‘ಫೇಕ್ ಇಮೇಲ್ ಪ್ರಕರಣ…ಪೊಲೀಸ್ ಠಾಣೆಗೆ ನಟ ಹೃತಿಕ್ ಹಾಜರು   

Team Udayavani, Feb 27, 2021, 4:49 PM IST

ಮುಂಬೈ : 2016ರ ನಕಲಿ ಇಮೇಲ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಾಲಿವುಡ್ ನಟ ಹೃತಿಕ್ ರೋಷನ್ ಇಂದು ( ಫೆ.24) ಮುಂಬೈ ಅಪರಾಧ ವಿಭಾಗಕ್ಕೆ ಹಾಜರಾಗಿ, ತಮ್ಮ ಹೇಳಿಕೆ ದಾಖಲಿಸಿದರು.

ತಮ್ಮ ಹೆಸರಿನಲ್ಲಿ ಬಾಲಿವುಡ್ ನಟಿ ಕಂಗನಾ ರನೌತ್ ಅವರಿಗೆ ಮೇಲ್ ರವಾನೆಯಾಗುತ್ತಿವೆ ಎಂದು ಹೃತಿಕ್ ರೋಷನ್ 2016 ರಲ್ಲಿ ದೂರು ನೀಡಿದ್ದರು. ಇದೀಗ ಈ ದೂರಿನ ವಿಚಾರಣೆ ಕೈಗೆತ್ತಿಕೊಂಡಿರುವ ಪೊಲೀಸ್, ನಿನ್ನೆ (ಫೆ.26) ಹೃತಿಕ್ ಅವರಿಗೆ ನೋಟಿಸ್ ನೀಡಿದ್ದರು. ಈ ಹಿನ್ನೆಲೆ ಇಂದು ಠಾಣೆಗೆ ಹಾಜರಾದ ನಟ ತಮ್ಮ ಹೇಳಿಕೆ ದಾಖಲಿಸಿದ್ದಾರೆ.

ಕಂಗನಾ ರನೌತ್ ಹಾಗೂ ಹೃತಿಕ್ ಪ್ರೀತಿಯಲ್ಲಿದ್ದರು. ಲವ್ ಬ್ರೇಕಪ್ ನಂತರ ಬಹಿರಂಗವಾಗಿಯೇ ಹೃತಿಕ್ ವಿರುದ್ಧ ಕಂಗನಾ ಕಾಳಗ ಶುರು ಮಾಡಿದ್ದರು. ಹೃತಿಕ್ ಅವರಿಂದ ಸ್ವೀಕರಿಸಿದ ಇಮೇಲ್ ಬಗ್ಗೆ ಹೇಳಿಕೊಂಡಿದ್ದರು. ಈ ಆರೋಪ ಅಲ್ಲಗಳೆದಿದ್ದ ಹೃತಿಕ್ ನನ್ನ ಹೆಸರಿನಲ್ಲಿ ನಕಲಿ ಇಮೇಲ್ ಕಳುಹಿಸಲಾಗಿದೆ ಎಂದು 2016 ರಲ್ಲಿ ದೂರು ದಾಖಲಿಸಿದ್ದರು. ಆದರೆ, 2013 ಹಾಗೂ 2014 ರಲ್ಲಿ ಅದೇ ಇಮೇಲ್ ಐಡಿಯಿಂದ ಹೃತಿಕ್ ನನ್ನ ಜತೆ ಸಂಭಾಷನೆ ನಡೆಸುತ್ತಿದ್ದ ಎಂದು ಕಂಗನಾ ಹೇಳಿಕೊಂಡಿದ್ದರು.