ಲಾಕ್‌ಡೌನ್‌ ವೇಳೆ ನೆರವಾದ ಡೆಲಿವರಿ ಬಾಯ್‌ ಪ್ರತಿಮೆ ನಿರ್ಮಾಣ

Team Udayavani, Jul 6, 2020, 1:50 PM IST

ಮಾಸ್ಕೋ: ಲಾಕ್‌ಡೌನ್‌ ವೇಳೆ ಆಹಾರ ವಿತರಿಸಿದ ಡೆಲಿವರಿ ಬಾಯ್‌ಗಳ ಸೇವೆ ಸ್ಮರಿಸಿ ಸ್ಮಾರಕ ನಿರ್ಮಾಣ ಮಾಡಲಾಗಿದೆ.

ಮಾಸ್ಕೋ : ಲಾಕ್‌ಡೌನ್‌ ವೇಳೆ ವಿಶ್ವದ್ಯಾಂತ ಕೋಟ್ಯಾಂತರ ಮಂದಿ ಸಂಕಷ್ಟಕ್ಕೀಡಾಗಿದ್ದು, ಈ ವೇಳೆ ಸಾಕಷ್ಟು ಸಹೃದಯಿಗಳ ಹಲವಾರ ಕಷ್ಟಕ್ಕೆ ಮಿಡಿದಿದ್ದಾರೆ. ಇದೀಗ ಬಿಕ್ಕಟ್ಟಿನ ವೇಳೆ ನೆರವಾದ ಕೋವಿಡ್ ವಾರಿಯರ್ಸ್‌ಗಳಿಗೆ ಗೌರವ ಸಮರ್ಪಿಸುವ ಸಮಯವಾಗಿದ್ದು, ವಿಶ್ವಾದ್ಯಂತ ವಿಭಿನ್ನ ಮಾರ್ಗಗಳ ಮೂಲಕ ಅಭಿನಂದನೆ ಸಲ್ಲಿಸಲಾಗುತ್ತಿದೆ.

ಇದೇ ರೀತಿ ಲಾಕ್‌ಡೌನ್‌ ವೇಳೆ ಸಂಕಷ್ಟದಲ್ಲಿ ಸಿಲುಕಿದವರಿಗೆ ಆಹಾರ ವಿತರಿಸಿದವರನ್ನು ಸ್ಮರಿಸುವುದಕ್ಕಾಗಿ ರಷ್ಯಾದ ರಾಜಧಾನಿ ಮಾಸ್ಕೋದಲ್ಲಿ ಸ್ಮಾರಕವೊಂದನ್ನು ನಿರ್ಮಿಸಲಾಗಿದೆ.

ಮಾಸ್ಕೋದಲ್ಲಿ ನಿಷೇದಾಜ್ಞೆ ಜಾರಿ ಇದ್ದ ವೇಳೆ ಜನರ ಹಸಿವನ್ನು ನೀಗಿಸಿದ ಡೆಲಿವರಿ ಬಾಯ್‌ ಹೋಲುವ ಪ್ರತಿಮೆಯನ್ನು ನಿರ್ಮಾಣ ಮಾಡಲಾಗಿದ್ದು, ಶುಕ್ರವಾರ ಈ ವಿಶೇಷ ಸ್ಮಾರಕ ಅನಾವರಣಗೊಂಡಿದೆ. ಇದು ಲಾಕ್‌ಡೌನ್‌ ವೇಳೆ ಡೆಲಿವರಿ ಕ್ಷೇತ್ರದಲ್ಲಿ ಸೇವೆಗೈದವರ ಸ್ಮರಣೆಗಾಗಿ ಮಾಡಲಾಗಿದ್ದು, ಕಲಾವಿದ ಅಲೆಕ್ಸಿ ಗರಿಕೋವಿಚ್‌ ವಿನ್ಯಾಸಗೊಳಿಸಿದ್ದಾರೆ. ಇನ್ನು ಈ ಸ್ಮಾರಕ ಸುಮಾರು ಮೂರು ಮೀಟರ್‌ಎತ್ತರ ಹೊಂದಿದ್ದು, ಮನುಷ್ಯನ ರೂಪವಿದೆ.