ಗುಂಡಿನ ಮತ್ತೆ ಗಮ್ಮತ್ತು!

ಚಿತ್ರ ವಿಮರ್ಶೆ

Team Udayavani, Jun 22, 2019, 3:00 AM IST

ಅವರಿಬ್ಬರೂ ಬಾಲ್ಯದ ಸ್ನೇಹಿತರು. “ಹಫ್ತಾ’ ವಸೂಲಿ, ಸುಫಾರಿ ಕಿಲ್ಲಿಂಗ್‌ ಮೂಲಕವೇ ಅಂಡರ್‌ವರ್ಲ್ಡ್ಗೆ ಎಂಟ್ರಿಯಾದ ಒಬ್ಬನ ಹೆಸರು ಕುಡ್ಲ ಅಲಿಯಾಸ್‌ ಕೃಷ್ಣ. ಮತ್ತೂಬ್ಬನ ಹೆಸರು ಯರವಾಡ ಅಲಿಯಾಸ್‌ ಶಂಕರ್‌ ಯರವಾಡ. ಮಂಗಳೂರಿನಿಂದ ಹಿಡಿದು ಮುಂಬೈವರೆಗಿನ ಕೋಸ್ಟಲ್‌ನಲ್ಲಿ ಅವರದ್ದೇ ಹವಾ.

ಹಾಗಾದ್ರೆ, ಈ ಸ್ನೇಹಿತರು “ಹಫ್ತಾ’ ವಸೂಲಿಗೆ ಇಳಿದಿರುವುದೇಕೆ? “ಹಫ್ತಾ’ ವಸೂಲಿ ಹಿಂದಿನ ಕಾರಣ – ಉದ್ದೇಶವೇನು, “ಹಫ್ತಾ’ ಹೆಸರಿನಲ್ಲಿ ಕರಾವಳಿಯಲ್ಲಿ ಹರಿಯುವ ನೆತ್ತರ ಕಹಾನಿಗೆ ಬ್ರೇಕ್‌ ಬೀಳುತ್ತಾ, ಇಲ್ಲವಾ? ಇವೆಲ್ಲದರ ನಡುವೆಯುವ ಕಥೆಯೇ ಈ ವಾರ ತೆರೆಗೆ ಬಂದಿರುವ “ಹಫ್ತಾ’ ಚಿತ್ರ.

ಹೆಸರೇ ಹೇಳುವಂತೆ “ಹಫ್ತಾ’ ಔಟ್‌ ಆ್ಯಂಡ್‌ ಔಟ್‌ ಮಾಸ್‌ ಎಲಿಮೆಂಟ್‌ ಇಟ್ಟುಕೊಂಡು ಬಂದಿರುವ ಚಿತ್ರ. ಅದರಲ್ಲೂ ಕಳೆದ ಕೆಲ ತಿಂಗಳಿನಿಂದ ಅಂಡರ್‌ವರ್ಲ್ಡ್, ಮಾಫಿಯಾ, ರೌಡಿಸಂ ಕಥಾಹಂದರದ ಚಿತ್ರಗಳಿಂದ ಕೊಂಚ ಬ್ರೇಕ್‌ ತೆಗೆದುಕೊಂಡು ಹಾರರ್‌, ಥ್ರಿಲ್ಲರ್‌ ಚಿತ್ರಗಳ ಹಿಂದೆ ಬಿದ್ದಿದ್ದ ಕನ್ನಡ ಸಿನಿ ಪ್ರಿಯರಿಗೆ “ಹಫ್ತಾ’ ಮತ್ತೂಮ್ಮೆ ಭೂಗತ ಲೋಕನ ದರ್ಶನ ಮಾಡಿಸುವಂತಿದೆ.

“ಹಫ್ತಾ’ದಲ್ಲಿ ಕ್ರೌರ್ಯ – ಅಟ್ಟಹಾಸವಿದೆ. ಲಾಂಗು-ಮಚ್ಚು, ಗುಂಡಿನ ಮೊರೆತವಿದೆ. ಅದರ ಜೊತೆಗೊಂದು ನವಿರಾದ ಲವ್‌ಸ್ಟೋರಿಯೂ ಇದೆ. ಒಂದು ಕಮರ್ಷಿಯಲ್‌ ಎಂಟರ್‌ಟೈನ್ಮೆಂಟ್‌ ಚಿತ್ರಕ್ಕೆ ಏನೇನು ಎಲಿಮೆಂಟ್ಸ್‌ ಇರಬೇಕೋ, ಅದೆಲ್ಲವನ್ನೂ ಅರ್ಥೈಸಿಕೊಂಡು, ಚಿತ್ರದಲ್ಲಿ ಅಳವಡಿಸಿದ್ದಾರೆ ನಿರ್ದೇಶಕ ಪ್ರಕಾಶ್‌ ಹೆಬ್ಬಾಳ. ಆದರೆ ಅದೆಷ್ಟು ವರ್ಕೌಟ್‌ ಆಗಿದೆ ಎನ್ನುವುದುದೇ ಮುಂದಿರುವ ಪ್ರಶ್ನೆ.

ಸಂಪೂರ್ಣ ಕರಾವಳಿ ಹಿನ್ನೆಲೆಯಲ್ಲಿ ಸಾಗುವ “ಹಫ್ತಾ’ದಲ್ಲಿ ಕರಾವಳಿಯ ಜನಜೀವನ, ಭೂಗತಲೋಕದ ಕ್ರೌರ್ಯ ಎಲ್ಲವೂ ಅನಾವರಣಗೊಂಡಿದೆ. ಆದರೆ ಭಾಷಾ ಸೊಗಡು ಕಾಣೆಯಾಗಿದೆ. ಕೆಲವೊಮ್ಮೆ ಶರವೇಗದಲ್ಲಿ ಸಾಗುವ ಚಿತ್ರಕಥೆ, ಅಲ್ಲಲ್ಲಿ “ಜರ್ಕ್‌’ ತೆಗೆದುಕೊಳ್ಳುತ್ತದೆ.

ಚಿತ್ರಕಥೆ, ನಿರೂಪಣೆಯಲ್ಲಿ ನಿರ್ದೇಶಕರು ಇನ್ನಷ್ಟು ಎಚ್ಚರ ವಹಿಸಿದ್ದರೆ, “ಹಫ್ತಾ’ದ ಇಂಪ್ಯಾಕ್ಟ್ ಇನ್ನೂ ಹೆಚ್ಚಾಗಿರುತ್ತಿತ್ತು. ಇನ್ನು ಅಭಿನಯದ ವಿಷಯಕ್ಕೆ ಬಂದರೆ, ಮೊದಲ ಬಾರಿಗೆ ನಾಯಕನಾಗಿ ವರ್ಧನ್‌ ತೀರ್ಥಹಳ್ಳಿ ಪಾತ್ರಕ್ಕೆ ಸಾಕಷ್ಟು ಪರಿಶ್ರಮ ಹಾಕಿರುವುದು ಕಾಣುತ್ತದೆ.

ಅಭಿನಯದಲ್ಲಿ ಇನ್ನಷ್ಟು ಮಾಗಿದರೆ, ವರ್ಧನ್‌ ಮಾಸ್‌ ಹೀರೋ ಆಗಬಲ್ಲರು. ರಾಘವ ನಾಗ್‌, ಬಿಂಬಶ್ರೀ ನೀನಾಸಂ, ಸೌಮ್ಯ ಅವರ ಅಭಿನಯ ಪರವಾಗಿಲ್ಲ ಎನ್ನಬಹುದಷ್ಟೇ. ಖಳನಾಯಕನಾಗಿ ಬಲರಾಜವಾಡಿ ಎಂದಿನಂತೆ ಅಬ್ಬರದ ಅಭಿನಯ ನೀಡಿದ್ದಾರೆ.

ಉಳಿದಂತೆ ಇತರ ಕಲಾವಿದರು ಹಾಗೆ ಬಂದು ಹೀಗೆ ಹೋಗುವಂತಿರುವುದರಿಂದ, ಅವರ ಬಗ್ಗೆ ಹೆಚ್ಚೇನು ಮಾತನಾಡುವಂತಿಲ್ಲ. ತಾಂತ್ರಿಕವಾಗಿ “ಹಫ್ತಾ’ ಚಿತ್ರ ಚೆನ್ನಾಗಿ ಮೂಡಿಬಂದಿದೆ. ಚಿತ್ರದ ಛಾಯಾಗ್ರಹಣ, ಸಂಕಲನ ಗಮನ ಸೆಳೆಯುತ್ತದೆ.

ಗೌತಮ್‌ ಶ್ರೀವತ್ಸ ಹಿನ್ನೆಲೆ ಸಂಗೀತ ಚೆನ್ನಾಗಿದ್ದರೆ, ಜಿ. ಯಾರ್ಡ್ಲಿ ಸಂಗೀತದ ಹಾಡುಗಳು ಕಿವಿಯಲ್ಲಿ ಹೆಚ್ಚು ಹೊತ್ತು ಉಳಿಯುವುದಿಲ್ಲ. ಒಟ್ಟಾರೆ ಪಕ್ಕಾ ಮಾಸ್‌ ಆಡಿಯನ್ಸ್‌ಗೆಂದೇ ಮಾಡಲಾದ “ಹಫ್ತಾ’ ಆ್ಯಕ್ಷನ್‌ ಪ್ರಿಯರಿಗೆ ಹೆಚ್ಚು ಇಷ್ಟವಾದೀತು.

ಚಿತ್ರ: ಹಫ್ತಾ
ನಿರ್ಮಾಣ: ಮೈತ್ರಿ ಮಂಜುನಾಥ್‌, ಬಾಲರಾಜ್‌
ನಿರ್ದೇಶನ: ಪ್ರಕಾಶ್‌ ಹೆಬ್ಬಾಳ
ತಾರಾಗಣ: ವರ್ಧನ್‌ ತೀರ್ಥಹಳ್ಳಿ, ರಾಘವ್‌ ನಾಗ್‌, ಬಿಂಬಶ್ರೀ ನೀನಾಸಂ, ಸೌಮ್ಯ ತತೀರ, ಬಲ ರಾಜವಾಡಿ, ದಶಾವರ ಚಂದ್ರು, ಉಗ್ರಂ ರವಿ ಮತ್ತಿತರರು

* ಜಿ.ಎಸ್‌ ಕಾರ್ತಿಕ ಸುಧನ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಸಾಮಾನ್ಯವಾಗಿ ಹುಡುಗರು ಲವ್‌ ಫೇಲ್ಯೂರ್‌ ಆದ್ರೆ, ಫ್ಯಾಮಿಲಿ ಪ್ರಾಬ್ಲಂ ಅಥವಾ ಇನ್ನೇನಾದ್ರೂ ಬೇಸರವಾದರೆ ಆದ್ರೆ ಹಳೆಯದನ್ನೆಲ್ಲ ಮರೆಯಲು ಕೈಯಲ್ಲಿ ಬಾಟಲ್‌...

  • ಆಕೆ ಶ್ರೀಮಂತ ಬಿಝಿನೆಸ್‌ಮ್ಯಾನ್‌ವೊಬ್ಬನ ಪತ್ನಿ. ಮೊದಲ ಪತ್ನಿಯನ್ನು ಕಳೆದುಕೊಂಡು ಒಂಟಿತನದಲ್ಲಿದ್ದ ಆ ಬಿಝಿನೆಸ್‌ ಮ್ಯಾನ್‌ಗೆ ಮೋಡಿ ಮಾಡಿ, ಆತನ ಪತ್ನಿಯಾದವಳಾಕೆ....

  • ಕಾಯಿಲೆಯ ಕೊನೆ ಹಂತದಲ್ಲಿ ನೀವು ಸಂಪೂರ್ಣವಾಗಿ ನಿಮ್ಮನ್ನೇ ಮರೆತಿರುತ್ತೀರಿ ವೈದ್ಯರು ಹೀಗೆ ಹೇಳುವಾಗ ಆಕೆಗೆ ಇಡೀ ಜಗತ್ತೇ ಕುಸಿದಂತಾಗುತ್ತದೆ. ಮಗಳ ಮುಖ ಕಣ್ಣ...

  • "ಕಿಕ್‌ ಏರ್‌ ಬೇಕು ಅಂದ್ರೆ ಕ್ವಾಟ್ರಾ ಬೇಕು... ಒಂಟಿನ ಮುಟ್ಬೇಕು ಅಂದ್ರೆ ಮೀಟ್ರಾ ಬೇಕು...' ಇಂಥದ್ದೊಂದು ಮಾಸ್‌ ಡೈಲಾಗ್‌ ಹೇಳಿ ಮುಗಿಸುವಷ್ಟರಲ್ಲಿ, "ಒಂಟಿ'ಯನ್ನು...

  • ಆತ ಖಡಕ್‌ ಪೊಲೀಸ್‌ ಆಫೀಸರ್‌. ಬಿಹಾರದ ಗೂಂಡಾಗಳ ಎದೆಯಲ್ಲಿ ನಡುಕ ಹುಟ್ಟಿಸಿದ ಎನ್‌ಕೌಂಟರ್‌ ಸ್ಪೆಷಲಿಸ್ಟ್‌. ಗೂಂಡಾಗಳಿಗೆ ಗುಂಡೇಟು ಮದ್ದು ಎಂದು ಭಾವಿಸಿದ...

ಹೊಸ ಸೇರ್ಪಡೆ