ಮುತ್ತಿನ ಗಮ್ಮತ್ತು..ತಾರಾ ಜೋಡಿಯ ಕಿಸ್ ಡೇ…ಫೋಟೊ ನೋಡಲು ಸುದ್ದಿ ಕ್ಲಿಕ್ ಮಾಡಿ

Team Udayavani, Feb 13, 2021, 3:01 PM IST

ಮುಂಬೈ : ಕಳೆದ ವರ್ಷ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಗಾಯಕ ಆದಿತ್ಯ ನಾರಾಯಣ ಹಾಗೂ ಶ್ವೇತಾ ದಂಪತಿ, ಮದುವೆ ನಂತರದ ಮೊದಲ ಪ್ರೇಮಿಗಳ ದಿನ ಸಂಭ್ರಮಿಸಲು ತುದಿಗಾಲಿನ ಮೇಲೆ ನಿಂತಿದ್ದಾರೆ. ವಾಲೆಂಟೈನ್ ಡೇ ಸೆಲಬ್ರೆಟ್ ಮಾಡಲು ಉತ್ಸುಕರಾಗಿರುವ ಈ ಜೋಡಿ ಅದಕ್ಕೂ ಮುನ್ನ ‘ಕಿಸ್ ಡೇ’ ಸಂಭ್ರಮಿಸಿದೆ.

ಮದುವೆ ನಂತರದ ದಿನಗಳನ್ನು ಸುಂದರವಾಗಿ ಕಳೆಯುತ್ತಿರುವ ಈ ತಾರಾ ಜೋಡಿ, ಮುತ್ತಿನ ದಿನವನ್ನು ಗಮ್ಮತ್ತಿನಿಂದ ಆಚರಿಸಿದೆ. ತಾವಿಬ್ಬರು ತುಟಿಗಳಿಗೆ ಚುಂಬಿಸಿರುವ ಫೋಟೊವೊಂದನ್ನು ಇನ್ ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ ಆದಿತ್ಯ.

ತಮ್ಮ ಮುತ್ತಿನ ಫೋಟೊ ಖುಷಿಯಿಂದಲೆ ಹಂಚಿಕೊಂಡಿರುವ ಆದಿತ್ಯ, ಎಲ್ಲರಿಗೂ ಕಿಸ್ ಡೇ ಶುಭಾಶಯ ತಿಳಿಸಿದ್ದಾರೆ. ಜತೆಗೆ ‘ನಿಮ್ಮನ್ನು ಪ್ರೀತಿಸುವವರನ್ನು ನೀವು ಹುಡುಕಿಕೊಳ್ಳಿ, ಅವರಿಗೆ ನಿತ್ಯ ಮುತ್ತು ಕೊಡಿ’ ಎಂದು ಬರೆದುಕೊಂಡಿದ್ದಾರೆ.

ಇನ್ನು ಆದಿತ್ಯ ಹಾಗೂ ಶ್ವೇತಾ ‘ಶಾಪಿತ್’ ಚಿತ್ರದ ಮೂಲಕ ಬಾಲಿವುಡ್ ಗೆ ಪದಾರ್ಪಣೆ ಮಾಡಿದ್ದರು. 10 ವರ್ಷಗಳ ಕಾಲ ಒಬ್ಬರನ್ನೊಬ್ಬರು ಪ್ರೀತಿಸುತ್ತಿದ್ದ ಇವರು, ಕಳೆದ ವರ್ಷ (2020) ಡಿಸೆಂಬರ್ ನಲ್ಲಿ ತಮ್ಮ ಪ್ರೀತಿಗೆ ಮದುವೆ ಎನ್ನುವ ಮುದ್ರೆ ಒತ್ತಿದ್ದರು.

ಪ್ರೇಮಿಗಳ ದಿನವಾದ ನಾಳೆ ತನ್ನ ಗಂಡನಿಗೆ ಅಚ್ಚರಿಯ ಉಡುಗೊರೆಯೊಂದನ್ನು ನೀಡಲು ಪ್ಲ್ಯಾನ್ ಮಾಡಿದ್ದಾರಂತೆ ಶ್ವೇತಾ. ಈ ವಿಷಯವನ್ನು ಆಕೆಯ ಪತಿ ಆದಿತ್ಯ ಇನ್ ಸ್ಟಾಗ್ರಾಂನಲ್ಲಿ ಹೇಳಿಕೊಂಡಿದ್ದಾರೆ.