ಸವಾರಿಗೆ ನಿಧಾನವೇ ಪ್ರಧಾನ

ಚಿತ್ರ ವಿಮರ್ಶೆ

Team Udayavani, Jun 29, 2019, 3:00 AM IST

ಅದು ದಕ್ಷಿಣಕನ್ನಡದ ಉಪ್ಪಿನಂಗಡಿಯಲ್ಲಿರುವ ಗೆಳೆಯರ ಗುಂಪು. ತಮ್ಮಷ್ಟಕ್ಕೆ ಒಂದಷ್ಟು ತಂಟೆ-ತರಲೆ ಮಾಡಿಕೊಂಡಿದ್ದ ಈ ಗುಂಪಿನಲ್ಲಿದ್ದ ನಿರಂಜನ ಎಂಬಾತ ಇದ್ದಕ್ಕಿದ್ದಂತೆ ನಾಪತ್ತೆಯಾಗುತ್ತಾನೆ. ಇದ್ದಕ್ಕಿದ್ದಂತೆ ನಾಪತ್ತೆಯಾದ ನಿರಂಜನ ಬಗ್ಗೆ ಸ್ನೇಹಿತರಿಗೆ ಆತಂಕ.

ನಿರಂಜನ ಅದೇ ಊರಿನ ಬಂಟರ ಹುಡುಗಿ ವೀಣಾ ಸರಸ್ವತಿಯನ್ನು ಪ್ರೀತಿಸುತ್ತಿದ್ದ ಕಾರಣ, ಆಕೆಯ ತಂದೆಯೇ ನಿರಂಜನನಿಗೆ ಏನಾದರೂ ಮಾಡಿರಬಹುದು ಎನ್ನುವುದು ಗುಂಪಿನಲ್ಲಿರುವ ಕೆಲವರ ಗುಮಾನಿ. ನಿರಂಜನ ಪರಿಸರ ಹೋರಾಟದಲ್ಲೂ ಇದ್ದಿದ್ದರಿಂದ ಮತ್ತಿನ್ಯಾರೋ ಏನಾದರೂ ಮಾಡಿರಬಹುದು ಎನ್ನುವುದು ಇನ್ನುಳಿದ ಕೆಲವರ ಲೆಕ್ಕಾಚಾರ.

ಒಟ್ಟಿನಲ್ಲಿ ನಿರಂಜನ ಕೊಲೆಯಾಗಿದ್ದಾನೆ ಎನ್ನುವುದು ಅಲ್ಲಿರುವ ನಿರಂಜನನ ಸ್ನೇಹಿತರ ನಿಸ್ಸಂಶಯ ವಾದ. ಹಾಗಾದ್ರೆ ನಿಜವಾಗಿಯೂ ನಿರಂಜನ ಎಲ್ಲಿಗೆ ಹೋದ? ಏನಾದ? ಸ್ನೇಹಿತರು ಅಂದುಕೊಂಡಂತೆ ನಿರಂಜನ ಕೊಲೆಯಾದನಾ? ಅನ್ನೋದೆ ಸಸ್ಪೆನ್ಸ್‌. ಇದು ಈ ವಾರ ತೆರೆಗೆ ಬಂದಿರುವ “ಸಮಯದ ಹಿಂದೆ ಸವಾರಿ’ ಚಿತ್ರದ ಕಥಾ ಹಂದರ.

ಹಿರಿಯ ಪತ್ರಕರ್ತ, ಲೇಖಕ ಜೋಗಿ ಅವರ “ನದಿಯ ನೆನಪಿನ ಹಂಗು’ ಕಾದಂಬರಿ ಆಧರಿಸಿರುವ ಈ ಚಿತ್ರ “ಸಮಯದ ಹಿಂದೆ ಸವಾರಿ’ ಎನ್ನುವ ಹೆಸರಿನಲ್ಲಿ ತೆರೆಗೆ ಬಂದಿದೆ. ಒಂದಷ್ಟು ಕೌತುಕದ ಸಂಗತಿಗಳು, ಹಿಡಿದು ಕೂರಿಸುವ ಕಥಾಹಂದರ ಚಿತ್ರದಲ್ಲಿದ್ದರೂ, ಅದು ಚಿತ್ರಕಥೆಯಾಗಿ ತೆರೆಗೆ ಬರುವಾಗ ಮೂಲಕೃತಿಯಷ್ಟು ಪರಿಣಾಮಕಾರಿಯಾಗಿ ಮೂಡಿಬಂದಿಲ್ಲ.

ಚಿತ್ರದ ನಿರೂಪಣೆ ಕೆಲವೆಡೆ ಅತಿವೇಗ ಪಡೆದುಕೊಂಡರೆ, ಕೆಲವೆಡೆ ಆಮೆನಡಿಗೆಯಲ್ಲಿ ಸಾಗುತ್ತದೆ. ಚಿತ್ರಕಥೆ, ನಿರೂಪಣೆ, ಸಂಭಾಷಣೆ, ದೃಶ್ಯ ಜೋಡಣೆ ಕಡೆಗೆ ನಿರ್ದೇಶಕ ರಾಜ್‌ಗುರು ಹೊಸಕೋಟಿ ಇನ್ನಷ್ಟು ಗಮನ ಹರಿಸಿದ್ದರೆ, “ಸವಾರಿ’ ಇನ್ನೂ ರೋಚಕವಾಗಿರುವ ಎಲ್ಲಾ ಸಾಧ್ಯತೆಗಳಿರುತ್ತಿದ್ದವು.

ಇನ್ನು “ಸಮಯದ ಹಿಂದೆ ಸವಾರಿ’ಚಿತ್ರದಲ್ಲಿ ಬಹುತೇಕ ಹೊಸ ಕಲಾವಿದರು ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಕೆಲವರ ಅಭಿನಯ ಪರವಾಗಿಲ್ಲ ಎನ್ನಬಹುದು. ಮತ್ತೆ ಕೆಲವರು ಅಭಿನಯದಲ್ಲಿ ಸಾಕಷ್ಟು ಪಳಗಬೇಕಿದೆ. ಅದನ್ನು ಹೊರತುಪಡಿಸಿ ಚಿತ್ರದ ತಾಂತ್ರಿಕ ವಿಷಯಗಳ ಬಗ್ಗೆ ಹೇಳುವುದಾದರೆ, ಚಿತ್ರದ ಛಾಯಾಗ್ರಹಣ, ಸಂಕಲನ, ಹಿನ್ನೆಲೆ ಸಂಗೀತ ಮೂರು ಕೂಡ ಚಿತ್ರಕ್ಕೆ ಬಿಗ್‌ ಪ್ಲಸ್‌ ಎನ್ನಬಹುದು.

ಚಿತ್ರದ ದೃಶ್ಯಗಳನ್ನು ಸುನೀತ್‌ ಹಲಗೇರಿ ತಮ್ಮ ಕ್ಯಾಮರಾದಲ್ಲಿ ಸುಂದರವಾಗಿ ಕಟ್ಟಿಕೊಟ್ಟಿದ್ದಾರೆ. ಸಂಕಲನ ಕಾರ್ಯ ಕೂಡ ಹಿತ-ಮಿತವಾಗಿದೆ. ಅಲ್ಲಲ್ಲಿ ಚಿತ್ರದ ಹಿನ್ನೆಲೆ ಸಂಗೀತ ಕೂಡ ಗಮನ ಸೆಳೆಯುತ್ತದೆ. ಒಟ್ಟಾರೆ ಅತಿರೋಚಕವೂ ಅಲ್ಲದ,ಅತಿ ಪೇಲವವೂ ಅಲ್ಲದ ದಾರಿಯಲ್ಲಿ ಬಿಡುವಿದ್ದರೆ, “ಸಮಯದ ಹಿಂದೆ ಸವಾರಿ’ ಮಾಡಲು ಅಡ್ಡಿ ಇಲ್ಲ.

ಚಿತ್ರ: ಸಮಯದ ಹಿಂದೆ ಸವಾರಿ
ನಿರ್ಮಾಣ: ರಾಹುಲ್‌ ಹೆಗ್ಡೆ
ನಿರ್ದೇಶನ: ರಾಜ್‌ಗುರು ಹೊಸಕೋಟಿ
ತಾರಾಗಣ: ರಾಹುಲ್‌ ಹೆಗ್ಡೆ, ಪ್ರಕೃತಿ, ಕಿರಣ್‌, ರಂಜಿತ್‌ ಶೆಟ್ಟಿ, ಶಿವಶಂಕರ್‌, ಪ್ರವೀಣ್‌ ಹೆಗ್ಡೆ ಇತರರು

* ಜಿ.ಎಸ್‌ ಕಾರ್ತಿಕ ಸುಧನ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಆತ ಕೋಪಿಷ್ಠ. ಕೋಪವೇ ಆತನ ವೀಕ್‌ನೆಸ್‌ ಎಂದರೆ ತಪ್ಪಲ್ಲ. ಆದರೆ, ಒಳ್ಳೇ ಹುಡುಗ, ತಾಯಿ ಮುದ್ದಿನ ಮಗ. ಊರ ಮಂದಿಗೆ ನೆಚ್ಚಿನ ಸಿಂಗ. ಈ ಸಿಂಗನ ಸಂಗದೇ ಕೆಟ್ಟವರಿಲ್ಲ. ಆದರೆ,...

  • "ಹಲೋ ನಿಮ್‌ ನಿಜವಾದ ಹೆಸರು ನಂದಿನಿ ಅಲ್ಲ ತಾನೇ?ಯಾಕೆಂದರೆ ಆ ಹೆಸರಿನ ಹುಡುಗಿಯರೇ ಹುಡುಗರಿಗೆ ಹುಚ್ಚು ಹಿಡಿಸಿರೋದು...' ಚಿತ್ರದ ನಾಯಕ, ಮೊದಲ ಸಲ ನಾಯಕಿಯನ್ನು ನೋಡಿದ...

  • ಅವನ ಹೆಸರು ಸೂರ್ಯ. ಹೆಸರಿಗೆ ತಕ್ಕಂತೆ ಎಲ್ಲರೂ ಸೂರ್ಯನಿಗೆ ಆಕರ್ಷಿತರಾಗುತ್ತಾರೆ. ಇವಳ ಹೆಸರು ಭಾರ್ಗವಿ ನಡೆ-ನುಡಿಯಲ್ಲಿ ಭೂಮಿಯ ಗುಣದವಳು. ಇಷ್ಟು ಹೇಳಿದ ಮೇಲೆ...

  • ಸಾಮಾನ್ಯವಾಗಿ ಹುಡುಗರು ಲವ್‌ ಫೇಲ್ಯೂರ್‌ ಆದ್ರೆ, ಫ್ಯಾಮಿಲಿ ಪ್ರಾಬ್ಲಂ ಅಥವಾ ಇನ್ನೇನಾದ್ರೂ ಬೇಸರವಾದರೆ ಆದ್ರೆ ಹಳೆಯದನ್ನೆಲ್ಲ ಮರೆಯಲು ಕೈಯಲ್ಲಿ ಬಾಟಲ್‌...

  • ಆಕೆ ಶ್ರೀಮಂತ ಬಿಝಿನೆಸ್‌ಮ್ಯಾನ್‌ವೊಬ್ಬನ ಪತ್ನಿ. ಮೊದಲ ಪತ್ನಿಯನ್ನು ಕಳೆದುಕೊಂಡು ಒಂಟಿತನದಲ್ಲಿದ್ದ ಆ ಬಿಝಿನೆಸ್‌ ಮ್ಯಾನ್‌ಗೆ ಮೋಡಿ ಮಾಡಿ, ಆತನ ಪತ್ನಿಯಾದವಳಾಕೆ....

ಹೊಸ ಸೇರ್ಪಡೆ