ಹೊಸಬರಿಂದ ಒಂಬತ್ತನೇ ಅದ್ಭುತ!
Team Udayavani, Oct 6, 2018, 11:34 AM IST
ಕನ್ನಡದಲ್ಲಿ ಸದ್ದಿಲ್ಲದೆಯೇ ಒಂದಷ್ಟು ಚಿತ್ರಗಳು ಶುರುವಾಗಿ, ಬಿಡುಗಡೆ ಹಂತಕ್ಕೆ ಬರುತ್ತಿವೆ. ಅಂತಹ ಚಿತ್ರಗಳ ಪೈಕಿ “ಒಂಬತ್ತನೇ ಅದ್ಭುತ’ ಹೊಸ ಸೇರ್ಪಡೆ. ಈಗಾಗಲೇ ಸದ್ದಿಲ್ಲದೆಯೇ ಪೂರ್ಣಗೊಂಡಿರುವ ಚಿತ್ರ ನವೆಂಬರ್ನಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಈ ಚಿತ್ರದಲ್ಲಿ ನಾಯಕ, ನಾಯಕಿ, ನಿರ್ದೇಶಕ, ನಿರ್ಮಾಪಕರು ಎಲ್ಲರೂ ಹೊಸಬರೇ. ತಂತ್ರಜ್ಞರಿಗೂ ಹೊಸ ಅನುಭವ.
ಸಂತೋಷ್ ಕುಮಾರ್ ಬಟಗೇರಿ ನಿರ್ದೇಶನದ ಜೊತೆಗೆ ಹೀರೋ ಆಗಿದ್ದಾರೆ. ಅದರೊಂದಿಗೆ ನಿರ್ಮಾಣವೂ ಅವರದೇ. ಇನ್ನು, ನಯನಾ ಈ ಚಿತ್ರಕ್ಕೆ ನಾಯಕಿ. ನಯನಾ ಅವರಿಗೂ ಇದು ಮೊದಲ ಚಿತ್ರ. ನಯನಾ ಮಾಡೆಲಿಂಗ್ ಕ್ಷೇತ್ರದಿಂದ ಬಂದವರು. ಈ ಹಿಂದೆ ನಡೆದ ಮಿಸ್ ಗ್ಲಾಮ್ ಇಂಡಿಯಾ ಸ್ಪರ್ಧೆಯಲ್ಲಿ ಗೆಲುವು ಕಂಡವರು. “ಮಿಸ್ ಕ್ವೀನ್ ಆಫ್ ಇಂಡಿಯಾ’ ಸ್ಪರ್ಧೆಯಲ್ಲಿ ಇವರ ವೀಡಿಯೋ ನೋಡಿದ ನಿರ್ದೇಶಕರು,
“ಅದ್ಭುತ’ ಅಂದುಕೊಂಡು ತಮ್ಮ ನಿರ್ದೇಶನದ “ಒಂಬತ್ತನೇ ಅದ್ಭುತ’ ಚಿತ್ರಕ್ಕೆ ನಾಯಕಿಯನ್ನಾಗಿ ಆಯ್ಕೆ ಮಾಡಿದ್ದಾರೆ.ಮಾಡೆಲಿಂಗ್ ಕ್ಷೇತ್ರದಲಿ ರ್ಯಾಂಪ್ ವಾಕ್ ಮಾಡಿದ್ದು ಬಿಟ್ಟರೆ, ನಯನಾ ಅವರಿಗೆ ನಟನೆ ಗೊತ್ತಿಲ್ಲ. ನಿರ್ದೇಶಕರು ಹೇಳಿದ್ದನ್ನಷ್ಟೇ ಕ್ಯಾಮೆರಾ ಮುಂದೆ ಮಾಡಿದ್ದಾರೆ. ಅಂದಹಾಗೆ, ಅವರಿಗೆ ಈ ಚಿತ್ರದಲ್ಲಿ ಮುಗ್ಧ ಹುಡುಗಿಯ ಪಾತ್ರ ಸಿಕ್ಕಿದೆ. ಮೊದಲ ಚಿತ್ರದಲ್ಲೇ ಒಳ್ಳೆಯ ಪಾತ್ರ ಸಿಕ್ಕ ಖುಷಿ ಅವರದು.
ನಯನಾ ಅವರಿಗೆ ಗ್ಲಾಮರಸ್ ಪಾತ್ರ ಬೇಡ. ಬದಲಾಗಿ, ಹೊಸತನ ಇರುವ ಪಾತ್ರ, ಕಥೆ ಬೇಕಂತೆ. ಚಿತ್ರಕ್ಕೆ ಸುನೀಲ್ ಕೌಶಿ ಸಂಗೀತವಿದೆ. ರಾಘವೇಂದ್ರ ಬಿ.ಕೋಲಾರ ಛಾಯಾಗ್ರಹಣ ಮಾಡಿದ್ದಾರೆ. ಊಟಿ ಮತ್ತು ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆದಿದೆ. ಚಿತ್ರದಲ್ಲಿ ಸೆಂಚುರಿಗೌಡ ಪ್ರಮುಖ ಆಕರ್ಷಣೆ. ಉಳಿದಂತೆ ಹೊಸಬರೇ ತುಂಬಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
ಕೊಡಪಾಡಿ: ಮೃತ ವ್ಯಕ್ತಿಯ ಹೆಸರಲ್ಲಿ ನಕಲಿ ಸಹಿ ಬಳಸಿ ಪವರ್ ಆಫ್ ಅಟಾರ್ನಿ, ದೂರು ದಾಖಲು
IPL ಅಕ್ರಮ ಪ್ರಸಾರ ಕೇಸ್; ನಟಿ ತಮನ್ನಾಗೆ ಸಂಕಷ್ಟ: ಸೈಬರ್ ಸೆಲ್ ನೋಟಿಸ್
BJP; ಖೂಬಾ ಮತ್ತೊಮ್ಮೆ ಸಚಿವರಾಗ್ತಾರೆ : ಔರಾದ್ ನಲ್ಲಿ ಯಡಿಯೂರಪ್ಪ ಘೋಷಣೆ
ಬಾಗಲಕೋಟೆ: ಯಾರೇ ಪಕ್ಷ ಬಿಟ್ಟರೂ ಏನೂ ಆಗಲ್ಲ- ಸಿದ್ದು ಸವದಿ