Genius Mutta; ಮುತ್ತನಿಗೆ ವಿಜಯ ರಾಘವೇಂದ್ರ ಸಾಥ್‌

Team Udayavani, Aug 8, 2024, 1:14 PM IST

ಚಿನ್ನಾರಿ ಮುತ್ತನಾಗಿ ಎಲ್ಲರ ಮನಗೆದ್ದಿದ್ದ ನಟ ವಿಜಯ ರಾಘವೇಂದ್ರ ಈಗ ಜೀನಿಯಸ್‌ ಮುತ್ತನಿಗೆ ಸಾಥ್‌ ಕೊಟ್ಟಿದ್ದಾರೆ. ಅಲ್ಲಿಗೆ ಮುತ್ತನಿಗೆ ಮುತ್ತನ ಬಲ ಸಿಕ್ಕಂತಾಗಿದೆ.

ಹೌದು, ನಾಗಿಣಿ ಭರಣ ನಿರ್ದೇಶನದ “ಜೀನಿಯಸ್‌ ಮುತ್ತ’ ಚಿತ್ರ ಆಗಸ್ಟ್‌ 9ಕ್ಕೆ ತೆರೆಕಾಣುತ್ತಿದೆ. ಈ ಚಿತ್ರದಲ್ಲಿ ವಿಜಯ ರಾಘವೇಂದ್ರ ಕೂಡಾ ನಟಿಸಿದ್ದಾರೆ. ಮತ್ತೂಮ್ಮೆ ಮುತ್ತನಿಗೆ ಸಾಥ್‌ ನೀಡಿದರ ಬಗ್ಗೆ ಅವರಿಗೆ ಖುಷಿ ಇದೆ.

ಈ ಕುರಿತು ಮಾತನಾಡುವ ಅವರು,”ನಾನು ಯಾವಾಗಲೂ ನಾಗಾಭರಣ ಅವರಿಗೆ ಆಬಾರಿ. ಏಕೆಂದರೆ ನನ್ನನ್ನು ಎಲ್ಲರು ವಿಜಯ ರಾಘವೇಂದ್ರ ಅನ್ನುವುದಕ್ಕಿಂತ ಚಿನ್ನಾರಿಮುತ್ತ ಎನ್ನುವುದೇ ಹೆಚ್ಚು. ಅಂತಹ ಸೂಪರ್‌ ಹಿಟ್‌ ಚಿತ್ರದಲ್ಲಿ ನಟಿಸಲು ನನಗೆ ಅವಕಾಶ ನೀಡಿದವರು ನಾಗಾಭರಣ ಅವರು. ಈಗ ನಾಗಿಣಿ ಭರಣ ಅವರ ಮೊದಲ ನಿರ್ದೇಶನದಲ್ಲೂ ನಾನು ನಟಿಸಿರುವುದು ಖುಷಿಯಾಗಿದೆ’ ಎನ್ನುತ್ತಾರೆ ವಿಜಯ ರಾಘವೇಂದ್ರ.

ಚಿತ್ರದಲ್ಲಿ ಮಾಸ್ಟರ್‌ ಶ್ರೇಯಸ್‌, ವಿಜಯ ರಾಘವೇಂದ್ರ, ಟಿ.ಎಸ್‌.ನಾಗಾಭರಣ, ಗಿರಿಜಾ ಲೋಕೇಶ್‌, ಸುಂದರರಾಜ್‌, ಪನ್ನಗಾಭರಣ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರವನ್ನು ಜಿ.ಎಸ್‌ ಲತಾ ಜೈಪ್ರಕಾಶ್‌ ನಿರ್ಮಾಣ ಮಾಡಿದ್ದಾರೆ.