ಹೂಡಿಕೆದಾರರು ಅತಂತ್ರ!: ಭಾರತದಲ್ಲಿ ಫ್ರಾಂಕ್ಲಿನ್ ಟೆಂಪಲ್ಟನ್ ನ 6 ಮ್ಯೂಚುವಲ್ ಫಂಡ್ ಬಂದ್
ಭಾರತದಲ್ಲಿನ ಆರು ಮ್ಯೂಚುವಲ್ ಫಂಡ್ ನಿಲ್ಲಿಸಿದ ಪರಿಣಾಮ ಹೂಡಿಕೆದಾರರ 30,800 ಕೋಟಿ ರೂಪಾಯಿ ಹಣ ಲಾಕ್
Team Udayavani, Apr 24, 2020, 2:06 PM IST
Representative Image
ವಾಷಿಂಗ್ಟನ್: ಅಮೆರಿಕ ಮೂಲದ ಫ್ರಾಂಕ್ಲಿನ್ ಟೆಂಪಲ್ಟನ್ ಮ್ಯೂಚುವಲ್ ಫಂಡ್ ಗುರುವಾರ ಅಧಿಕೃತವಾಗಿ ಘೋಷಿಸಿರುವ ಮಾಹಿತಿ ಪ್ರಕಾರ, ಏಪ್ರಿಲ್ 23ರಿಂದ ಅನ್ವಯವಾಗುವಂತೆ ಭಾರತದಲ್ಲಿನ ಆರು ಸ್ಥಿರ ಆದಾಯದ ಮ್ಯೂಚುವಲ್ ಫಂಡ್ ಯೋಜನೆಗಳನ್ನು ನಿಲ್ಲಿಸಿದೆ. ಇದಕ್ಕೆ ಕಾರಣ ಜಗತ್ತನ್ನೇ ಕಂಗೆಡಿಸಿರುವ ಕೋವಿಡ್ 19 ವೈರಸ್ ಎಂದು ಹೇಳಿದೆ. ಕೋವಿಡ್ ತಡೆಗಟ್ಟುವ ನಿಟ್ಟಿನಲ್ಲಿ ಜಾರಿಯಲ್ಲಿರುವ ಲಾಕ್ ಡೌನ್ ನಿಂದಾಗಿ ಮಾರುಕಟ್ಟೆಯ ತೀವ್ರ ಅಸ್ಥಿರತೆ ಮತ್ತು ಮ್ಯೂಚುವಲ್ ಫಂಡ್ ವಹಿವಾಟು ಇಲ್ಲದಿರುವುದು ದೊಡ್ಡ ಪರಿಣಾಮ ಬೀರಿದೆ ಎಂದು ತಿಳಿಸಿದೆ.
ಭಾರತದಲ್ಲಿನ ಆರು ಮ್ಯೂಚುವಲ್ ಫಂಡ್ ನಿಲ್ಲಿಸಿದ ಪರಿಣಾಮ ಹೂಡಿಕೆದಾರರ 30,800 ಕೋಟಿ ರೂಪಾಯಿ ಹಣ ಲಾಕ್ (ಹಿಂಪಡೆಯಲು ಅಸಾಧ್ಯ) ಆದಂತಾಗಿದೆ. ಮ್ಯೂಚುವಲ್ ಫಂಡ್ ಗಳ ಮಾರಾಟದ ಆಧಾರದ ಮೇಲೆ ಹೂಡಿಕೆದಾರರ ಹಣದ ಮೌಲ್ಯವನ್ನು ರಕ್ಷಿಸುವ ನಿಟ್ಟಿನಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಫ್ರಾಂಕ್ಲಿನ್ ಟೆಂಪಲ್ಟನ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಆರು ಮ್ಯೂಚುವಲ್ ಫಂಡ್ ಯೋಜನೆ ಬಂದ್:
1)ಫ್ರಾಂಕ್ಲಿನ್ ಇಂಡಿಯಾ ಲೋ ಡ್ಯುರೇಷನ್ ಫಂಡ್
2)ಫ್ರಾಂಕ್ಲಿನ್ ಇಂಡಿಯಾ ಡೈನಾಮಿಕ್ ಆ್ಯಕ್ಯುರಲ್ ಫಂಡ್
3)ಫ್ರಾಂಕ್ಲಿನ್ ಇಂಡಿಯಾ ಕ್ರೆಡಿಟ್ ರಿಸ್ಕ್ ಫಂಡ್
4)ಫ್ರಾಂಕ್ಲಿನ್ ಇಂಡಿಯಾ ಶಾರ್ಟ್ ಟರ್ಮ್ ಇನ್ ಕಮ್ ಪ್ಲ್ಯಾನ್
5)ಫ್ರಾಂಕ್ಲಿನ್ ಇಂಡಿಯಾ ಆಲ್ಟ್ರಾ ಶಾರ್ಟ್ ಬಾಂಡ್ ಫಂಡ್
6)ಫ್ರಾಂಕ್ಲಿನ್ ಇಂಡಿಯಾ ಇನ್ ಕಂ ಅಪಾರ್ಚುನಿಟೀಸ್ ಫಂಡ್
ಈ ಆರು ಯೋಜನೆ ನಿಲ್ಲಿಸಿದ ಪರಿಣಾಮ ಹೂಡಿಕೆದಾರರಿಗೆ ಹೂಡಿಕೆ ಮಾಡಲು ಅವಕಾಶ ಇಲ್ಲದಂತಾಗಿದೆ. ಲಾಕ್ ಡೌನ್ ಬಿಕ್ಕಟ್ಟಿನಿಂದಾಗಿ ಮ್ಯೂಚುವಲ್ ಫಂಡ್ ಮಾರುವ ಮತ್ತು ಕೊಳ್ಳುವ ಸೌಲಭ್ಯ ನಿಲ್ಲಿಸಲಾಗಿದೆ. ಏಪ್ರಿಲ್ 24ರಿಂದ ಮ್ಯೂಚುವಲ್ ಫಂಡ್ ಗಳ ಕರೀದಿ, ಇಕ್ವಿಟಿ ಯೋಜನೆಗಳ ವರ್ಗಾವಣೆಗೆ ಅವಕಾಶ ಇಲ್ಲ ಎಂದು ಫ್ರಾಂಕ್ಲಿನ್ ಟೆಂಪಲ್ಟನ್ ಸ್ಪಷ್ಟಪಡಿಸಿದೆ. ಇದರಿಂದಾಗಿ ಹೂಡಿಕೆದಾರರ ಹಣ ಕೈಸೇರುವ ಅವಕಾಶ ಕೂಡಾ ತಪ್ಪಿ ಹೋದಂತಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Gadaga: ಒಂದೇ ಕುಟುಂಬದ ನಾಲ್ವರ ಭೀಕರ ಹತ್ಯೆ; ದುಷ್ಕರ್ಮಿಗಳು ಪರಾರಿ
Polls: ಇಂದು 102 ಕ್ಷೇತ್ರಗಳಲ್ಲಿ ಮೊದಲ ಹಂತದ ಮತದಾನ, ಮತದಾರರ ಕೈಯಲ್ಲಿ ಅಭ್ಯರ್ಥಿಗಳ ಭವಿಷ್ಯ
Hunsur: ನಾಗರಹೊಳೆಯಲ್ಲಿ ದುಷ್ಕರ್ಮಿಗಳ ಗುಂಡೇಟಿಗೆ ಕಾಡುಕೋಣ ಬಲಿ
Daily Horoscope: ಉದ್ಯೋಗದಲ್ಲಿ ಪ್ರತಿಭೆಗೆ ಗೌರವ, ದೇವತಾರಾಧನೆಯ ಮೂಲಕ ವಿಘ್ನ ನಿವಾರಣೆ
Srirangapatna: ಐಸ್ ಕ್ರೀಂನಲ್ಲಿ ವಿಷ ಬೆರೆಸಿ ಮಕ್ಕಳ ಕೊಂದ ತಾಯಿ