ಹೀಗೊಂದು ಗನ್‌ ಇಲ್ಲದ ಪೆನ್‌ ಸ್ಟೋರಿ!

Team Udayavani, Nov 4, 2018, 11:07 AM IST

ಬೆಂಗಳೂರು ನಗರ ಅಂದರೆ ಹಾಗೆ. ಅದು ಎಲ್ಲರನ್ನೂ ತನ್ನತ್ತ ಆಕರ್ಷಿಸುತ್ತದೆ. ಇಲ್ಲಿನ ಆಕರ್ಷಣೆಗೆ ಮಾರು ಹೋಗಿ ಪ್ರತಿದಿನ ಈ ಮಹಾನಗರ ಸೇರುವ ಜನರಿಗೇನೂ ಕಮ್ಮಿ ಇಲ್ಲ. ಓದು, ಉದ್ಯೋಗ, ಪ್ರವಾಸ ಹೀಗೆ ಅನೇಕ ಉದ್ದೇಶಗಳಿಗಾಗಿ, ಬೇರೆ ಬೇರೆ ರಾಜ್ಯಗಳಿಂದ ಲಕ್ಷಾಂತರ ಜನ ಇಲ್ಲಿಗೆ ಬರುತ್ತಾರೆ. ಹೀಗೆ ವಿದ್ಯಾರ್ಥಿಗಳಾಗಿ ಬಂದು ಬಿಇಎಸ್‌ ಕಾಲೇಜ್‌ ಸೇರುವ ಹುಡುಗರ ಜೀವನ ಬೆಂಗಳೂರಿನಲ್ಲಿ ಹೇಗಿರುತ್ತದೆ ಎಂಬುದು ಇದೀಗ ಸಿನಿಮಾ ರೂಪದಲ್ಲಿ ತೆರೆಮೇಲೆ ಬರುತ್ತಿದೆ.

ಅಂದಹಾಗೆ, ಆ ಸಿನಿಮಾದ ಹೆಸರು “ಇದು ಬೆಂಗಳೂರು ನಗರ, ಯಾರು ಮಾಡಬೇಡಿ ನಕರ’. 1987ರಿಂದ ಚಿತ್ರರಂಗದಲ್ಲಿ ಕ್ಲಾಪ್‌ಬಾಯ್‌, ಸಹಾಯಕ, ತಂತ್ರಜ್ಞನಾಗಿ ಹಲವು ವಿಭಾಗಗಳಲ್ಲಿ ಸಾಕಷ್ಟು ಕೆಲಸ ಮಾಡಿದ ಅನುಭವವಿರುವ ಕೆ.ಪಿ.ಸೆಲ್ವರಾಜ್‌ ಈ ಚಿತ್ರವನ್ನು ತೆರೆಗೆ ತರುತ್ತಿದ್ದಾರೆ. ಇನ್ನೊಂದು ವಿಶೇಷವೆಂದರೆ, ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಾಹಿತ್ಯ, ಸಂಗೀತ, ಸಂಭಾಷಣೆ ಜೊತೆಗೆ ನಿರ್ದೇಶನ ಮತ್ತು ನಿರ್ಮಾಣದ ಜವಬ್ದಾರಿಯನ್ನೂ ಕೆ.ಪಿ.ಸೆಲ್ವರಾಜ್‌ ಅವರೇ ಹೊತ್ತುಕೊಂಡಿದ್ದಾರೆ.

“ಕಳೆದ ಮೂವತ್ತು ವರ್ಷಗಳಿಂದ ಕನ್ನಡ ಚಿತ್ರರಂಗದ ಆಳ-ಅಗಲ ಎಲ್ಲವನ್ನೂ ಹತ್ತಿರದಿಂದ ಅರಿತಿದ್ದೇನೆ. ಹಾಗಾಗಿ ನಾನು ಸಮರ್ಥವಾಗಿ ನಿರ್ವಹಿಸಬಲ್ಲೆ ಎಂಬ ವಿಶ್ವಾಸವಿರುವ ಎಲ್ಲಾ ವಿಭಾಗಗಳನ್ನು ನಾನೇ ನಿರ್ವಹಿಸುತ್ತಿದ್ದೇನೆ’ ಎನ್ನುವ ಕೆ.ಪಿ.ಸೆಲ್ವರಾಜ್‌, “ಕಾಡು ಅಂದ್ರೆ ಅಲ್ಲಿ ಜಿಂಕೆ ಇರಬೇಕು. ಹಾಗೆ, ಕಾಲೇಜು ಅಂದ್ರೆ ಅಲ್ಲೊಂದು ಮುದ್ದಾದ ಲವ್‌ಸ್ಟೋರಿ ಇರಬೇಕು. ಆದರೆ, ಈಗಿನ ಸಿನಿಮಾಗಳಲ್ಲಿ ಲಾಂಗು-ಮಚ್ಚುಗಳ ಅಬ್ಬರವೇ ಜಾಸ್ತಿಯಾಗಿದೆ.

ಇವುಗಳ ನಡುವೆ ನವಿರಾದ ಪ್ರೇಮಕಥೆ ಇರುವ ಚಿತ್ರವನ್ನು ನಾವು ಪ್ರೇಕ್ಷಕರಿಗೆ ಕೊಡುತ್ತಿದ್ದೇವೆ. ಚಿತ್ರದಲ್ಲಿ ಗನ್‌ ತೋರಿಸಿಲ್ಲ. ಪೆನ್ನು ತೋರಿಸಿ ಒಳ್ಳೆಯ ಚಿತ್ರ ಮಾಡಿದ್ದೇವೆ’ ಎಂಬುದು ನಿರ್ದೇಶಕರ ಮಾತು. ಈ ಚಿತ್ರದಲ್ಲಿ ನಾಯಕನಾಗಿ ಅಂಜನ್‌, ನಾಯಕಿಯಾಗಿ ಅಂಜಲಿ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಹಾಡುಗಳಿಗೆ ಓಂ ಪ್ರಕಾಶ್‌ ನಾಯ್ಕ ಸಂಗೀತ ನೀಡಿದ್ದಾರೆ.

ಚಿತ್ರಕ್ಕೆ ಎ.ಎಸ್‌.ರಾಜ್‌ ಮತ್ತು ಕೆ.ಪಿ.ಎಸ್‌.ಜಯ್‌ರಾಜ್‌ ಛಾಯಾಗ್ರಹಣವಿದೆ. ಚಿತ್ರದಲ್ಲಿ ಆರು ಹಾಡುಗಳಿದ್ದು, ಜಯ್‌ಅರಸ್‌, ರಮೇಶ್‌ಚಂದ್ರ, ಜಾನಕಿ, ಅಜಯ್‌ವಾರಿಯರ್‌ ಹಾಡಿದ್ದಾರೆ. “ಜಯ್‌ ಮ್ಯೂಸಿಕ್‌’ ಆಡಿಯೋ ಸಂಸ್ಥೆಯ ಮೂಲಕ ಚಿತ್ರದ ಹಾಡುಗಳು ಹೊರಬಂದಿವೆ. ಇತ್ತೀಚೆಗೆ ಚಿತ್ರದ ಆಡಿಯೋ ಬಿಡುಗಡೆ ನಡೆಯಿತು. ಅಂದು ಕನ್ನಡ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಕೃಷ್ಟೇಗೌಡ ಮತ್ತು ಕರ್ನಾಟಕ ರಕ್ಷಣಾ ವೇದಿಕೆ ಪದಾಧಿಕಾರಿಗಳು ಸೇರಿದಂತೆ ಇತರರು ಹಾಡುಗಳನ್ನು ಬಿಡುಗಡೆ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ತಿಂಗಳುಗಳ ಹಿಂದೆ ಮನರೂಪ ಎಂಬ ಚಿತ್ರ ಮೋಷನ್ ಪೋಸ್ಟರ್‌ನೊಂದಿಗೆ ಪ್ರೇಕ್ಷಕರನ್ನು ತಲುಪಿಕೊಂಡಿತ್ತು. ಕಿರಣ್ ಹೆಗ್ಡೆ ನಿರ್ದೇಶನದ ಚೊಚ್ಚಲ ಚಿತ್ರವಾದ ಮನರೂಪ,...

  • ಪ್ರತಿಭಾವಂತ ನಟಿ ಅದಿತಿ ಪ್ರಭುದೇವ ನಟನೆಯಲ್ಲಿ ಮೂಡಿ ಬಂದಿರೋ ಚಿತ್ರ ರಂಗನಾಯಕಿ. ಸಿನಿಮಾವೊಂದು ಯಾವ್ಯಾವ ದಿಕ್ಕಿನಲ್ಲಿ ಪಾಸಿಟಿವ್ ಟಾಕ್ ಕ್ರಿಯೇಟ್ ಮಾಡಬಹುದೋ...

  • ಬಹುಭಾಷೆಯಲ್ಲಿ ಬಿಡುಗಡೆಯಾದ "ಸೈರಾ' ಹಾಗೂ ಬಿಡುಗಡೆಗೆ ಸಿದ್ಧವಾಗಿರುವ "ದಬಾಂಗ್‌-3' ಚಿತ್ರಗಳ ಮೂಲಕ ಹೆಚ್ಚೆಚ್ಚು ಸುದ್ದಿಯಾದ ನಟ ಸುದೀಪ್‌, ಈ ಬಾರಿ ಹಾಲಿವುಡ್‌ನ‌...

  • ಜಗ್ಗೇಶ್‌ಗೆ 21ನಾಯಕಿಯರ ಸಾಥ್‌! ಹೀಗೆಂದರೆ ನಿಮಗೆ ಆಶ್ಚರ್ಯವಾಗಬಹುದು. ಆದರೂ ಸತ್ಯ. ಜಗ್ಗೇಶ್‌ ಅವರ ಸಿನಿಮಾವೊಂದರಲ್ಲಿ 21 ಮಂದಿ ಕನ್ನಡದ ನಾಯಕಿ ನಟಿಯರು ಕಾಣಿಸಿಕೊಳ್ಳಲಿದ್ದಾರೆ!...

  • ರಾಜೀವ... ಬಹುಶಃ ಈ ಹೆಸರು ಕೇಳಿದೊಡನೆ ಕನ್ನಡ ಚಿತ್ರರಂಗದ ಸೂಪರ್‌ ಹಿಟ್‌ ಸಿನಿಮಾ "ಬಂಗಾರದ ಮನುಷ್ಯ' ನೆನಪಾಗದೇ ಇರದು. ಯಾಕೆಂದರೆ, ಆ ಚಿತ್ರದಲ್ಲಿ ಡಾ.ರಾಜಕುಮಾರ್‌...

ಹೊಸ ಸೇರ್ಪಡೆ