ದೇಶದಲ್ಲಿ 76,472 ಹೊಸ ಕೋವಿಡ್ ಪ್ರಕರಣ: ಸೊಂಕಿತರ ಸಂಖ್ಯೆ 3.46 ಮಿಲಿಯನ್ ಗೆ ಏರಿಕೆ

ಭಾರತದಲ್ಲಿ ಕಳೆದ ಮೂರು ದಿನಗಳಿಂದ ಸತತವಾಗಿ 75 ಸಾವಿರಕ್ಕಿಂತ ಹೆಚ್ಚು ಪ್ರಕರಣಗಳು ವರದಿಯಾಗುತ್ತಿದ್ದು, ಒಟ್ಟಾರೆ ಸೋಂಕಿತರ ಸಂಖ್ಯೆ 3.46 ಮಿಲಿಯನ್ ಗೆ ತಲುಪಿದೆ. ಇದೀಗ ದೇಶದಲ್ಲಿ ಒಟ್ಟು 7,52,424 ಸಕ್ರೀಯ ಪ್ರಕರಣಗಳಿದ್ದು, ಸುಮಾರು 2.6 ಮಿಲಿಯನ್ ಜನರು ಗುಣಮುಖರಾಗಿದ್ದಾರೆ.

ಸೊಂಕಿಗೆ ಬಲಿಯಾಗುತ್ತಿರುವವರ ಸಂಖ್ಯೆ ಕೂಡ ಏರಿಕೆಯಾಗುತ್ತಲೇ ಇದ್ದು ಒಟ್ಟಾರೆಯಾಗಿ 62,550 ಜನರು ಮೃತಪಟ್ಟಿದ್ದಾರೆ.

ಈ ಸಾಂಕ್ರಮಿಕ ರೋಗ ಮಹಾರಾಷ್ಟ್ರ, ಕರ್ನಾಟಕ, ತಮಿಳುನಾಡು ರಾಜ್ಯಗಳಲ್ಲಿ ಹೆಚ್ಚು ಪರಿಣಾಮ ಬೀರಿದ್ದು, ಮಹಾರಾಷ್ಟ್ರವೊಂದರಲ್ಲೇ 7,18,00 ಸೊಂಕಿತರು, 1,73,195 ಸಕ್ರೀಯ ಪ್ರಕರಣಗಳಿದ್ದು 23 ಸಾವಿರ ಜನರು ಪ್ರಾಣತ್ಯೆಜಿಸಿದ್ದಾರೆ.

ದೆಹಲಿ ಸೇರಿದಂತೆ ಹಲವೆಡೆ ಸೋಂಕಿತರ ಸಂಖ್ಯೆಯಲ್ಲಿ ಏಕಾಏಕಿ ಏರಿಕೆ ಕಂಡುಬಂದಿದ್ದು, ಸೊಂಕು ಪತ್ತೆ ಪರೀಕ್ಷೆ ಕೂಡ ಅತ್ಯಧಿಕವಾಗಿ ನಡೆಸಲಾಗುತ್ತಿದೆ. ಹೀಗಾಗಿ ಭಾರತದಲ್ಲಿ ವೈರಾಣು ಪೀಡಿತರ ಸಂಖ್ಯೆ ದ್ವಿಗುಣಗೊಳ್ಳುತ್ತಿದೆ ಎಮದು ಆರೋಗ್ಯ ಸಚಿವಾಲಯ ತಿಳಿಸಿದೆ.