ನನಗಾಗ 35, ನಾನು ಮಕ್ಕಳನ್ನು ಬಯಸುತ್ತಿದ್ದೆ, ಆತ ಇನ್ನೂ 20ರ ಹರೆಯದಲ್ಲಿದ್ದ : ಪ್ರಿಯಾಂಕ

Team Udayavani, Mar 21, 2021, 11:21 AM IST

Priyanka Chopra Reveals She Didn’t Take Nick Jonas Texting Her “Seriously”: “I Was 35 And Wanted To Get Married”

ಸಂದರ್ಶನದ ಚಿತ್ರ

ನವ ದೆಹಲಿ : ಓಪ್ರಾ ವಿನ್ಫ್ರೆ ಅವರು ನಡೆಸಿಲೊಡುವ ಜಗತ್ತಿನ ಅತ್ಯಂತ ಖ್ಯಾತ ಸಂದರ್ಶನ ಕಾರ್ಯಕ್ರಮ Super Soul ನಲ್ಲಿ ಮಾಜಿ ವಿಶ್ವ ಸುಂದರಿ ಪ್ರಿಯಾಂಕ ಚೊಪ್ರಾ ಮಾತನಾಡಿದ್ದಾರೆ.

ಓಪ್ರಾ ಅವರೊಂದಿಗೆ ಸಂದರ್ಶನದಲ್ಲಿ ಮಾತನಾಡಿದ ಪ್ರಿಯಾಂಕ, ತಾನು ನಿಕ್ ಜೊತೆಗೆ ಮೊದಲ ಬಾರಿಗೆ ಸಂಪರ್ಕ ಹೊಂದಲು ಇಚ್ಚಿಸಿದಾಗ ತನ್ನೊಳಗಿದ್ದ ಭಾವನೆಗಳನ್ನು ತೆರೆದಿಟ್ಟಿದ್ದಾರೆ. 28 ವರ್ಷದವನೊಂದಿಗೆ ಡೇಟಿಂಗ್ ಮಾಡುವುದರ ಬಗ್ಗೆ ನಾನು ಆತಂಕಗೊಂಡಿದ್ದೆ. ನನಗೆ 35 ವರ್ಷ, ಆತ ಇನ್ನೂ 20 ರ ಹರೆಯದಲ್ಲಿದ್ದ. ಆತ ಹೇಗೆ ನನ್ನೊಂದಿಗೆ ಬೆರೆಯುತ್ತಾನೋ ಎನ್ನುವ ಯೋಚನೆ ನನ್ನ ಮನಸ್ಸಿನಲ್ಲಿತ್ತು. ನನಗೆ 35 ವರ್ಷ, ನಾನು ಮದುವೆಯಾಗಲು ಬಯಸುತ್ತಿದ್ದೆ. ನಾನು ಮಕ್ಕಳನ್ನು ಬಯಸುತ್ತಿದ್ದೆ. ನಿಕ್ ನನ್ನೊಂದಿಗೆ ಹೊಂದಿಕೊಂಡು, ಸಹಕರಿಸುತ್ತಾನೆಯೋ, ಇಲ್ಲವೋ ಎನ್ನುವುದರ ಬಗ್ಗೆ ನನ್ನ ಮನಸ್ಸಿನಲ್ಲಿ ಒಂದು ರೀತಿಯ ಗೊಂದಲದ ಭಾವನೆ ಇದ್ದಿತ್ತು. ನಾನು ಅವನನ್ನು ಮೊದಲ ಭಾರಿ ಭೇಟಿಯಾಗುವ ತನಕವೂ ಈ ಭಾವನೆ ನನ್ನೊಳಗಿದ್ದಿತ್ತು ಎಂದು ಪ್ರಿಯಾಂಕ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಓದಿ : 75 ಮಿಲಿಯನ್ ಭಾರತೀಯರು ಬಡತನ ರೇಖೆಯಿಂದ ಕೆಳಕ್ಕೆ : ಪ್ಯೂ ವರದಿ

ಓಪ್ರಾ ವಿನ್ಫ್ರೆ ಅವರು ನಡೆಸಿಕೊಟ್ಟ Super Soul ಸಂದರ್ಶನ ಕಾರ್ಯಕ್ರಮ ನಿನ್ನೆ(ಮಾ. 20) ಡಿಸ್ಕವರಿ + ನಲ್ಲಿ ಪ್ರಥಮ ಪ್ರಸಾರವಾಗಿದೆ.

ಇನ್ನು, ನಿಕ್ ಜೋನಾಸ್ ನನ್ನು ವೈಯಕ್ತಿಕವಾಗಿ ಭೇಟಿಯಾದ ಮೇಲೆ ಈ ಎಲ್ಲಾ ಭಾವನೆಗಳು ಬದಲಾದವು ಎಂದು ಚೊಪ್ರಾ ಖುಷಿಯಿಂದ ಹಂಚಿಕೊಂಡಿದ್ದಾರೆ.

ನೀವು ತಿಳಿದುಕೊಂಡಷ್ಟು ನನಗೆ ಆತ ಅಷ್ಟೇನೂ ಆಶ್ಚರ್ಯವಾಗಿ ಕಾಣಿಸಲಿಲ್ಲ ಎಂದು ನಗು ನಗುತ್ತಾ ಖುಷಿಯಿಂದ ಪ್ರಿತಿಯ ಭಾವನೆಯನ್ನು ಹಂಚಿಕೊಂಡಿದ್ದಾರೆ. ಆತ ಉತ್ತಮ ಆತ್ಮ ವಿಶ್ವಾಸವುಳ್ಳವ, ಸಂವೇದನಾಶೀಲ ವ್ಯಕ್ತಿ, ನನ್ನ ಸಾಧನೆಯ ಬಗ್ಗೆ, ನನ್ನ ಕನಸುಗಳ ಬಗ್ಗೆ ತುಂಬಾ ಉತ್ಸುಕನಾಗಿದ್ದಾನೆ. ನನಗೆ ಎಲ್ಲಾ ರೀತಿಯಲ್ಲೂ ಆತ ಸಹಕರಿಸುತ್ತಾನೆ. ನನ್ನೊಂದಿಗೆ ಎಲ್ಲಾ ವಿಚಾರದಲ್ಲೂ ಭಾಗಿಯಾಗಿ, ನಾನು ಮಾಡುವ ಎಲ್ಲಾ ಕೆಲಸಕ್ಕೂ ಪ್ರೋತ್ಸಾಹ ನಿಡುತ್ತಾನೆ ಎಂದು ಪ್ರಿಯಾಂಕ ಮನದಾಳದ ಮಾತುಗಳನ್ನು ಬಿಚ್ಚಿಟ್ಟಿದ್ದಾರೆ.

ಪ್ರಿಯಾಂಕ ತಮ್ಮ ನಿಕ್ ಜೋನಾಸ್ ಅವರೊಂದಿಗಿನ ಸಂಬಂಧದಲ್ಲಿ ತಮ್ಮ ತಂದೆ ತಾಯಿಯರ ಸಂಬಂಧವನ್ನು ನೆನಪಿಸಿಕೊಂಡರು. ನನ್ನ ಅಮ್ಮನನ್ನು ಆತನಲ್ಲಿ ನಾನು ಕಾಣುತ್ತೇನೆ. ನನ್ನ ತಂದೆ ತಾಯಿ ಇಬ್ಬರೂ ಜೊತೆಯಾಗಿ ಕೆಲಸ ಮಾಡುತ್ತಿದ್ದರು, ಒಬ್ಬರಿಗೊಬ್ಬರು ಪ್ರತಿ ಸ್ಪಂದಿಸಿ ತಾವು ಮಾಡುವ ಎಲ್ಲಾ ಕೆಲಸದಲ್ಲಿಯೂ ಹೊಂದಿಕೊಂಡು ಮಾಡುತ್ತಿದ್ದರು, ಅವರಿಬ್ಬರು ಜೊತೆಯಾಗಿ ಖುಷಿ ಖುಷಿಯಿಂದ ಮನೆ ನಿರ್ಮಿಸಿದರು, ನಾನು ಅದರ ಬೆಳವಣಿಗೆಯನ್ನು ನೋಡಿದ್ದೇನೆ, ಹೌದು, ನಾನು ಆಶ್ಚರ್ಯಚಕಿತಳಾಗಿದ್ದೇನೆ. ನಾನು ನಿಕ್ ಜೋತೆ ಅದೇ ರೀತಿಯ ಸಂಬಂಧವನ್ನು ಅನುಭವಿಸುತ್ತಿದ್ದೇನೆ ಎಂದು ಪ್ರಿಯಾಂಕ ಚೊಪ್ರಾ ಮನಸ್ಸು ಬಿಚ್ಚಿ ಮಾತಾಡಿದ್ದಾರೆ.

ಓದಿ : ಹಸಿವಿನ ವ್ಯಾಪಾರದ ವಿರುದ್ಧ ನಾವುಗಳು ಹೋರಾಡುತ್ತಿದ್ದೇವೆ: ರಾಕೇಶ್ ಟಿಕಾಯತ್