ತಾರಕಾಸುರನಿಗೆ ಶಿವಣ್ಣ ಹಾಡು
Team Udayavani, Jul 11, 2018, 11:05 AM IST
ಶಿವರಾಜಕುಮಾರ್ ಚಿತ್ರಗಳಲ್ಲಿ ಹಾಡುವುದು ಹೊಸದೇನಲ್ಲ. ಆದರೆ, ಇತ್ತೀಚೆಗೆ ಅವರು ಹಾಡಿದ್ದು ಕಡಿಮೆ. ಈಗ ‘ತಾರಕಾಸುರ’ ಚಿತ್ರಕ್ಕೆ ಹಾಡಿದ್ದಾರೆ. ಚಂದ್ರಶೇಖರ್ ಬಂಡಿಯಪ್ಪ ನಿರ್ದೇಶನದ ಈ ಚಿತ್ರದಲ್ಲಿ ನಾಯಕನ ಪರಿಚಯಿಸುವ ಹಾಡಿಗೆ ಶಿವರಾಜಕುಮಾರ್ ಅವರ ಧ್ವನಿ ಇದ್ದರೆ ಚೆನ್ನಾಗಿರುತ್ತೆ ಎಂದು ನಿರ್ಧರಿಸಿದ ಚಿತ್ರತಂಡ, ಶಿವರಾಜಕುಮಾರ್ ಬಳಿ ಹೋಗಿ, ಹಾಡುವಂತೆ ಮನವಿ ಮಾಡಿದ್ದಾರೆ.
ಚಿತ್ರದ ಗೀತೆಯ ಸಾಲುಗಳನ್ನು ಕೇಳಿದ ಶಿವರಾಜಕುಮಾರ್, ಹಾಡುವುದಾಗಿ ಗ್ರೀನ್ಸಿಗ್ನಲ್ ಕೊಟ್ಟು, ಇತ್ತೀಚೆಗೆ ಆಕಾಶ್ ಆಡಿಯೋದಲ್ಲಿ ಹಾಡಿದ್ದಾರೆ. ಅಂದಹಾಗೆ, ಕವಿರಾಜ್ ಬರೆದ “ಕನ್ನಡ ಕಲಿಯೋ..’ ಎಂಬ ಹಾಡು ಹಾಡಿದ ಶಿವರಾಜಕುಮಾರ್, ಹಾಡಿನ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. ಚಿತ್ರದ ಹೀರೋ ವೈಭವ್ ಅವರನ್ನು ಪರಿಚಯಿಸುವ ಹಾಡು ಇದು.
ಅವರ ಇಂಟ್ರಡಕ್ಷನ್ ಸಾಂಗ್ ಕಲರ್ಫುಲ್ ಆಗಿ ಚಿತ್ರೀಕರಿಸಬೇಕು ಮತ್ತು ಶಿವರಾಜಕುಮಾರ್ ಅವರ ಧ್ವನಿ ಇರಬೇಕು ಅಂತ ತೀರ್ಮಾನಿಸಿದ ಚಿತ್ರತಂಡಕ್ಕೆ ಈಗ ಖುಷಿಯಾಗಿದೆ. ಜುಲೈ 12 ರಂದು ಶಿವರಾಜಕುಮಾರ್ ಅವರ ಹುಟ್ಟುಹಬ್ಬದ ದಿನದಂದು ಅವರಿಂದಲೇ ಚಿತ್ರದ ಟೀಸರ್ ಬಿಡುಗಡೆ ಮಾಡಿಸಲು ನಿರ್ದೇಶಕರು ತಯಾರಿ ನಡೆಸಿದ್ದಾರೆ.
ಈಗಾಗಲೇ “ತಾರಕಾಸುರ’ ಚಿತ್ರ ಪೂರ್ಣಗೊಂಡಿದ್ದು, ಜುಲೈ ಅಂತ್ಯದಲ್ಲಿ ಪ್ರಥಮ ಪ್ರತಿ ಬರಲಿದ್ದು, ಆಗಸ್ಟ್ನಲ್ಲಿ ಚಿತ್ರ ಬಿಡುಗಡೆ ಮಾಡಲು ಚಿತ್ರತಂಡ ಸಜ್ಜಾಗುತ್ತಿದೆ. ಚಿತ್ರವನ್ನು ನರಸಿಂಹಲು ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಡ್ಯಾನಿ ಸಫಾನಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಚಿತ್ರದ ನಾಯಕಿಯಾಗಿ ಮಾನ್ವಿತಾ ನಟಿಸಿದ್ದಾರೆ. ಚಿತ್ರಕ್ಕೆ ಧರ್ಮ ವಿಶ್ ಸಂಗೀತವಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು
Congress ಬಳಿಕ ಸಿಪಿಐಗೂ 11 ಕೋಟಿ ರೂ.ಬಾಕಿಗಾಗಿ ಐಟಿ ನೋಟಿಸ್