ಗಣೇಶ ಹಬ್ಬಕ್ಕೆ ವಿಶೇಷ ಹಾಡು ರಿಲೀಸ್ ಮಾಡಿದ ಮಂಗ್ಲಿ

Team Udayavani, Sep 11, 2021, 9:21 AM IST

ಹಬ್ಬಕ್ಕೊಂದು ವಿಶೇಷ ಹಾಡನ್ನು ಬಿಡುಗುಗಡೆ ಮಾಡುವ ತೆಲುಗು ನಿರೂಪಕಿ, ಗಾಯಕಿ ಮಂಗ್ಲಿ ಗಣೇಶ ಹಬ್ಬಕ್ಕೆ ಹಾಡೊಂದನ್ನು ಬಿಡುಗಡೆ ಮಾಡಿದ್ದಾರೆ. ಗಣೇಶನ ಬಗ್ಗೆ ಗುಣಗಾನ ಮಾಡಿರುವ ತೆಲುಗು ಹಾಡಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ಹಿಂದೆ ಮಂಗ್ಲಿ ‘ಬೋನಾಲ ಪಾಟ’, ‘ಸಂಕ್ರಾಂತಿ ಪಾಟ’, ‘ಉಗಾದಿ ಪಾಟ’ ಹೀಗೆ ಹಲವು ಹಬ್ಬಗಳಿಗೆ ವಿಡಿಯೋ ಹಾಡನ್ನು ಬಿಡುಗಡೆ ಮಾಡಿದ್ದಾರೆ. ಗಣೇಶ ಹಬ್ಬದ ಹಿನ್ನೆಲೆಯಲ್ಲಿ ಸದ್ಯ ವಿಡಿಯೋ ಹಾಡೊಂದನ್ನು ರಿಲೀಸ್ ಮಾಡಿರುವ ನಿರೂಪಕಿ ಮಂಗ್ಲಿ ಸಖತ್ ಸ್ಟೆಪ್ ಕೂಡ ಹಾಕಿದ್ದಾರೆ.

ಹಾಡಿನಲ್ಲಿರುವ… ಮಣ್ಣಿನಲ್ಲಿ ನಿನ್ನನ್ನು ಮಾಡಿ, ಸಣ್ಣ ಗುಡಿ ಕಟ್ಟಿ, ಅಡವಿಗೆ ಹೋಗಿ ಹೂ-ಹಣ್ಣು ಕೊಯ್ದುಕೊಂಡು ಬಂದು. ಹೂವಿನ ಮಾಲೆ ತೊಡಿಸಿ, ನೈವೇದ್ಯ ಇಟ್ಟು ಕೈ ಮುಗಿದು ನಿನ್ನ ಮುಂದೆ ಬಸ್ಕಿ ಹೊಡೆದಿದ್ದೇವೆ  ಎಂಬ ತೆಲುಗು  ಸಾಲುಗಳು ಕೇಳುಗರಿಗೆ ಆನಂದ ನೀಡುತ್ತವೆ. ತೆಲುಗು ಸ್ಥಳಿಯ ಭಾಷೆಯಲ್ಲಿ ಸೊಗಸಾಗಿ ಹಾಡಿದ್ದಾರೆ.

ಇನ್ನು ಮಂಗ್ಲಿಯ ಗಣೇಶ ಹಬ್ಬದ ವಿಶೇಷ ಹಾಡು ಬಿಡುಗಡೆಯಾದ 24 ಗಂಟೆಗಳ ಒಳಗೆ 21 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಯಾಗಿದೆ.