ ವೈವಾಹಿಕ ಜೀವನಕ್ಕೆ ಅಡಿಯಿಟ್ಟಿದ್ದರು. ಇದೀಗ ಕೃಷ್ಣ ಅಜೇಯ್‌ ರಾವ್‌ ಅಭಿನಯದ “ಕೃಷ್ಣ ಟಾಕೀಸ್‌’ ಚಿತ್ರದಲ್ಲಿ ನಾಯಕಿಯಾಗಿ ಮತ್ತೆ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ.

ಸದ್ಯ ವೈಯಕ್ತಿಕ ಜೀವನ ಮತ್ತು ಸಿನಿ ಜೀವನ ಎರಡನ್ನೂ ತೂಗಿಸಿಕೊಂಡು ಹೋಗುತ್ತಿರುವ ಸಿಂಧು, ತಮ್ಮ ಬಿಡುವಿನ ವೇಳೆಯಲ್ಲಿ ರಾಸಾಯನಿಕ ಪದಾರ್ಥಗಳ ವಿರುದ್ದ ಜನಜಾಗೃತಿ ಮೂಡಿಸುತ್ತ ಸಾವಯವ ಪದಾರ್ಥಗಳ ಬಗ್ಗೆ ಮಹತ್ವವನ್ನು ತಿಳಿಸುವ ಕೆಲಸ ಮಾಡುತ್ತಿದ್ದಾರೆ. ಅದಕ್ಕಾಗಿ ತಮ್ಮದೇ ಆದ “ಸಿಂಪೋಲಿ ಮೈನ್‌’ ಎನ್ನುವ ಹೆಸರಿನ ಆರ್ಗ್ಯಾನಿಕ್ ಬ್ರ್ಯಾಂಡ್‌ನ‌ಲ್ಲಿ ಸಾವಯವ ಪದಾರ್ಥಗಳನ್ನು ಮಾರುಕಟ್ಟೆಗೆ ತಂದಿದ್ದಾರೆ.

ತಮ್ಮ ಹೊಸ ಕೆಲಸದ ಬಗ್ಗೆ ಮಾತನಾಡುವ ಸಿಂಧೂ, “ನಾನು ಸಿನಿಮಾದಲ್ಲಿದ್ದರೂ, ಅದರ ಜೊತೆ ನನ್ನ ಇಷ್ಟದ ಬೇರೆ ಬೇರೆ ಕೆಲಸಗಳನ್ನು ಮಾಡಲು ಬಯಸುತ್ತೇನೆ. ಹೆಲ್ತ್‌ ಆ್ಯಂಡ್‌ ವೆಲ್‌ನೆಸ್‌ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಮತ್ತು ಗ್ರಾಹಕರಿಗೆ ಅತ್ಯುತ್ತಮ ಗುಣಮಟ್ಟದ ಆಹಾರ ಪದಾರ್ಥಗಳನ್ನು ಪೂರೈಸುವ ಸಲುವಾಗಿ ಇಂಥದ್ದೊಂದು ಹೊಸ ಉದ್ಯಮವನ್ನು ಆರಂಭಿಸುವ ಐಡಿಯಾ ಬಂದಿತು. ಅದನ್ನು ಈಗ ಕಾರ್ಯರೂಪಕ್ಕೆ ತಂದಿದ್ದೇನೆ. ಗುಡ್‌ ಹೆಲ್ತ್‌ ಫಾರ್‌ ಆಲ್‌ ಎಂಬ ಆಶಯದ ಇದರ ಹಿಂದಿದೆ’ ಎನ್ನುತ್ತಾರೆ.

ತಮ್ಮ ಹೊಸ ಉದ್ಯಮದ ಶುರುವಾಗಿದ್ದು ಹೇಗೆ ಎನ್ನುವುದರ ಬಗ್ಗೆ ಮಾತನಾಡುವ ಸಿಂಧು, “ನಮ್ಮ ಮನೆಯಲ್ಲಿ ಮೊದಲಿನಿಂದಲೂ ಮನೆಯಲ್ಲೇ ಗಿಡ-ಮೂಲಿಕೆಗಳನ್ನು ಬಳಸಿ ಹೇರ್‌ ಆಯಿಲ್‌ ಮಾಡುತ್ತಿದ್ದರು. ನಾನು ಕೂಡ ಅದನ್ನೇ ಬಳಸುತ್ತೇನೆ. ಒಮ್ಮೆ ಬಿಡುವಿನ ವೇಳೆಯಲ್ಲಿ, ಇಂಥದ್ದೇ ಕೆಮಿಕಲ್ಸ್‌ ಫ್ರೀ ಇರುವ ಪದಾರ್ಥಗಳನ್ನು ಏಕೆ ತಯಾರಿಸಬಾರದು ಎಂಬ ಐಡಿಯಾ ಬಂತು. ಅದಕ್ಕಾಗಿ ಮನೆಯಲ್ಲೇ, ಗಿಡ-ಮೂಲಿಕೆಗಳು, ಸಾವಯವ ಪದಾರ್ಥಗಳನ್ನು ಬಳಸಿ ಸಣ್ಣದಾಗಿ ಪ್ರೊಡಕ್ಟ್ಗಳನ್ನು ತಯಾರಿಸಿ ಕೊಡುವ ಕೆಲಸ ಶುರು ಮಾಡಿದೆ.

ಆನಂತರ ಅದಕ್ಕೆ ಎಲ್ಲಾ ಕಡೆಗಳಿಂದ ಉತ್ತಮ ರೆಸ್ಪಾನ್ಸ್‌ ಸಿಗೋದಕ್ಕೆ ಶುರುವಾಯ್ತು. ಆನಂತರ ಅದಕ್ಕಾಗಿ ಬೆಂಗಳೂರಿನ ಹೆಚ್‌ಎಸ್‌ಆರ್‌ ಲೇಔಟ್‌ ಸಮೀಪ ಶಾಪ್‌ ಕೂಡ ತೆರೆಯಲಾಯಿತು. ಈಗ ನಾನು ಆರಂಭಿಸಿರುವ ಆರ್ಗ್ಯಾನಿಕ್ ಪ್ರೊಡಕ್ಟ್ ಉದ್ಯಮ ಸಾಕಷ್ಟು ಬೆಳೆದಿದ್ದು ಅದನ್ನು ಇನ್ನಷ್ಟು ವಿಸ್ತರಿಸುವ ಯೋಚನೆಯಿದೆ. ಸದ್ಯ ನಮ್ಮ ಬ್ರ್ಯಾಂಡ್‌ನ‌ ಪ್ರೊಡಕ್ಟ್ಗಳು ಆನ್‌ಲೈನ್‌ನಲ್ಲೂ ಸಿಗುತ್ತಿದ್ದು, ಗ್ರಾಹಕರಿಂದಲೂ ಒಳ್ಳೆಯ ಸಪೋರ್ಟ್‌ ಸಿಗುತ್ತಿದೆ’ ಎನ್ನುತ್ತಾರೆ.

ಒಟ್ಟಾರೆ ಸಾಮಾಜಿಕ ಕಳಕಳಿಯನ್ನು ಇಟ್ಟುಕೊಂಡು ಸಿಂಧು ಮಾಡಲು ಹೊರಟಿರುವ ಸಾಮಯವ ಕೆಲಸ ಯಶಸ್ವಿಯಾಗಲಿ ಅನ್ನೋದು ಅವರ ಅಭಿಮಾನಿಗಳ ಹಾರೈಕೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಉಪೇಂದ್ರ ಮತ್ತೆ ಬಾ ಚಿತ್ರದ ನಂತರ ಉಪ್ಪಿ ಸಿನಿಮಾಕ್ಕಿಂತ ಪ್ರಜಾಕೀಯದಲ್ಲೇ ಹೆಚ್ಚು ಸುದ್ದಿಯಾದ ಕಾರಣ ಅವರ ಯಾವುದೇ ಚಿತ್ರಗಳು ತೆರೆಗೆ ಬಂದಿರಲಿಲ್ಲ. ಹೀಗಾಗಿ...

  • "ಹೃದಯಗೀತೆ‌'... ಈ ಸೂಪರ್‌ ಹಿಟ್‌ ಚಿತ್ರ ಯಾರಿಗೆ ಗೊತ್ತಿಲ್ಲ ಹೇಳಿ. ಡಾ. ವಿಷ್ಣುವರ್ಧನ್‌ ಅಭಿನಯದ ಎವರ್‌ಗ್ರೀನ್‌ ಚಿತ್ರವಿದು. ಎಲ್ಲಾ ಸರಿ, ಈಗ ಯಾಕೆ ಈ ಚಿತ್ರದ...

  • ಸದ್ಯ ಎಲ್ಲೆ ನೋಡಿದ್ರು ವರ್ಲ್ಡ್ ಕಪ್‌ ಕ್ರಿಕೆಟ್‌ ಫೀವರ್‌. ಅದರಲ್ಲೂ ಕ್ರಿಕೆಟ್‌ ತವರು ಇಂಗ್ಲೆಂಡ್‌ನ‌ಲ್ಲಿ ವರ್ಲ್ಡ್ ಕಪ್‌ ಅಬ್ಬರ ಜೋರಾಗಿದೆ. ಇದರ ನಡುವೆಯೇ...

  • ನಿರ್ದೇಶಕ ಜನಾರ್ದನ್‌ "ಗುಳ್ಟು' ಚಿತ್ರದ ನಂತರ ಯಾವ ಸಿನಿಮಾ ಕೈಗೆತ್ತಿಕೊಳ್ಳುತ್ತಾರೆ ಎಂಬ ಪ್ರಶ್ನೆ ಹಲವರಲ್ಲಿತ್ತು. ಸ್ವತಃ ಜನಾರ್ದನ್‌ ಅವರಿಗೇ ಮುಂದೆ ಯಾವ...

  • ಚಿರಂಜೀವಿ ಸರ್ಜಾ ನಾಯಕರಾಗಿರುವ "ಸಿಂಗ' ಚಿತ್ರದ ಟ್ರೇಲರ್‌ ನಿನ್ನೆ (ಜೂ.14) ಬಿಡುಗಡೆಯಾಗಿದ್ದು, ಮಾಸ್‌ ಅಂಶಗಳಿಂದ ಗಮನ ಸೆಳೆದಿದೆ. ಇದರ ಜೊತೆಗೆ ಚಿತ್ರ ಬಿಡುಗಡೆ...

ಹೊಸ ಸೇರ್ಪಡೆ