ಸಂಬಂಧಗಳ ಚೌಕಟ್ಟಿನಲ್ಲಿ ಕವಚ ಹೊಳಪು


Team Udayavani, Apr 6, 2019, 11:05 AM IST

Kavacha

“ನನಗೆ ಕಣ್ಣಿಲ್ಲದೆ ಅವರನ್ನು ನೋಡಲಾಗಲಿಲ್ಲ ಎಂಬ ನೋವಿಗಿಂತ ಅವರು ಕಣ್ಣಿದ್ದೂ ನನ್ನನ್ನು ನೋಡಲಿಲ್ಲ ಎಂಬ ನೋವು ಜಾಸ್ತಿ ಇದೆ…’ – ಆ ಅಂಧ ಜಯರಾಮ ಕೋರ್ಟ್‌ ಆವರಣದಲ್ಲಿ ನಿಂತು ಹೀಗೆ ಭಾವುಕನಾಗಿ ಹೇಳುವ ಹೊತ್ತಿಗೆ, ಎಲ್ಲವನ್ನೂ ಮತ್ತು ಎಲ್ಲರನ್ನೂ ಅಕ್ಕರೆ, ಪ್ರೀತಿಯಿಂದ ನೋಡಿಕೊಳ್ಳುತ್ತಿದ್ದ ಅವನ ಬದುಕಲ್ಲಿ ಸಾಕಷ್ಟು ಏರಿಳಿತಗಳು ಸುತ್ತಿಕೊಂಡಿರುತ್ತವೆ.

ಕಣ್ಣೇ ಕಾಣದ ಅವನು ತನ್ನ ಒಳಗಣ್ಣಿನಿಂದ ಎಲ್ಲವನ್ನೂ ಸೂಕ್ಷ್ಮವಾಗಿ ಗ್ರಹಿಸುವಂಥವನು. ಮಾಡದ ತಪ್ಪಿಗೆ ನೋವು ಅನುಭವಿಸಿ, ಕಣ್ಣೀರಿಡುವ ವೇಳೆ, ಅಲ್ಲಿ ನೆರೆದವರ ಕಣ್ಣಂಚಲ್ಲೂ ನೀರು ತುಂಬಿಕೊಂಡಿರುತ್ತೆ. ಹಾಗೆ, ನೋಡುಗರ ಕಣ್ಣಾಲಿಗಳೂ ಒದ್ದೆಯಾಗಿರುತ್ತವೆ. ಇದು “ಕವಚ’ ಚಿತ್ರದ ಭಾವನಾತ್ಮಕ ಸನ್ನಿವೇಶದ ಒಂದು ತುಣುಕು. ಇಡೀ ಚಿತ್ರದಲ್ಲಿ ಭಾವನೆ ಮತ್ತು ಭಾವುಕತೆಯೇ ಹೈಲೈಟ್‌. ತಪ್ಪು, ಅರಿವು, ದ್ವೇಷ, ಅನುಮಾನ, ಪ್ರೀತಿ, ಮಮತೆ, ಅನುಕಂಪ, ಕಾಳಜಿ ಇತ್ಯಾದಿ ಚಿತ್ರದ ಜೀವಂತಿಕೆಗೆ ಸಾಕ್ಷಿ. ಒಂದೇ ಮಾತಲ್ಲಿ ಹೇಳುವುದಾದರೆ, “ಕವಚ’ ಮನಸ್ಸನ್ನು ಭಾರವಾಗಿಸುವ ಅಂದವಾದ ಚಿತ್ರ.

ಸಂಬಂಧಗಳನ್ನು ಬೆಸೆಯುವಂತಹ ಮೌಲ್ಯ ಸಾರುವ ಹೂರಣ ಈ ಚಿತ್ರದಲ್ಲಿದೆ. ಚಿತ್ರದ ಗಟ್ಟಿತನವೆಂದರೆ ಕಥೆ ಮತ್ತು ನಿರೂಪಣೆ. ಇದರ ಜೊತೆಗೆ ಪಾತ್ರಗಳ ಪೋಷಣೆ. ನೋಡುಗರ ಮನದ ಮೂಲೆಯಲ್ಲೆಲ್ಲೋ ಆತಂಕ ಮತ್ತು ಅನುಕಂಪ ಹುಟ್ಟುಹಾಕುತ್ತಲೇ “ಹೊಸ ಬೆಳಕು’ ಮೂಡಿಸುವ ತಾಕತ್ತು ಚಿತ್ರಕ್ಕಿದೆ.

ಅಂಥದ್ದೊಂದು ಹೊಸ ಹೊಳಪನ್ನು ನೋಡಬೇಕೆನಿಸಿದರೆ, ಯಾವುದೇ ಅನುಮಾನಗಳಿಲ್ಲದೆ ಚಿತ್ರ ನೋಡಬಹುದು. ಸಿನಿಮಾ ಅಂದರೆ, ಮನಬಂದಂತೆ ಡೈಲಾಗ್‌ ಹರಿಬಿಡುವುದು, ಹಾರಿ ಎಗರಿ ಬೀಳುವಂತೆ ಫೈಟ್‌ ಮಾಡುವುದು, ಮರಸುತ್ತಿ ಹಾಡಿ ಕುಣಿಯುವುದಷ್ಟೇ ಅಲ್ಲ. ಅದರ ಹೊರತಾಗಿ ಬೇರೆಯದ್ದನ್ನೂ ಕಾಣಿಸುವ, ಮನಭಾರವಾಗಿಸುವ, ಆಪ್ತವೆನಿಸುವ ಚಿತ್ರಣವೂ ಇದೆ ಎಂಬುದಕ್ಕೆ “ಕವಚ’ ಸಾಕ್ಷಿಯಾಗಿ ನಿಲ್ಲುತ್ತದೆ. ಹಾಗಂತ, ಇಲ್ಲಿ ಕಮರ್ಷಿಯಲ್‌ ಅಂಶಗಳಿಲ್ಲ ಎನ್ನುವ ಮನಸ್ಸುಗಳಿಗೆ ಅಚ್ಚರಿಯನ್ನೂ ಮೂಡಿಸುತ್ತದೆ. ಇಲ್ಲೂ ಹಾಡು-ಕುಣಿತ, ಫೈಟು ಎಲ್ಲವೂ ಇದೆ. ಇವೆಲ್ಲದರ ಜೊತೆ ಸಂಬಂಧಕ್ಕೆ ಕಲ್ಪಿಸಿರುವ ಅರ್ಥವನ್ನು ಅರ್ಥೈಸಿಕೊಂಡರೆ ಮಾತ್ರ “ಕವಚ’ ನೋಡಿದ್ದಕ್ಕೂ ಸಾರ್ಥಕ.

ಇದು ಮಲಯಾಳಂ “ಒಪ್ಪಂ’ ಚಿತ್ರದ ಅವತರಣಿಕೆ. ಆದರೆ, ನಿರ್ದೇಶಕರಿಗೆ ಇಲ್ಲಿ ಏನು ಹೇಳಬೇಕು, ಎಷ್ಟು ತೋರಿಸಬೇಕು ಎಂಬ ಸ್ಪಷ್ಟತೆ ಇದೆ. ಹಾಗಾಗಿ, ಚಿತ್ರ ಎಲ್ಲೂ
ತಾಳ್ಮೆಗೆಡಿಸುವುದಿಲ್ಲ. ಕೆಲವೊಂದು ಕಡೆ ಅನಗತ್ಯ ದೃಶ್ಯಗಳಿಗೆ ಇನ್ನಷ್ಟು ಕತ್ತರಿ ಹಾಕಿದ್ದರೆ, ವೇಗ ಹೆಚ್ಚಾಗುತ್ತಿತ್ತು. ಫೈಟ್‌ ಒಂದಕ್ಕೆ ಇನ್ನಷ್ಟು ನೈಜತೆ ಕಟ್ಟಿಕೊಡಬಹುದಾಗಿತ್ತು. ಮೊದಲರ್ಧ ಸರಾಗವಾಗಿದೆ. ದ್ವಿತಿಯಾರ್ಧದ ಚುರುಕಿನ ನಿರೂಪಣೆ ಚಿತ್ರದ ಮತ್ತೂಂದು ಪ್ಲಸ್ಸು. ಸಿನಿಮಾ ಇಷ್ಟ ಆಗೋದೇ ಕುತೂಹಲ ಕಾಯ್ದುಕೊಂಡಿರುವುದರಿಂದ, ಇಡೀ ಸಿನಿಮಾದ ತಾಕತ್ತು ಆ ಕುತೂಹಲಕ್ಕಿದೆ. ಆ ಕುತೂಹಲ ಬಗ್ಗೆ ತಿಳಿದುಕೊಳ್ಳುವ ಧಾವಂತವಿದ್ದರೆ, ಅಂಧನ ಅಂದ ಪ್ರಯತ್ನವನ್ನೊಮ್ಮೆ ನೋಡಲು ಯಾವ ಅನುಮತಿಯೂ ಬೇಕಿಲ್ಲ.

ಇದು ಅಂಧನೊಬ್ಬನ ಲೈಫ‌ಲ್ಲಿ ಎದುರಾಗುವ ಸಮಸ್ಯೆಗಳ ಚಿತ್ರ. ಆ ಸಮಸ್ಯೆಗಳಿಂದ ಅವನು ಹೇಗೆ ಹೊರಬರುತ್ತಾನೆ ಅನ್ನುವುದೇ ಚಿತ್ರದ ವಿಶೇಷ. ಜಯರಾಮ್‌ ಒಬ್ಬ ಅಂಧ. ಎಲ್ಲರಿಗೂ ಪ್ರೀತಿಪಾತ್ರವಾದ ವ್ಯಕ್ತಿ. ಕಣ್ಣು ಕಾಣಲ್ಲ ಎಂಬುದು ಬಿಟ್ಟರೆ, ಗೆಳೆತನಕ್ಕೆ, ಪ್ರೀತಿಗೆ, ಸಂಬಂಧಕ್ಕೆ ಕೊರತೆ ಇಲ್ಲದ ವ್ಯಕ್ತಿ. ಅಂಥಾ ಸಂದರ್ಭದಲ್ಲೇ ತಾನು ಸದಾ ಇಷ್ಟಪಡುವ ನಿವೃತ್ತ ನ್ಯಾಯಾಧೀಶರೊಬ್ಬರ ಕೊಲೆ ನಡೆದುಹೋಗುತ್ತೆ. ಆ ಕೊಲೆ ಜಯರಾಮನೇ ಮಾಡಿದ ಎಂಬ ಅನುಮಾನದ ಮೇಲೆ ಪೊಲೀಸರು ಇನ್ನಿಲ್ಲದ ಹಿಂಸೆ ಕೊಡುತ್ತಾರೆ.

ಅದರಿಂದ ಹೊರಬರುವ ಜಯರಾಮ, ಇನ್ನೊಂದು ಕೊಲೆ ಆಗುವುದನ್ನು ತಪ್ಪಿಸಲು ಹೋರಾಡುತ್ತಾರೆ. ಆ ಇನ್ನೊಂದು ಕೊಲೆ ಯಾರದ್ದು, ಆ ಹೋರಾಟದಲ್ಲಿ ಜಯರಾಮ ಗೆಲ್ಲುತ್ತಾನಾ, ಇಲ್ಲವಾ ಅನ್ನುವುದೇ ಕುತೂಹಲದ ಸಾರಾಂಶ. ಶಿವರಾಜಕುಮಾರ್‌ ಅವರು ಮೊದಲ ಬಾರಿಗೆ ಅಂಧ ಪಾತ್ರ ನಿರ್ವಹಿಸಿ, ಸೈ ಎನಿಸಿಕೊಂಡಿದ್ದಾರೆ. ಇದುವರೆಗೆ ಅವರ ಚಿತ್ರಗಳಲ್ಲಿನ ಆ್ಯಕ್ಷನ್‌, ಡ್ಯಾನ್ಸ್‌ ಗೆ ಚಪ್ಪಾಳೆ, ಶಿಳ್ಳೆ ಗಿಟ್ಟಿಸಿಕೊಳ್ಳುತ್ತಿದ್ದ ಅವರು, ಅಂಧನಾಗಿ ಇಲ್ಲೂ ಅದೇ ಚಪ್ಪಾಳೆ, ಶಿಳ್ಳೆಗೆ ಪಾತ್ರವಾಗಿದ್ದಾರೆ.

ತೆರೆ ಮೇಲೆ ನೋಡುವ ಅವರನ್ನು ಪ್ರತಿಯೊಬ್ಬರೂ ಇಷ್ಟ ಪಡದೇ ಇರಲಾರರು. ಅಷ್ಟರ ಮಟ್ಟಿಗೆ ಬಾಡಿಲಾಂಗ್ವೇಜ್‌ ಇರಬಹುದು, ಮಾತುಕತೆ ಇರಬಹುದು ಎಲ್ಲವೂ ನೈಜವೇನೋ ಎಂಬಂತೆ ಪಾತ್ರದಲ್ಲಿ ಜೀವಿಸಿದ್ದಾರೆ. ಬೇಬಿ ಮೀನಾಕ್ಷಿ ಕೂಡ ಗಮನಸೆಳೆಯುತ್ತಾಳೆ, ವಸಿಷ್ಠ ಸಿಂಹ
ಎಂದಿನಂತೆ ಇಲ್ಲೂ ಭಯಹುಟ್ಟಿಸುತ್ತಾರೆ. ಉಳಿದಂತೆ ಇಶಾ ಕೊಪ್ಪಿಕರ್‌, ಕೃತಿಕಾ, ಆಶಿಶ್‌ ವಿದ್ಯಾರ್ಥಿ, ರಾಜೇಶ್‌ ನಟರಂಗ, ತಬಲಾನಾಣಿ ಸೇರಿದಂತೆ ಇತರರು ಗಮನಸೆಳೆಯುತ್ತಾರೆ.

ಅರ್ಜುನ್‌ ಜನ್ಯ ಸಂಗೀತದಲ್ಲಿ “ರೆಕ್ಕೆಯ ಕುದುರೆ ಏರಿ ಬೆಳ್ಳಿ ಬೆಳ್ಳಿ ಮೋಡವ ದಾಟಿ ಬರುವ ನಿನ್ನ ಅಪ್ಪಯ್ಯ…’ ಹಾಡು ಮತ್ತೆ ಮತ್ತೆ ಗುನುಗುವಂತಿದೆ. ರೋನ್‌ ಏತನ್‌ ಯೋಹನ್‌ ಅವರ ಹಿನ್ನೆಲೆ ಸಂಗೀತ ಕೆಲವು ಕಡೆ ಮಾತುಗಳನ್ನೇ ನುಂಗಿದೆ. ಎಂ.ಎಸ್‌. ರಮೇಶ್‌ ಅವರ ಮಾತುಗಳು ಅಲ್ಲಲ್ಲಿ
ಮನಕಲಕುವಂತಿವೆ. ರಾಹುಲ್‌ ಶ್ರೀವಾತ್ಸವ್‌ ಛಾಯಾಗ್ರಹಣ ಕವಚವನ್ನು “ಅಂದ’ವಾಗಿಸಿದೆ.
*ಚಿತ್ರ: ಕವಚ
*ನಿರ್ಮಾಣ :ಎಂ.ವಿ.ವಿ.ಸತ್ಯನಾರಾಯಣ್‌
* ನಿರ್ದೇಶನ :ಜಿ.ವಿ.ಆರ್‌.ವಾಸು
*ತಾರಾಗಣ : ಶಿವರಾಜಕುಮಾರ್‌, ವಸಿಷ್ಠಸಿಂಹ, ಇಶಾ ಕೊಪ್ಪಿಕರ್‌, ಆಶಿಶ್‌ ವಿದ್ಯಾರ್ಥಿ, ರಾಜೇಶ್‌ ನಟರಂಗ, ಬೇಬಿ ಮೀನಾಕ್ಷಿ, ಜಯಪ್ರಕಾಶ್‌ ಇತರರು.

*ವಿಜಯ್‌ ಭರಮಸಾಗರ

ಟಾಪ್ ನ್ಯೂಸ್

bsy

ಬಿ.ಎಸ್ ಯಡಿಯೂರಪ್ಪ ಮೊಮ್ಮಗಳು ಆತ್ಮಹತ್ಯೆಗೆ ಶರಣು!

16arrest

ಉಡುಪಿ: ಹೈಟೆಕ್ ವೇಶ್ಯಾವಾಟಿಕೆ; ನಾಲ್ವರು ಆರೋಪಿಗಳ ಬಂಧನ

1-aff

ನಾನು ಸರಕಾರ ನಡೆಸುತ್ತಿರುವ ಟೀಮಿನ ಒಬ್ಬ ಸದಸ್ಯ: ಬಸವರಾಜ್ ಬೊಮ್ಮಾಯಿ

ಮುಂಗಡ ಮುನ್ನೋಟ: ಮನೆ ಖರೀದಿದಾರರಿಗೆ ಸಿಗುವುದೇ ಸಿಹಿಸುದ್ದಿ?

ಮುಂಗಡ ಮುನ್ನೋಟ: ಮನೆ ಖರೀದಿದಾರರಿಗೆ ಸಿಗುವುದೇ ಸಿಹಿಸುದ್ದಿ?

ನ್ಯೂನತೆಯನ್ನು ಮೆಟ್ಟಿ ನಿಂತು ಜನಪ್ರಿಯತೆಯ ಮೆಟ್ಟಿಲೇರಿದ ಅಪ್ರತಿಮ ಸಾಧಕಿ ಕೌರ್

ನ್ಯೂನತೆಯನ್ನು ಮೆಟ್ಟಿ ನಿಂತು ಜನಪ್ರಿಯತೆಯ ಮೆಟ್ಟಿಲೇರಿದ ಅಪ್ರತಿಮ ಸಾಧಕಿ ಕೌರ್

ಕೆಲಸದಿಂದ ಜನರ ವಿಶ್ವಾಸ ಗಳಿಸಬೇಕು, ಮಾತಿನಿಂದಲ್ಲ:ಪ್ರತಾಪ್ ಸಿಂಹಗೆ ಬಿಜೆಪಿ ಶಾಸಕರ ತಿರುಗೇಟು

ಕೆಲಸದಿಂದ ಜನರ ವಿಶ್ವಾಸ ಗಳಿಸಬೇಕು, ಮಾತಿನಿಂದಲ್ಲ:ಪ್ರತಾಪ್ ಸಿಂಹಗೆ ಬಿಜೆಪಿ ಶಾಸಕರ ತಿರುಗೇಟು

ಆಸ್ಟ್ರೇಲಿಯಾ ಓಪನ್ ಫೈನಲ್ ತಲುಪಿದ ರಫೆಲ್ ನಡಾಲ್: ದಾಖಲೆಗೆ ಬೇಕು ಇನ್ನೊಂದೇ ಗೆಲುವು

ಆಸ್ಟ್ರೇಲಿಯಾ ಓಪನ್ ಫೈನಲ್ ತಲುಪಿದ ರಫೆಲ್ ನಡಾಲ್: ದಾಖಲೆಗೆ ಬೇಕು ಇನ್ನೊಂದೇ ಗೆಲುವು



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Arjun-gowda

ಒಂದು ಕೊಲೆಯ ಸುತ್ತ..: ಹುಟ್ಟುಹಬ್ಬದ ಶುಭಾಶಯಗಳು ಚಿತ್ರ ವಿಮರ್ಶೆ

ಅರ್ಜುನ್ ಗೌಡ ಚಿತ್ರ ವಿಮರ್ಶೆ

‘ಅರ್ಜುನ್ ಗೌಡ’ ಚಿತ್ರ ವಿಮರ್ಶೆ: ಪ್ರೀತಿಯ ಬಲೆಯಲ್ಲಿ ಮಾಫಿಯಾ ಅಲೆ!

ಮತ್ತೆ ಮತ್ತೆ ಕಾಡುವ ‘ರಚ್ಚು’ ಕರ್ಮ ಕಥೆ!

‘ಲವ್ ಯು ರಚ್ಚು’ ಚಿತ್ರವಿಮರ್ಶೆ: ಮತ್ತೆ ಮತ್ತೆ ಕಾಡುವ ‘ರಚ್ಚು’ ಕರ್ಮ ಕಥೆ!

‘ರೈಡರ್’ ಚಿತ್ರವಿಮರ್ಶೆ

‘ರೈಡರ್’ ಚಿತ್ರವಿಮರ್ಶೆ: ಫ್ಯಾಮಿಲಿ ಪ್ಯಾಕೇಜ್‌ ನಲ್ಲಿ ಪ್ರೇಮ್‌ ಕಹಾನಿ

ಬಡವ ರಾಸ್ಕಲ್‌

“ಬಡವ ರಾಸ್ಕಲ್‌” ಚಿತ್ರವಿಮರ್ಶೆ: ಬಡವನ ಜೊತೆಗೊಂದು ಸುಖಕರ ಪ್ರಯಾಣ

MUST WATCH

udayavani youtube

ತುಳುನಾಡಿನ ರಾಜಧಾನಿ ಬಾರ್ಕೂರನ್ನು ಆಳಿದ ರಾಜರ ಹೆಸರೇನು ಗೊತ್ತೇ ?

udayavani youtube

ಉತ್ತರಪ್ರದೇಶ ಚುನಾವಣೆ ಭಾರತದ ಭವಿಷ್ಯವನ್ನು ನಿರ್ಧರಿಸಲಿದೆ

udayavani youtube

ಮನೆಯಿಂದ ಹೊರ ಬಂದ್ರೆ ತಲೆಗೇ ಕುಕ್ಕುತ್ತೆ ಈ ಕಾಗೆ.!

udayavani youtube

ದೇಶದ ಧ್ವಜದ ಜೊತೆ ಘೋಷಣೆ ಕೂಗಿದ್ದಕ್ಕೆ ಬಂಧನ!

udayavani youtube

ಮೈಕೊರೆಯುವ ಚಳಿಯನ್ನೂ ಲೆಕ್ಕಿಸದೇ ವಾರದಿಂದ ಭಕ್ತರು ಯಲ್ಲಮ್ಮನ ಕ್ಷೇತ್ರಕ್ಕೆ ಬರುತ್ತಿದ್ದಾರೆ

ಹೊಸ ಸೇರ್ಪಡೆ

bsy

ಬಿ.ಎಸ್ ಯಡಿಯೂರಪ್ಪ ಮೊಮ್ಮಗಳು ಆತ್ಮಹತ್ಯೆಗೆ ಶರಣು!

davanagere news

ಗುಣಮುಖರ ಪ್ರಮಾಣ ಹೆಚ್ಚಳ

davanagere news

ಕ್ಯಾಂಪಸ್‌ ಸಂದರ್ಶನದಲ್ಲಿ ವಿದ್ಯಾರ್ಥಿಗಳ ಆಯ್ಕೆ

davanagere news

ದುಗ್ಗಮ್ಮ ಜಾತ್ರೆಗೆ ಮುಹೂರ್ತ ಫಿಕ್ಸ್‌

16arrest

ಉಡುಪಿ: ಹೈಟೆಕ್ ವೇಶ್ಯಾವಾಟಿಕೆ; ನಾಲ್ವರು ಆರೋಪಿಗಳ ಬಂಧನ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.