ಕೋವಿಡ್ ಅಂಕಿಅಂಶ: ದೇಶದಲ್ಲಿ 69,921 ಹೊಸ ಪ್ರಕರಣ, 819 ಸಾವು, ಚೇತರಿಕೆ ಪ್ರಮಾಣ 76.62% !

Team Udayavani, Sep 1, 2020, 12:28 PM IST

ನವದೆಹಲಿ: ದೇಶದಲ್ಲಿ ಸತತವಾಗಿ ಕೋವಿಡ್ ಸೋಂಕಿತರ ಸಂಖ್ಯೆಯಲ್ಲಿ ಏರಿಕೆಯಾಗುತ್ತಿದ್ದು ಕಳೆದ 24 ಗಂಟೆಗಳಲ್ಲಿ 69,921 ಹೊಸ ಪ್ರಕರಣಗಳು ಪತ್ತೆಯಾಗಿದೆ. ಆ ಮೂಲಕ ಒಟ್ಟಾರೆ ಸೋಂಕಿತರ ಸಮಖ್ಯೆ 3.7 ಮಿಲಿಯನ್ ಗೆ ತಲುಪಿದೆ.

ಆರೋಗ್ಯ ಸಚಿವಾಲಯದ ವರದಿ ಪ್ರಕಾರ ದೇಶದಲ್ಲಿ ಸುಮಾರು 7,85,996 ಸಕ್ರೀಯ ಪ್ರಕರಣಗಳಿವೆ. ಸೋಂಕಿತರಲ್ಲಿ 28,39,88 ಜನರು ಈಗಾಗಲೇ ಗುಣಮುಖರಾಗಿದ್ದಾರೆ. ಕಳೆದ ಒಂದು ದಿನದಲ್ಲಿ 819 ಜನರು ಕೋವಿಡ್ ಗೆ ಪ್ರಾಣತ್ಯೆಜಿಸಿದ್ದು, ಆ ಮೂಲಕ ಮೃತರ ಸಂಖ್ಯೆ 65,288ಕ್ಕೆ ಏರಿಕೆಯಾಗಿದೆ.

ಆರೋಗ್ಯ ಸಚಿವಾಲಯದ ಅಂಕಿ ಅಂಶ ಪ್ರಕಾರ ಸೋಮವಾರ ಕೋವಿಡ್ ಚೇತರಿಕೆ ಪ್ರಮಾಣ 76.62%ನಷ್ಟಿದೆ. ಮೃತರ ಸಂಖ್ಯೆ 1.78% ಗೆ ಇಳಿಕೆಯಾಗಿದೆ.

ಕಳೆದ 8 ದಿನಗಳಲ್ಲಿ ಸುಮಾರು 5 ಲಕ್ಷ ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಅದಾಗ್ಯೂ ಹಲವು ರಾಜ್ಯಗಳಲ್ಲಿ ಸೊಕಿತರ ಸಂಖ್ಯೆ ದ್ವಿಗುಣಗೊಳ್ಳುತ್ತಿದೆ. ಉತ್ತರಪ್ರದೇಶ, ಜಾರ್ಖಂಡ್, ಚತ್ತಿಸ್ ಗಡ್, ಒಡಿಶಾ ಗಳಲ್ಲೂ ವೈರಾಣು ಪೀಡಿತರ ಸಂಖ್ಯೆ ದಾಖಲೆಯ ಪ್ರಮಾಣದಲ್ಲಿ ಏರಿಕೆಯಾಗುತ್ತಿದ್ದು ಸಕ್ರೀಯ ಪ್ರಕರಣಗಳು ಕೂಡ ಹೆಚ್ಚಿವೆ.