ಗೋಲ್‌ಮಾಲ್‌ನಲ್ಲಿ ಮೆಲೋಡಿ!

Team Udayavani, Mar 28, 2019, 1:21 PM IST

ಪೃಥ್ವಿ ಅಂಬರ್‌ ಮತ್ತು ಶ್ರೇಯಾ ಅಂಚನ್‌ ನಟನೆಯ ಒಂದು ವೀಡಿಯೋ ಈಗ ಭಾರೀ ವೈರಲ್‌ ಆಗಿದೆ. ಅದು ಸದ್ಯವೇ ರಿಲೀಸ್‌ ಅಗಲಿರುವ ‘ಗೋಲ್‌ಮಾಲ್‌’ ಸಿನೆಮಾದ ‘ದಿನಲಾ ಓ ನಿನ್ನನೇ …’ ಹಾಡು. ನೀರಿನಾಟದ ಆದ್ಭುತ ಪ್ರೇಮ ದೃಶ್ಯವಿರುವ ಈ ಹಾಡಿನಲ್ಲಿ ಪ್ರೀತಿಯು ಹೊಳೆಯಾಗಿ ಹರಿದಂತಿದೆ.

ಗೋಲ್‌ಮಾಲ್‌ ಚಿತ್ರದ ಟೀಸರ್‌ನ್ನು ಈಗಾಗಲೇ 1.50 ಲಕ್ಷ ಜನ ವೀಕ್ಷಿಸಿದ್ದಾರೆ. ಇದೊಂದು ತುಳು ಚಿತ್ರರಂಗದ ಮಟ್ಟಿಗೆ ದಾಖಲೆಯಾಗಿದೆ. ಇದರಲ್ಲಿ ಪೊಲೀಸ್‌ ಅಧಿಕಾರಿಯಾಗಿ ಸಾಯಿ ಕುಮಾರ್‌ ಅವರು ನಟಿಸಿರುವುದು ವಿಶೇಷ. ನಾಯಕ ನಟನಾಗಿ ಪೃಥ್ವಿ ಅಂಬರ್‌, ನಾಯಕಿಯಾಗಿ ಶ್ರೇಯಾ ಅಂಚನ್‌ ಅಭಿನಯ ಪ್ರೇಕ್ಷಕರನ್ನು ಸೆಳೆಯಲಿದೆ.

ನವೀನ್‌ ಡಿ. ಪಡೀಲ್‌, ಅರವಿಂದ ಬೋಳಾರ್‌, ಭೋಜರಾಜ ವಾಮಂಜೂರು, ಸುನೀಲ್‌ ನೆಲ್ಲಿಗುಡ್ಡೆ, ಸುಂದರ ರೈ, ಸತೀಶ್‌ ಬಂದಲೆ, ತುಳು ನಾಡಿನ ಪ್ರಮುಖ ಕಲಾವಿದರು ಚಿತ್ರದಲ್ಲಿದ್ದಾರೆ. ಮಂಜುನಾಥ ನಾಯಕ್‌ ಕಾರ್ಕಳ ಮತ್ತು ಅಕ್ಷಯ ಪ್ರಭು ಅಜೆಕಾರ್‌ ನಿರ್ಮಾಣದಲ್ಲಿ, ರಮಾನಂದ ನಾಯಕ್‌ ನಿರ್ದೇಶನದಲ್ಲಿ ‘ಗೋಲ್‌ ಮಾಲ್‌’

ಸಿನೆಮಾ ತಯಾರಾಗಿದೆ. ಮುಂದಿನ ತಿಂಗಳು 19ಕ್ಕೆ ಬಿಡುಗಡೆಯಾಗಲಿದೆ. ಸಿನೆಮಾಕ್ಕೆ ಸುನಾದ್‌ ಗೌತಮ್‌ ಸಂಗೀತ, ಛಾಯಾಚಿತ್ರಗ್ರಹಣದಲ್ಲಿ ದುಡಿದಿದ್ದಾರೆ. ಶಂಕರ ನಾರಾಯಣ ಪೆರ್ಡೂರ್‌ ಸಂಕಲನ, ಶಿವು ಸಾಹಸ, ದಿನೇಶ್‌ ಜೋಗಿ ಕಲಾನಿರ್ದೇಶನದಲ್ಲಿ ದುಡಿ ದಿದ್ದಾರೆ. ಸುಮಾರು 1.5 ಕೋ. ರೂ. ವೆಚ್ಚದಲ್ಲಿ ಚಿತ್ರ ನಿರ್ಮಾಣವಾಗಿದೆ.