“ಆತ ಖಾಸಗಿ ಅಂಗವನ್ನು…” ಬಿಗ್ ಬಾಸ್ ಮನೆಯಲ್ಲಿ ಮೀಟೂ ಆರೋಪಿ: ಗರಂ ಆದ ನಟಿ
Team Udayavani, Oct 12, 2022, 6:55 PM IST
ಮುಂಬಯಿ: ಹಿಂದಿ ಬಿಗ್ ಬಾಸ್ ಸೀಸನ್ 16 ಆರಂಭವಾದ ದಿನಗಳಿಂದ ಒಂದಲ್ಲ ಒಂದು ಕಾರಣದಿಂದ ಸುದ್ದಿಯಲ್ಲಿದೆ. ಅದರಲ್ಲಿ ಕೆಲ ಸ್ಪರ್ಧಿಗಳೂ ಟ್ರೆಂಡ್ ನಲ್ಲಿದ್ದಾರೆ.
ಈ ಹಿಂದೆ ಮೀಟೂ ಆರೋಪದಲ್ಲಿ ಹೆಸರು ಕೇಳಿ ಬಂದಿದ್ದ ಸಾಜಿದ್ ಖಾನ್ ಅವರು ಈ ಬಾರಿ ಬಿಗ್ ಬಾಸ್ ನಲ್ಲಿ ಸ್ಪರ್ಧಿಯಾಗಿ ಭಾಗಿಯಾಗಿದ್ದಾರೆ. ಇದು ಹಲವರ ಕೆಂಗಣ್ಣಿಗೆ ಕಾರಣವಾಗಿದೆ. ಇತ್ತೀಚೆಗೆ ಗಾಯಕಿ ಸೋನಾ ಮೊಹಾಪಾತ್ರ ಸರಣಿ ಟ್ವೀಟ್ ಗಳಿಂದ ಸಾಜಿದ್ ಖಾನ್ ಮೀಟೂ ಘಟನೆಗಳನ್ನು ಉಲ್ಲೇಖಿಸಿ ಖಂಡಿಸಿದ್ದರು. ಅವರು ಸ್ಪರ್ಧೆಯಲ್ಲಿರಲು ಲಾಯಕ್ಕಲ್ಲ ಎಂದು ಟವಿ ವಾಹಿನಿಯ ವಿರುದ್ದ ಹರಿಹಾಯ್ದಿದ್ದರು.
ದೆಹಲಿ ಮಹಿಳಾ ಆಯೋಗದ ಮುಖ್ಯಸ್ಥೆ ಸ್ವಾತಿ ಮಲಿವಾಲ್ ಮೀಟೂ ಆರೋಪಿ ಸಾಜಿದ್ ಖಾನ್ ಅವರು ಬಿಗ್ ಬಾಸ್ ನಲ್ಲಿರಬಾರದೆಂದು ಹೇಳಿಕೆ ನೀಡಿ, ಖಂಡಿಸಿದ್ದರು. ಇದೀಗ ಮತ್ತೊಬ್ಬ ನಟಿಯೊಬ್ಬರು ಸಾಜಿದ್ ವಿರುದ್ಧ ಗರಂ ಆಗಿ, ಹಿಂದಿನ ಕರಾಳ ಘಟನೆಯನ್ನು ವಿವರಿಸಿದ್ದಾರೆ.
ನಟಿ ಶೆರ್ಲಿನ್ ಚೋಪ್ರಾ ಟ್ವಿಟರ್ ನಲ್ಲಿ ನಿರ್ದೇಶಕ ಸಾಜಿದ್ ಖಾನ್ ಅವರ ಅಸಭ್ಯ ವರ್ತನೆ ಬಗ್ಗೆ ಬರೆದುಕೊಂಡಿದ್ದಾರೆ. ಸಾಜಿದ್ ತಮ್ಮ ಖಾಸಗಿ ಅಂಗವನ್ನು ನನ್ನ ಮೇಲಿಟ್ಟು, ಅದನ್ನು ಸ್ಕೇಲ್ ನಲ್ಲಿ ಅಳೆದು 10 ರಲ್ಲಿ ಎಷ್ಟು ರೇಟ್ ಕೊಡ್ತೀಯಾ ಎಂದು ಹೇಳಿದ್ದರು. ನಾನು ಬಿಗ್ ಬಾಸ್ ಗೆ ಎಂಟ್ರಿ ಕೊಡಬೇಕು, ಅವರಿಗೆ ರೇಟಿಂಗ್ ಕೊಡಬೇಕು. ವೀಕ್ಷಕರು ಒಬ್ಬ ಸಂತ್ರಸ್ತೆ ಕಿರುಕುಳಗಾರನನ್ನು ಹೇಗೆ ನಡೆಸಿಕೊಡುತ್ತಾಳೆ ಎನ್ನುವುದನ್ನು ಜನ ನೋಡಬೇಕೆಂದು ನಟಿ ಟ್ವೀಟ್ ಮಾಡಿದ್ದಾರೆ.
ಇದರೊಂದಿಗೆ ನಟಿ ಈ ವಿಷಯದಲ್ಲಿ ಸಲ್ಮಾನ್ ಖಾನ್ ಅವರು ಒಂದು ನಿಲುವು ತೆಗೆದುಕೊಳ್ಳಬೇಕೆಂದು ವಿನಂತಿಸಿದ್ದಾರೆ. ಮಹಿಳೆಯರಿಗೆ ಕಿರುಕುಳ ನೀಡಿದ ಬಳಿಕ, ಸಾಜಿದ್ ಅವರನ್ನು ಹೇಗೆ ನೀವು ಬಿಗ್ ಬಾಸ್ ಮನೆಗೆ ಪ್ರವೇಶ ನೀಡಿದ್ದೀರಿ? ಸಾಜಿದ್ ಅವರ ಹೇಯ ಕೃತ್ಯದಿಂದ ನೊಂದ ಮಹಿಳೆಯರು ಬದುಕು ದುಸ್ತರವಾಗಿದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
2018 ರಲ್ಲಿ ಸಾಜಿದ್ ಖಾನ್ ವಿರುದ್ಧ ಮೀಟೂ ಆರೋಪ ಕೇಳಿ ಬಂದಿತ್ತು. ಹಲವರು ಸೆಲೆಬ್ರಿಟಿ ನಟಿಯರು ಅವರು ವಿರುದ್ಧ ಮೀಟೂ ಆರೋಪವನ್ನು ಮಾಡಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?
Deepfake video ವಿರುದ್ಧ ನಟ ರಣ್ವೀರ್ ಸಿಂಗ್ ದೂರು
Ranveer Singh: ಮತಯಾಚನೆಯ ಡೀಪ್ ಫೇಕ್ ವಿಡಿಯೋ ವೈರಲ್; FIR ದಾಖಲಿಸಿದ ನಟ ರಣ್ವೀರ್
Big B: ʼಕಲ್ಕಿʼಗಾಗಿ ʼಅಶ್ವತ್ಥಾಮʼನ ಅವತಾರ ತಾಳಿದ ಬಿಗ್ ಬಿ; ಗಮನ ಸೆಳೆದ ಪಾತ್ರದ ಝಲಕ್