ಅಭಿಮಾನಿಯ ಸೆಲ್ಫೀ ಮನವಿಗೆ ಗರಂ ಆಗಿದ್ದೇಕೆ ರಾನು ಮೊಂಡಲ್

Team Udayavani, Nov 6, 2019, 6:58 PM IST

ಮುಂಬಯಿ: ಸಾಮಾಜಿಕ ಜಾಲತಾಣದ ಪ್ರಭಾವದಿಂದ ರಾತೋರಾತ್ರಿ ಸ್ಟಾರ್ ಪಟ್ಟಕ್ಕೇರಿದ ಪ್ಲ್ಯಾಟ್ ಫಾರಂ ಸಿಂಗರ್ ರಾನು ಮೊಂಡಲ್ ಅವರು ಇದೀಗ ವಿವಾದ ಒಂದರಿಂದ ಸುದ್ದಿಯಲ್ಲಿದ್ದಾರೆ. ತಮ್ಮ ಜೊತೆ ಸೆಲ್ಫೀ ತೆಗೆಸಿಕೊಳ್ಳಲು ಅಪೇಕ್ಷಿಸಿದ ಮಹಿಳೆಯೊಬ್ಬರೊಂದಿಗೆ ರಾನು ಗರಂ ಆಗಿ ವರ್ತಿಸುತ್ತಿರುವ ವಿಡಿಯೋ ಒಂದು ಇದೀಗ ವೈರಲ್ ಆಗುತ್ತಿರುವಂತೆ ರಾನು ಅವರ ಈ ವರ್ತನೆಗೆ ನೆಟ್ಟಿಗರಿಂದ ಪರ-ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗಲಾರಂಭಿಸಿದೆ.

ಇಷ್ಟಕ್ಕೂ ಆಗಿದ್ದೇನೆಂದರೆ, ರಾನು ಮೊಂಡಲ್ ಅವರು ಶಾಪಿಂಗ್ ಮಾಡುತ್ತಿದ್ದ ಸಂದರ್ಭದಲ್ಲಿ ಅವರ ಹಿಂಭಾಗದಿಂದ ಬಂದ ಮಹಿಳೆಯೊಬ್ಬರು ಅವರನ್ನು ಗುರುತಿಸಿ ಅವರ ಭುಜವನ್ನು ತಟ್ಟಿ ಸೆಲ್ಫೀ ತೆಗೆಸಿಕೊಳ್ಳುವಂತೆ ಮನವಿ ಮಾಡಿಕೊಂಡಿದ್ದಾರೆ. ಆದರೆ ಮಹಿಳೆಯ ಈ ವರ್ತನೆಗೆ ಸಿಟ್ಟುಗೊಂಡ ರಾನು ಅವರು ಆ ಮಹಿಳಾ ಅಭಿಮಾನಿಯತ್ತ ತಿರುಗಿ ‘ಹೀಗಂದರೇನು? ಇಸ್ ಕಾ ಮತ್ ಲಬ್ ಕ್ಯಾ ಹೈ?’ ಎಂದು ಆ ಮಹಿಳೆಯ ಭುಜವನ್ನು ಮುಟ್ಟುತ್ತಾ ಸಿಟ್ಟಿನಿಂದ ಪ್ರಶ್ನಿಸಿದ್ದಾರೆ.

ಇಷ್ಟಕ್ಕೂ ರಾನು ಅವರನ್ನು ಗುರುತಿಸಿ ಅವರೊಂದಿಗೆ ಸೆಲ್ಫೀ ತೆಗೆಸಿಕೊಳ್ಳಬೇಕೆಂಬ ಖುಷಿಯಲ್ಲಿದ್ದ ಆ ಮಹಿಳೆಗೆ ರಾನು ಅವರ ಈ ಅನಿರಿಕ್ಷಿತ ವರ್ತನೆ ಮುಜುಗರ ಉಂಟುಮಾಡಿದೆ. ಈ ಘಟನೆಯ ವಿಡಿಯೋ ಕ್ಲಿಪ್ಪಿಂಗ್ ವೈರಲ್ ಆಗುತ್ತಿರುವಂತೆ ಹಲವರು ರಾನು ಅವರ ಈ ವರ್ತನೆಯನ್ನು ಖಂಡಿಸಿ ಕಮೆಂಟ್ ಮಾಡುತ್ತಿದ್ದಾರೆ.

‘ಶಿಕ್ಷಣದ ಮೂಲಕ ನೀವು ಜಗತ್ತನ್ನೇ ಬದಲಾಯಿಸಬಹುದು. ಸುಶಿಕ್ಷಿತ ವ್ಯಕ್ತಿಗೂ ಇಂತವರಿಗೂ ಇರುವ ವ್ಯತ್ಯಾಸವೇ ಇದು. ಸುಶಿಕ್ಷಿತ ವ್ಯಕ್ತಿ ಮಾತ್ರವೇ ಅಭಿಮಾನಿಗಳ ಮತ್ತು ತನಗೆ ಬಂದಿರುವ ಖ್ಯಾತಿಯ ಮೌಲ್ಯವನ್ನು ತಿಳಿದಿರುತ್ತಾರೆ’ ಎಂದು ಒಬ್ಬರು ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿದ್ದಾರೆ.

‘ಈ 2 ತಿಂಗಳ ಖ್ಯಾತಿ ಗಳಿಸಿದ ಮಹಿಳೆಯ ವರ್ತನೆಯನ್ನು ನೋಡಿದಾನ ನನಗೆ ರಾಹುಲ್ ದ್ರಾವಿಡ್ ಅವರ ಮೇಲಿನ ಗೌರವ ದುಪ್ಪಟ್ಟಾಗುತ್ತಿದೆ. ತನ್ನ ವೃತ್ತಿ ಜೀವನದುದ್ದಕ್ಕೂ ಮತ್ತು ಈಗಲೂ ದ್ರಾವಿಡ್ ಅವರು ಸಾರ್ವಜನಿಕ ಜೀವನದಲ್ಲಿ ನಡೆದುಕೊಳ್ಳುತ್ತಿರುವ ರೀತಿ ಇವರಿಗೆಲ್ಲಾ ಮಾದರಿ’ ಎಂದು ಇನ್ನೊಬ್ಬರು ತನ್ನ ಟ್ವೀಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ