ರಹದಾರಿಯಲ್ಲಿ ಒಂದ್‌ ಕಥೆ ಹೇಳ್ಲಾ

ಎರಡನೇ ಚಿತ್ರಕ್ಕೂ ಮೊದಲೇ ಮೂರನೇ ಚಿತ್ರ ಶುರು

Team Udayavani, Jun 12, 2019, 3:00 AM IST

ನಿರ್ದೇಶಕರಾದವರು ಮೊದಲ ಚಿತ್ರವಾದ ಬಳಿಕ ಎರಡನೇ ಚಿತ್ರ ಶುರು ಮಾಡುವುದು, ಅದು ಮುಗಿದ ಬಳಿಕ ಮೂರನೇ ಚಿತ್ರ ಶುರು ಸರ್ವೇ ಸಾಮಾನ್ಯ. ಆದರೆ ಇಲ್ಲೊಬ್ಬ ನಿರ್ದೇಶಕ ತಮ್ಮ ಮೊದಲ ಚಿತ್ರವಾದ ಬಳಿಕ ಎರಡನೇ ಚಿತ್ರ ಶುರು ಮಾಡಬೇಕಿತ್ತು. ಆದರೆ ಅದಕ್ಕೂ ಮುನ್ನ ಮೂರನೇ ಚಿತ್ರ ಶುರು ಮಾಡಿದ್ದಾರೆ! ಅದು ಹೇಗೆ ಸಾಧ್ಯ ಅಂತೀರಾ? ಅದನ್ನ ಹೇಳುತ್ತೇವೆ ನೋಡಿ.

ನಿಮಗೆ “ಒಂದ್‌ ಕಥೆ ಹೇಳ್ಲಾ’ ಎನ್ನುವ ಚಿತ್ರ ನೆನಪಿರಬಹುದು. ಈ ಚಿತ್ರದ ಮೂಲಕ ನಿರ್ದೇಶಕನಾಗಿ ಚಿತ್ರರಂಗಕ್ಕೆ ಪರಿಚಯವಾದ ಯುವ ಪ್ರತಿಭೆ ಗಿರೀಶ್‌ ವೈರಮುಡಿ ತಮ್ಮ ಮೊದಲ ಚಿತ್ರದಲ್ಲೇ ಗಮನ ಸೆಳೆದಿದ್ದರು. ಆ ಚಿತ್ರದ ಬಳಿಕ ಗಿರೀಶ್‌ “ರಹದಾರಿ’ ಎನ್ನುವ ಹೆಸರಿನಲ್ಲಿ ತಮ್ಮ ಎರಡನೇ ಚಿತ್ರವನ್ನು ಅನೌನ್ಸ್‌ ಮಾಡಿದ್ದರು.

ಚಿತ್ರದ ಟೈಟಲ್‌ ಪೋಸ್ಟರ್‌ ಕೂಡ ಬಿಡುಗಡೆ ಮಾಡಿದ್ದರು. ಆದರೆ ಈಗ “ರಹದಾರಿ’ ಚಿತ್ರಕ್ಕೂ ಮೊದಲೇ ತಮ್ಮ ಮೂರನೇ ಚಿತ್ರದ ಕೆಲಸಗಳನ್ನು ಆರಂಭಿಸಿದ್ದಾರೆ. ಹಾಗಾದರೆ, ಇದಕ್ಕೆ ಕಾರಣವೇನು? ಎನ್ನುವ ಪ್ರಶ್ನೆಗೆ ಉತ್ತರಿಸುವ ಗಿರೀಶ್‌, ‘ರಹದಾರಿ’ ಚಿತ್ರದ ಪ್ರೀ-ಪ್ರೊಡಕ್ಷನ್‌ಗೆ ಸಾಕಷ್ಟು ಸಮಯ ಬೇಕಾಗುತ್ತದೆ.

ಒಂದು ನೈಜ ಘಟನೆ ಆಧಾರವಾಗಿ ಇಟ್ಟುಕೊಂಡು ಇದನ್ನು ಮಾಡಲಾಗುತ್ತಿದೆ. ಸಾಕಷ್ಟು ಕುತೂಹಲಮೂಡಿಸುವ ಎಲ್ಲೂ ಹೆಚ್ಚು ಬೆಳಕಿಗೆ ಬಂದಿಲ್ಲದ ರಾಬರಿ ಕಥೆಯೊಂದು ಚಿತ್ರದಲ್ಲಿದೆ. ಹಾರರ್‌ ಶೈಲಿಯ ಆ ಚಿತ್ರವನ್ನು ದೊಡ್ಡ ಮಟ್ಟದಲ್ಲಿ ಮಾಡುವ ಪ್ಲಾನ್‌ ಇದೆ. ಹೀಗಾಗಿ, ಸದ್ಯಕ್ಕೆ ಚಿತ್ರದ ಪೋಸ್ಟರ್‌ ಬಿಟ್ಟು, ಟೈಟಲ್‌ ಅನ್ನು ಪ್ರೇಕ್ಷಕರಿಗೆ ತಲುಪಿಸುವ ಪ್ರಯತ್ನ ಮಾಡಲಾಗಿದೆ.

ಅಂದಹಾಗೆ, ಈ ಸಿನಿಮಾ 2020ಕ್ಕೆ ಈ ಸಿನಿಮಾ ಶುರು ಆಗಲಿದೆ. ಹಾಗಾಗಿ ಈ ಗ್ಯಾಪ್‌ನಲ್ಲಿ ಎರಡನೇ ಚಿತ್ರಕ್ಕೂ ಮೊದಲೇ ಮೂರನೇ ಚಿತ್ರವನ್ನು ಮಾಡುವ ಪ್ಲಾನ್‌ ಎನ್ನುತ್ತಾರೆ.  ಇನ್ನು ಈ ಹಿಂದೆ “ಒಂದ್‌ ಕಥೆ ಹೇಳ್ಲಾ’ ತಂಡವೇ ಈ ಸಿನಿಮಾದ ತಾಂತ್ರಿಕ ವರ್ಗದಲ್ಲೂ ಇರಲಿದ್ದು, ಇತಿಹಾಸ ಪ್ರೊಡಕ್ಷನ್ಸ್‌ ಬ್ಯಾನರ್‌ನಲ್ಲಿ ಕೀತೇಶ್‌ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಸೆಪ್ಟೆಂಬರ್‌ 18. ಇದು ಡಾ. ವಿಷ್ಣುವರ್ಧನ ಅವರ ಅಭಿಮಾನಿಗಳ ಪಾಲಿಗೆ ಹರ್ಷದ ದಿನ. ಯಾಕೆಂದರೆ, ಇಂದು (ಸೆ.18) ವಿಷ್ಣುವರ್ಧನ್‌ ಅವರ ಜನ್ಮದಿನ. ಹೀಗಾಗಿ ಅವರ ಸಂಭ್ರಮಕ್ಕೆ...

  • ನಟ ಉಪೇಂದ್ರ ಹಾಗೂ ನಟಿ ಶ್ರುತಿ ಅವರಿಗೂ ಇಂದು ಹುಟ್ಟುಹಬ್ಬ ಸಂಭ್ರಮ. ಪ್ರತಿ ವರ್ಷಕ್ಕಿಂತ ಉಪೇಂದ್ರ ಅವರಿಗೆ ಈ ವರ್ಷದ ಹುಟ್ಟುಹಬ್ಬ ತುಂಬಾನೇ ಸ್ಪೆಷಲ್‌ ಎಂದರೆ...

  • ಸದ್ಯ ಕನ್ನಡ ಚಿತ್ರರಂಗದಲ್ಲಿ ಇಬ್ಬರು ಸ್ಟಾರ್‌ ನಟರ ಫ್ಯಾನ್ಸ್‌ವಾರ್‌ ಜೋರಾಗಿ ನಡೆಯುತ್ತಿದೆ. ಅದು ಬೇರಾರು ಅಲ್ಲ, ದರ್ಶನ್‌ ಹಾಗೂ ಸುದೀಪ್‌ ಅಭಿಮಾನಿಗಳ ಮಧ್ಯೆ....

  • ದರ್ಶನ್‌ ಟ್ವೀಟ್‌ ಬೆನ್ನಲ್ಲೇ ನಟ ಸುದೀಪ್‌ ಕೂಡ ಟ್ವೀಟರ್‌ನಲ್ಲಿ ಈ ಘಟನೆಗಳ ಬಗ್ಗೆ ಸುದೀರ್ಘ‌ವಾದ ಪತ್ರವನ್ನು ಬರೆದುಕೊಂಡಿದ್ದಾರೆ. "ಯಾವಾಗಲು ಸತ್ಯ ಮೇಲುಗೈ...

  • ಅನೀಶ್‌ ತೇಜೇಶ್ವರ್‌ ಅಭಿನಯದ "ರಾಮಾರ್ಜುನ' ಚಿತ್ರದ ಮಾತಿನ ಭಾಗ ಮುಗಿದಿದ್ದು, ಇನ್ನೇನು ಹಾಡಿನ ಚಿತ್ರೀಕರಣ ಪೂರ್ಣಗೊಂಡರೆ ಚಿತ್ರಕ್ಕೆ ಕುಂಬಳಕಾಯಿ. ಈಗ ಈ ಚಿತ್ರದ...

ಹೊಸ ಸೇರ್ಪಡೆ