Udayavni Special

ಮಾತಿನ ಮಂಟಪದಲ್ಲಿ ತಿಥಿ ಮತ್ತು ಪ್ರಸ್ಥ


Team Udayavani, Aug 6, 2017, 10:25 AM IST

tathana-thithi.jpg

ಕೆಲವು ಕಥೆಗಳು ತುಂಬಾ ಕಾಡುತ್ತವೆ, ಆ ಕಾರಣಕ್ಕಾಗಿ ಸಿನಿಮಾಗಳಾಗುತ್ತವೆ. ಇನ್ನು ಎಲ್ಲೋ ನಡೆದ ಘಟನೆ ಸಿನಿಮಾಕ್ಕೆ ಪ್ರೇರಣೆಯಾಗುತ್ತದೆ. ಈ ತರಹದ ಕಾರಣಗಳಿಗಾಗಿಯೂ ಅನೇಕ ಸಿನಿಮಾಗಳು ಬಂದಿವೆ. ಆದರೆ, “ತಾತನ ತಿಥಿ ಮೊಮ್ಮಗನ ಪ್ರಸ್ಥ’ ಸಿನಿಮಾವಾಗಲು ತುಂಬಾ ಕಾಡಿರುವ ಅಂಶವೆಂದರೆ ಬಹುಶಃ ಪ್ರಸ್ಥ ಇರಬೇಕು. ಮೊಮ್ಮಗನ ಪ್ರಸ್ಥವನ್ನು ಊರಿಗೆಲ್ಲಾ ತೋರಿಸಬೇಕು ಎಂಬ ತಾತನ ಆಸೆಯ ಒನ್‌ಲೈನ್‌ ಇಟ್ಟುಕೊಂಡು ಈ ಸಿನಿಮಾ ಮಾಡಲಾಗಿದೆ. ಹಾಗಾಗಿ, ಪ್ರಸ್ಥ ಒಂದು ಸಿನಿಮಾಕ್ಕೆ ವಿಷಯವಾಗಬಲ್ಲದು ಎಂಬುದನ್ನು ತಮ್ಮ ಮೊದಲ ನಿರ್ದೇಶನದಲ್ಲಿ ತೋರಿಸಿಕೊಟ್ಟಿದ್ದಾರೆ ನಿರ್ದೇಶಕ ಕೃಷ್ಣ ಚಂದ್ರ.

ಮೊಮ್ಮಗನಿಗೆ ಮದುವೆ ಮಾಡಿಸುವುದನ್ನು ಎಷ್ಟೆಲ್ಲಾ ಡಬಲ್‌ ಮೀನಿಂಗ್‌ನೊಂದಿಗೆ ಕಟ್ಟಿಕೊಡಬಹುದೋ ಅವೆಲ್ಲವನ್ನು ಇಲ್ಲಿ ಮಾಡಿದ್ದಾರೆ. ಹಾಗಾಗಿ, ಇದನ್ನು ಕಾಮಿಡಿ ಸಿನಿಮಾ ಎಂದು ಏಕಾಏಕಿ ಕರೆಯೋದು ಕೂಡಾ ಕಷ್ಟ. ಏಕೆಂದರೆ, ಸಿನಿಮಾದಲ್ಲಿ ಕಾಮಿಡಿಗಿಂತ ಡಬಲ್‌ ಮೀನಿಂಗ್‌ ಸಂಭಾಷಣೆಗಳೇ ಹೆಚ್ಚು. ನೀವು ಬೇಕಾದರೆ ಅದನ್ನು ಸಿಂಗಲ್‌ ಮೀನಿಂಗ್‌ನಿಂದ ನೋಡಬಹುದು. ಈ ಚಿತ್ರದಲ್ಲಿ ನಾಯಕ-ನಾಯಕಿ ಬಿಟ್ಟರೆ ಮುಖ್ಯ ಪಾತ್ರಧಾರಿಗಳು ಸೆಂಚುರಿ ಗೌಡ, ಗಡ್ಡಪ್ಪ ಹಾಗೂ ತಮ್ಮಣ್ಣ. “ತಿಥಿ’ ನಂತರ ಏಕಾಏಕಿ ಜನಪ್ರಿಯತೆ ಪಡೆದ ಅವರು ಈಗಾಗಲೇ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಬಹುತೇಕ ಅವರ ಪಾತ್ರಗಳು ರಿಪೀಟ್‌ ಆಗುತ್ತಲೇ ಬಂದಿವೆ. ಅವರ ಬಾಯಿಂದ ಒಂದಷ್ಟು ಲೋಕಲ್‌ ಡೈಲಾಗ್ಸ್‌, ಪೋಲಿ ಮಾತುಗಳನ್ನು ಹೇಳಿಸಿ ಚಪ್ಪಾಳೆ ಗಿಟ್ಟಿಸಿಕೊಳ್ಳುವ ಪ್ರಯತ್ನ ಇಲ್ಲೂ ಮುಂದುವರೆದಿದೆ. ಹಾಗಾಗಿಯೇ ನಾಯಕನಿಗಿಂತ ಹೆಚ್ಚಾಗಿ ಆ ಮೂವರೇ ತೆರೆಯನ್ನು ಆಕ್ರಮಿಸಿಕೊಂಡಿದ್ದಾರೆ. ಹಾಗಾಗಿ, ಅವರ ಪೋಲಿ ಸಂಭಾಷಣೆಗಳಲ್ಲೇ ಬಹುತೇಕ ಸಿನಿಮಾ ಮುಗಿದು ಹೋಗುತ್ತದೆ. ಮೊಮ್ಮಗನ ಪ್ರಸ್ಥ ನೋಡಿಯೇ ತನ್ನ ಆತ್ಮಕ್ಕೆ ತೃಪ್ತಿ, ಊರ ಜನರನ್ನೆಲ್ಲಾ ಪ್ರಸ್ಥಕ್ಕೆ ಕರೆಯಬೇಕು ಎಂಬ ಸತ್ತು ಹೋದ ನಂತರವೂ ಆಗಾಗ ಬಂದು ಕಾಡುತ್ತಿರುವ ಸೆಂಚುರಿ ಗೌಡ ಅವರ ಆಸೆಯಂತೆ ಅವರ ಮೊಮ್ಮಗನಿಗೆ ಹುಡುಗಿ ಹುಡುಕುವ ಕಾರ್ಯ ಆರಂಭವಾಗುತ್ತದೆ.

ಸಖತ್‌ ಬೋಲ್ಡ್‌ ಹುಡುಗಿಯೇ ಸಿಗುತ್ತಾಳೆ, ಸಿಗುತ್ತಾಳೆ ಅನ್ನೋದಕ್ಕಿಂತ ಮೊಮ್ಮಗನೇ ಹುಡುಕಿಕೊಳ್ಳುತ್ತಾನೆ. ಆ ನಂತರ ನಡೆಯೋದು ಮದುವೆ ಡ್ರಾಮಾ. ಇಷ್ಟರಲ್ಲಿ ಇಡೀ ಸಿನಿಮಾ ಮುಗಿಸಿದ್ದಾರೆ. ಆರಂಭದಿಂದ ಕೊನೆವರೆಗೆ ಇಲ್ಲಿ ನಿಮಗೆ ಒಂದೇ ದಿನ ಗಂಭೀರ ದೃಶ್ಯಗಳು ಕಾಣಸಿಗೋದಿಲ್ಲ. ಇಡೀ ಸಿನಿಮಾವನ್ನು ಡಬಲ್‌ ಮೀನಿಂಗ್‌ ಹಿನ್ನೆಲೆಯಲ್ಲಿ ಕಾಮಿಡಿಯಾಗಿ ಕಟ್ಟಿಕೊಡುವ ಪ್ರಯತ್ನ ಮಾಡಿದ್ದಾರಷ್ಟೇ. ಹಾಗಾಗಿ, ಇಲ್ಲಿ ಹೊಸದೇನನ್ನು ನೀವು ನಿರೀಕ್ಷಿಸುವಂತಿಲ್ಲ. ಯಾವುದೇ ಲಾಜಿಕ್‌ ಇಲ್ಲದೇ, ಕಥೆಯ ಹಂಗಿಗೆ ಹೋಗದೇ ಇದ್ದರೆ ಒಂದು ಸಿನಿಮಾವನ್ನು ಎಷ್ಟು “ಸುಲಭ’ವಾಗಿ ಮಾಡಬಹುದೆಂಬುದಕ್ಕೆ “ತಾತನ ತಿಥಿ ಮೊಮ್ಮಗನ ಪ್ರಸ್ಥ’ ಒಂದು ಒಳ್ಳೆಯ ಉದಾಹರಣೆ ಎಂದರೆ ತಪ್ಪಿಲ್ಲ.

ಇಲ್ಲಿ ನಿರ್ದೇಶಕರು ಕೂಡಾ ಹೆಚ್ಚು ರಿಸ್ಕ್ ತಗೊಂಡಿಲ್ಲ. ಏಕೆಂದರೆ, ಸಿನಿಮಾ ನಿಂತಿರೋದು ಕಥೆ, ನಿರೂಪಣೆಗಿಂತ ಹೆಚ್ಚಾಗಿ ಡೈಲಾಗ್‌ ಮೇಲೆ ಎನ್ನಬಹುದು. ಆ ಜವಾಬ್ದಾರಿಯನ್ನು ಮಳವಳ್ಳಿ ಸಾಯಿಕೃಷ್ಣ ವಹಿಸಿಕೊಂಡಿದ್ದಾರೆ. ನಿರ್ದೇಶಕರ “ಕಲ್ಪನೆ’ಗೆ ತಕ್ಕಂತೆ ಅವರ ಸಂಭಾಷಣೆಗಳಿವೆ. ಚಿತ್ರದಲ್ಲಿ ನಟಿಸಿದ ಹಿರಿಯ ನಟರು ಕೂಡಾ “ಲೀಲಾಜಾಲ’ವಾಗಿ ಡಬಲ್‌ ಮೀನಿಂಗ್‌ ಡೈಲಾಗ್‌ಗಳನ್ನು ಹೇಳಿದ್ದಾರೆ. ಚಿತ್ರದಲ್ಲಿ ಬರುವ ಕೆಲವು ದೃಶ್ಯಗಳಿಗೆ ಅರ್ಥವಿಲ್ಲ. ಅವೆಲ್ಲದಕ್ಕೆ ಕತ್ತರಿ ಹಾಕುವ ಅವಕಾಶ ನಿರ್ದೇಶಕರಿಗಿತ್ತು.

ಚಿತ್ರದಲ್ಲಿ ಲೋಕಿ ನಾಯಕ. ಇಲ್ಲೇನು ಅವರು ನಟನೆಗೆ ಹೆಚ್ಚಿನ ಸ್ಕೋಪ್‌ ಇಲ್ಲ. ಕೊಟ್ಟ ಪಾತ್ರಕ್ಕೆ ನ್ಯಾಯ ಒದಗಿಸಲು ಪ್ರಯತ್ನಿಸಿದ್ದಾರೆ. ನಾಯಕಿ ಶುಭಾ ಪೂಂಜಾ ಮತ್ತೂಮ್ಮೆ ಮೈ ಚಳಿ ಬಿಟ್ಟು ನಟಿಸಿದ್ದಾರೆ. ಈ ಮೂಲಕ ಪಡ್ಡೆಗಳಿಗೆ ಇಷ್ಟವಾಗುತ್ತಾರೆ. ಉಳಿದಂತೆ ಓಂ ಪ್ರಕಾಶ್‌ ರಾವ್‌, ಮಳವಳ್ಳಿ ಸಾಯಿಕೃಷ್ಣ, ಶ್ರೀನಿವಾಸ್‌ ಮೂರ್ತಿ, ಪದ್ಮಾವಾಸಂತಿ, ಸೆಂಚುರಿ ಗೌಡ, ಗಡ್ಡಪ್ಪ, ತಮ್ಮಣ್ಣ ಚಿತ್ರದಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಶ್ರೀಧರ್‌ ಸಂಭ್ರಮ್‌ ಸಂಗೀತ ನೀಡಿದ್ದಾರೆ. 

ಚಿತ್ರ: ತಾತನ ತಿಥಿ ಮೊಮ್ಮಗನ ಪ್ರಸ್ಥ
ನಿರ್ಮಾಣ: ಮಧುಕುಮಾರ್‌, ಮಂಜುನಾಥ್‌
ನಿರ್ದೇಶನ: ಕೃಷ್ಣ ಚಂದ್ರ
ತಾರಾಗಣ: ಲೋಕಿ, ಶುಭಾ ಪೂಂಜಾ, ಸೆಂಚುರಿ ಗೌಡ, ಗಡ್ಡಪ್ಪ, ತಮ್ಮಣ್ಣ, ಓಂ ಪ್ರಕಾಶ್‌ ರಾವ್‌, ಮಳವಳ್ಳಿ ಸಾಯಿಕೃಷ್ಣ, ಶ್ರೀನಿವಾಸ್‌ ಮೂರ್ತಿ ಮತ್ತಿತರರು. 

* ರವಿಪ್ರಕಾಶ್‌ ರೈ

ಟಾಪ್ ನ್ಯೂಸ್

ಆಸ್ಟ್ರೇಲಿಯದ ಮೇಲೂ ಸವಾರಿ ಮಾಡಿದ ಭಾರತ

ಆಸ್ಟ್ರೇಲಿಯದ ಮೇಲೂ ಸವಾರಿ ಮಾಡಿದ ಭಾರತ

ಉತ್ತರಾಖಂಡ ಪ್ರವಾಹ : ರಾಜ್ಯದ 92 ಮಂದಿ ರಕ್ಷಣೆ, ಸಂಪರ್ಕ ಸಮಸ್ಯೆಯಿಂದ ಸಿಕ್ಕಿಲ್ಲ ನಾಲ್ವರು

ಉತ್ತರಾಖಂಡ ಪ್ರವಾಹ : ರಾಜ್ಯದ 92 ಮಂದಿ ರಕ್ಷಣೆ, ಸಂಪರ್ಕ ಸಮಸ್ಯೆಯಿಂದ ಸಿಕ್ಕಿಲ್ಲ ನಾಲ್ವರು

“ಉತ್ತರ’ದಲ್ಲಿ ಪ್ರವಾಹ ಪ್ರಯಾಸ  : ಇದುವರೆಗೆ 52 ಮಂದಿ ಸಾವು, ಐವರು ಕಣ್ಮರೆ

“ಉತ್ತರ’ದಲ್ಲಿ ಪ್ರವಾಹ ಪ್ರಯಾಸ  : ಇದುವರೆಗೆ 52 ಮಂದಿ ಸಾವು, ಐವರು ಕಣ್ಮರೆ

ಭಾರತದಲ್ಲಿ ಡ್ರೈವರ್‌ಲೆಸ್‌ ಬೈಕ್‌?!

ಭಾರತದಲ್ಲಿ ಡ್ರೈವರ್‌ಲೆಸ್‌ ಬೈಕ್‌?!

ಲಾಖೀಂಪುರ್‌ ತನಿಖೆ ಅಂತ್ಯವಿಲ್ಲದ ತನಿಖೆ ಆಗದಿರಲಿ : ಸರ್ಕಾರಕ್ಕೆ ಸುಪ್ರೀಂ ಕೋರ್ಟ್‌ ಸೂಚನೆ

ಲಾಖೀಂಪುರ್‌ ತನಿಖೆ ಅಂತ್ಯವಿಲ್ಲದ ತನಿಖೆ ಆಗದಿರಲಿ : ಸರ್ಕಾರಕ್ಕೆ ಸುಪ್ರೀಂ ಕೋರ್ಟ್‌ ಸೂಚನೆ

ಐಎಂಎಫ್ ತೊರೆಯಲಿರುವ ಗೀತಾ ಗೋಪಿನಾಥ್‌

ಐಎಂಎಫ್ ತೊರೆಯಲಿರುವ ಗೀತಾ ಗೋಪಿನಾಥ್‌

ಮೈತ್ರಿಗೆ ನಾವೂ ಸಿದ್ಧ: ಅಮರಿಂದರ್‌ ಸ್ನೇಹ ಪ್ರಸ್ತಾವನೆಗೆ ಸೈ ಎಂದ “ಕಮಲ’

ಮೈತ್ರಿಗೆ ನಾವೂ ಸಿದ್ಧ: ಅಮರಿಂದರ್‌ ಸ್ನೇಹ ಪ್ರಸ್ತಾವನೆಗೆ ಸೈ ಎಂದ “ಕಮಲ’





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

shrikrishna gmail com movie review

ಶ್ರೀಕೃಷ್ಣ ಅಟ್‌ ಜಿಮೇಲ್‌. ಕಾಂ ಚಿತ್ರ ವಿಮರ್ಶೆ: ಫ್ಯಾಮಿಲಿ ಟೈಮ್‌ ನಲ್ಲಿ ಕೃಷ್ಣ ಸುಂದರ ಯಾನ

ಭೂಗತ ಲೋಕದಲ್ಲಿ ‘ಸಲಗ’ ವಿಜಯ ದಶಮಿ!

ಭೂಗತ ಲೋಕದಲ್ಲಿ ‘ಸಲಗ’ ವಿಜಯ ದಶಮಿ!

kotigobba 3

ಕೋಟಿಗೊಬ್ಬ-3 ಚಿತ್ರ ವಿಮರ್ಶೆ: ಸತ್ಯ ಶೋಧನೆಯಲ್ಲಿ ದೊರೆತ ಶಿವ ಸಾಂಗತ್ಯ

ninna sanihake

‘ನಿನ್ನ ಸನಿಹಕೆ’ ಚಿತ್ರ ವಿಮರ್ಶೆ:  ಸಾಗುತ ದೂರ ಮತ್ತಷ್ಟು ಸನಿಹ!

‘ಕಾಗೆ ಮೊಟ್ಟೆ’ ಚಿತ್ರವಿಮರ್ಶೆ: ಕಾಗೆ ಗೂಡಲ್ಲೊಂದು ಕೃಷ್ಣನ್‌ ಲವ್‌ಸ್ಟೋರಿ

‘ಕಾಗೆ ಮೊಟ್ಟೆ’ ಚಿತ್ರವಿಮರ್ಶೆ: ಕಾಗೆ ಗೂಡಲ್ಲೊಂದು ಕೃಷ್ಣನ್‌ ಲವ್‌ಸ್ಟೋರಿ

MUST WATCH

udayavani youtube

ಗೂಟಿ ಕೃಷಿ ( air layering ) ಮಾಡುವ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ ನೋಡಿ

udayavani youtube

ಭಾರತ – ಪಾಕ್‌ ಟಿ20 ವಿಶ್ವಕಪ್‌ ಪಂದ್ಯ ರದ್ದಾಗದು

udayavani youtube

‘ಅಂಬಾರಿ’ಯಲ್ಲಿ ಕುಳಿತು ಅರಮನೆ ನಗರಿ ನೋಡಿ

udayavani youtube

ಹುಣಸೂರು : ಟಿಬೆಟ್ ಕ್ಯಾಂಪ್ ನೊಳಗೆ ನುಗ್ಗಿ ದಾಂದಲೆ ನಡೆಸಿದ ಒಂಟಿ ಸಲಗ

udayavani youtube

ಭತ್ತ ಕಟಾವು ಯಂತ್ರಕ್ಕೆ ಗಂಟೆಗೆ 2500ರೂ : ದುಬಾರಿ ಬಾಡಿಗೆಗೆ ಬೇಸತ್ತ ರೈತರು

ಹೊಸ ಸೇರ್ಪಡೆ

ನಮೀಬಿಯಾ ವಿಜಯ ಸಂಭ್ರಮ

ನಮೀಬಿಯಾ ವಿಜಯ ಸಂಭ್ರಮ

ಆಸ್ಟ್ರೇಲಿಯದ ಮೇಲೂ ಸವಾರಿ ಮಾಡಿದ ಭಾರತ

ಆಸ್ಟ್ರೇಲಿಯದ ಮೇಲೂ ಸವಾರಿ ಮಾಡಿದ ಭಾರತ

ಉತ್ತರಾಖಂಡ ಪ್ರವಾಹ : ರಾಜ್ಯದ 92 ಮಂದಿ ರಕ್ಷಣೆ, ಸಂಪರ್ಕ ಸಮಸ್ಯೆಯಿಂದ ಸಿಕ್ಕಿಲ್ಲ ನಾಲ್ವರು

ಉತ್ತರಾಖಂಡ ಪ್ರವಾಹ : ರಾಜ್ಯದ 92 ಮಂದಿ ರಕ್ಷಣೆ, ಸಂಪರ್ಕ ಸಮಸ್ಯೆಯಿಂದ ಸಿಕ್ಕಿಲ್ಲ ನಾಲ್ವರು

“ಉತ್ತರ’ದಲ್ಲಿ ಪ್ರವಾಹ ಪ್ರಯಾಸ  : ಇದುವರೆಗೆ 52 ಮಂದಿ ಸಾವು, ಐವರು ಕಣ್ಮರೆ

“ಉತ್ತರ’ದಲ್ಲಿ ಪ್ರವಾಹ ಪ್ರಯಾಸ  : ಇದುವರೆಗೆ 52 ಮಂದಿ ಸಾವು, ಐವರು ಕಣ್ಮರೆ

ಭಾರತದಲ್ಲಿ ಡ್ರೈವರ್‌ಲೆಸ್‌ ಬೈಕ್‌?!

ಭಾರತದಲ್ಲಿ ಡ್ರೈವರ್‌ಲೆಸ್‌ ಬೈಕ್‌?!

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.