ಸಾಯುವ ಮುನ್ನವೇ ಸ್ಮಶಾನ ಸಿದ್ಧ!

ಸೋಮವಾರ ಒಂದೇ ದಿನ ಐವರು ಸಾವು | ಜಿಲ್ಲಾ ಕೇಂದ್ರವೇ ಸೇಫಾಗಿಲ್ಲ | ನವನಗರದಲ್ಲಿ ಹೆಚ್ಚುತ್ತಿರುವ ಸೋಂಕಿತರು

Team Udayavani, May 4, 2021, 5:59 PM IST

gjtuturt

ವರದಿ:­ಶ್ರೀಶೈಲ ಕೆ. ಬಿರಾದಾರ

ಬಾಗಲಕೋಟೆ: ಕೊರೊನಾ 2ನೇ ಅಲೆ ಹಲವರ ಬದುಕಿಗೆ ನಿತ್ಯ ಬರೆ ಇಡುತ್ತಿದೆ. ಜಿಲ್ಲಾ ಕೇಂದ್ರವಾದ ಬಾಗಲಕೋಟೆಯೇ ಸೇಫಾಗಿಲ್ಲ ಎಂಬ ಮಾತು ಕೇಳಿ ಬರುತ್ತಿದ್ದು, ಜಿಲ್ಲೆಯ ಎಲ್ಲ ತಾಲೂಕು ಹೋಲಿಸಿದರೆ ಬಾಗಲಕೋಟೆ ತಾಲೂಕಿನಲ್ಲಿ ನಿತ್ಯವೂ ಸೋಂಕಿತರ ಸಂಖ್ಯೆ ದ್ವಿಶತಕ ದಾಟುತ್ತಿದೆ.

ಹೌದು, ಕೊರೊನಾ ಕಠಿಣ ಕಪ್ಯೂì ಜಾರಿಗೊಳಿಸಿದರೆ ಜನರು ಮಾತ್ರ ಎಚ್ಚೆತ್ತುಕೊಳ್ಳುತ್ತಿಲ್ಲ. ಇಲ್ಲದ ಕಾರಣ ಹೇಳಿ ರಸ್ತೆಯಲ್ಲಿ ತಿರುಗಾಟ ನಿಲ್ಲಿಸಿಲ್ಲ. ಅಗತ್ಯ ಇದ್ದವರೂ ಅಂತಹ ವ್ಯಕ್ತಿಗಳಿಂದ ಕಿರಿಕಿರಿ ಅನುಭವಿಸುತ್ತಿದ್ದಾರೆ. ಇದೆಲ್ಲದರ ಮಧ್ಯೆ ನವನಗರದಲ್ಲಿ ಸೋಂಕಿತರು ದಿನೇ ದಿನೇ ಹೆಚ್ಚುತ್ತಿದ್ದಾರೆ. ಸಾವು-ನೋವುಗಳೂ ಹೆಚ್ಚುತ್ತಿವೆ.

ರ್ಯಾಪಿಡ್‌ ಮತ್ತು ಆರ್‌ಟಿಪಿಆರ್‌ ಪರೀಕ್ಷೆಯಲ್ಲಿ ಪಾಸಿಟಿವ್‌ ಬಂದು, ಅವರು ಮೃತಪಟ್ಟರೆ ಮಾತ್ರ ಕೊರೊನಾದಿಂದ ಸಾವು ಎಂದು ಪರಿಗಣಿಸಲಾಗುತ್ತಿದೆ. ತೀವ್ರ ಉಸಿರಾಟ ಸಮಸ್ಯೆ, ಕೆಮ್ಮು, ನೆಗಡಿ, ಜ್ವರ ಅಥವಾ ಸಿಟಿ ಸ್ಕಾÂ ನ್‌ನಲ್ಲಿ ಪಾಸಿಟಿವ್‌ ಬಂದು ಮೃತಪಟ್ಟರೆ ಅವರ ಲೆಕ್ಕವನ್ನು ಕೊರೊನಾ ಸಾವು ಗುಂಪಿಗೆ ಸೇರುತ್ತಿಲ್ಲ. ಜಿಲ್ಲೆಯ ಸುಮಾರು 24 ಖಾಸಗಿ ಆಸ್ಪತ್ರೆಗಳಲ್ಲಿ ಕೊರೊನಾ ಚಿಕಿತ್ಸೆ ಲಭ್ಯವಿದ್ದು, ಈ ಆಸ್ಪತ್ರೆಗಳಲ್ಲಿ ನಿತ್ಯವೂ 2ರಿಂದ ಮೂವರು ಮೃತಪಡುತ್ತಿದ್ದಾರೆ. ಆ ಲೆಕ್ಕವನ್ನು ಪರಿಗಣಿಸುತ್ತಿಲ್ಲ ಎನ್ನಲಾಗಿದೆ.

ಜಿಲ್ಲಾ ಕೋವಿಡ್‌ ಆಸ್ಪತ್ರೆ ಹಾಗೂ ನಗರದ ಪ್ರಮುಖ ಖಾಸಗಿ ಕೋವಿಡ್‌ ಆಸ್ಪತ್ರೆಯ ಆವರಣಗಳಂತೂ ಭಯಾನಕ ಸ್ಥಿತಿಯಲ್ಲಿವೆ. ಸೋಂಕಿತರು ಆಸ್ಪತ್ರೆಯ ಒಳಗಿದ್ದರೆ, ಆಸ್ಪತ್ರೆಯ ಹೊರಗೆ ಸೋಂಕಿತರ ಕಡೆಯವರ ಗೋಳು-ನೋವು-ದುಃಖ ನೋಡಲಾಗದ ಸ್ಥಿತಿ ತಲುಪಿದೆ. ಸೋಂಕಿತರು ಪರದಾಡುತ್ತಿದ್ದರೆ, ಅತ್ತ ಜಿಲ್ಲಾ ಆಸ್ಪತ್ರೆಯ ಸಿಬ್ಬಂದಿ, ಕೆಲ ಖಾಸಗಿ ಆಸ್ಪತ್ರೆಯ ಸಿಬ್ಬಂದಿ ಮಾನವೀಯತೆ ಎಂಬುದು ಮರೆತು ಹಣ ಗಳಿಸುವ ಜಾಲದಲ್ಲಿ ತೊಡಗಿರುವುದೂ ಸೋಮವಾರ ಪತ್ತೆಯಾಗಿದೆ.

ರೆಮ್‌ಡಿಸಿವಿಯರ್‌ ಚುಚ್ಚು ಮದ್ದನ್ನು 18ರಿಂದ 25 ಸಾವಿರಕ್ಕೆ ಕಾಳ ಸಂತೆಯಲ್ಲಿ ಮಾರಾಟ ಮಾಡುತ್ತಿದ್ದ ವೇಳೆ 11 ಜನ ಸಿಕ್ಕು ಬಿದ್ದಿದ್ದಾರೆ. ಇಂತಹ ಕೊರೊನಾ ಕರಾಳ ದಿನಗಳಲ್ಲೂ ಹಣ ಮಾಡುವ ದಂಧೆಯಲ್ಲಿ ತೊಡಗಿದವರನ್ನು ದೇವರು ಸುಮ್ಮನೆ ಬಿಡ್ತಾನಾ ಎಂಬುದು ಕೆಲವರ ಆಕ್ರೋಶ. ತಿರುಗಾಟ ನಿಲ್ಲಲಿ: ಜಿಲ್ಲಾ ಕೇಂದ್ರವಾದ ಬಾಗಲಕೋಟೆಯ ವಿದ್ಯಾಗಿರಿ ಹಾಗೂ ನವನಗರದಲ್ಲಿ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿದೆ. ಇದಕ್ಕೆ ನಿಖರ ಕಾರಣ, ನಿಯಂತ್ರಣಕ್ಕೆ ಆರೋಗ್ಯ ಇಲಾಖೆ ಕೂಡ ಗಂಭೀರತೆಯಿಂದ ಕೆಲಸ ಮಾಡುತ್ತಿಲ್ಲ ಎಂಬ ಆರೋಪ ಕೇಳಿ ಬಂದಿದೆ. ಇಷ್ಟೆಲ್ಲ ಆದರೂ, ನವನಗರ, ವಿದ್ಯಾಗಿರಿಯಲ್ಲಿ ಜನರ ಓಡಾಟ ನಿಂತಿಲ್ಲ. ಪೊಲೀಸರು ಕೈಮುಗಿದು ಕೇಳಿಕೊಂಡರೂ ಪ್ರಭಾವಿಗಳಿಂದ ಕರೆ ಮಾಡಿಸಿ, ಇಲ್ಲವೋ ಆಸ್ಪತ್ರೆ, ಔಷಧ ತರುವ ನೆಪ ಹೇಳಿ ತಿರುಗಾಡುವ ಪ್ರಯತ್ನ ನಡೆಯುತ್ತಿವೆ.

ಖಾಸಗಿ ಹಾಗೂ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಲ್ಲಿ ಸಾವುಗಳ ಸಂಖ್ಯೆಯೂ ಹೆಚ್ಚುತ್ತಿದ್ದು, ಒಂದು ವರ್ಷಗಳ ಕಾಲ ಕೊರೊನಾ ಮೊದಲ ಅಲೆಗೆ (2020ರ ಏಪ್ರಿಲ್‌ನಿಂದ ನವ್ಹೆಂಬರ್‌ ವರೆಗೆ) 136 ಜನರು ಮೃತಪಟ್ಟಿದ್ದರು. ಆದರೆ, 2ನೇ ಅಲೆ ಕಳೆದ ಮಾರ್ಚ್‌ ಮೊದಲ ವಾರದಿಂದ ಜಿಲ್ಲೆಗೆ ಕಾಲಿಟ್ಟಿದ್ದು, ಇಲ್ಲಿಯವರೆಗೆ ಎರಡು ತಿಂಗಳಲ್ಲಿ 22 ಜನರು ಬಲಿಯಾಗಿದ್ದಾರೆ. ಸೋಮವಾರ ಒಂದೇ ದಿನ 5 ಜನ ಮೃತಪಟ್ಟಿದ್ದಾರೆ. 73 ವರ್ಷದ ಪುರುಷ, 63 ವರ್ಷ ಮಹಿಳೆ, 55 ವರ್ಷದ ಮಹಿಳೆ, 36 ಮತ್ತು 50 ವರ್ಷದ ಪುರುಷರು ಸೇರಿ ಒಟ್ಟು ಐದು ಜನರು ಸೋಮವಾರ ಖಾಸಗಿ ಹಾಗೂ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ.

ಸಾಯುವ ಮುನ್ನ ಸ್ಮಶಾನ ಸಿದ್ಧ: ಸೋಂಕಿನಿಂದ ನಿತ್ಯ ಸಾವನ್ನಪ್ಪುವವರ ಸಂಖ್ಯೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಅಂತ್ಯಕ್ರಿಯೆಗೆ ನಿಯೋಜನೆಗೊಂಡ ಕೋವಿಡ್‌ ಆಸ್ಪತ್ರೆ ಹಾಗೂ ನಗರಸಭೆಯ ಸಿಬ್ಬಂದಿ, ಭೀತಿಯಲ್ಲೇ ಅಂತ್ಯಕ್ರಿಯೆ ನೆರವೇರಿಸುತ್ತಿದ್ದಾರೆ. ನಗರದ ಶಿರೂರ ರೇಲ್ವೆ ಗೇಟ್‌ ಬಳಿ ಇರುವ ಸ್ಮಶಾನದಲ್ಲಿ ನಿತ್ಯವೂ 5ರಿಂದ 10 ಗುಂಡಿಗಳನ್ನು ಮುಂಚಿತವಾಗಿಯೇ ತೋಡಿ ಇಡಲಾಗುತ್ತಿದೆ. ಸೋಮವಾರ ಜಿಲ್ಲಾಡಳಿತದ ಲೆಕ್ಕಕ್ಕೆ ಐವರು ಮೃತಪಟ್ಟಿದ್ದು, ಸ್ಮಶಾನದಲ್ಲಿ ಏಳು ಗುಂಡಿ ತೋಡಲಾಗಿತ್ತು. ಮಧ್ಯಾಹ್ನದಿಂದ ಸಂಜೆಯವರೆಗೂ ನಗರಸಭೆಯ ಜೆಸಿಬಿ ಯಂತ್ರ, ಸ್ಮಶಾನದಲ್ಲಿ ಗುಂಡಿ ತೋಡುವ ಕಾರ್ಯದಲ್ಲಿ ತೊಡಗಿತ್ತು.

ಟಾಪ್ ನ್ಯೂಸ್

ಬಿಡುಗಡೆ ಭರಾಟೆ ಜೋರು: ಜುಲೈ 8ಕ್ಕೆ 9 ಚಿತ್ರಗಳು ತೆರೆಗೆ

ಬಿಡುಗಡೆ ಭರಾಟೆ ಜೋರು: ಜುಲೈ 8ಕ್ಕೆ 9 ಚಿತ್ರಗಳು ತೆರೆಗೆ

ಜುಲೈ 8ರಂದು ತೆರೆಗೆ; ವಿಕ್ರಂ ಪ್ರಭು ಕನಸಿನ ಕೂಸು ‘ವೆಡ್ಡಿಂಗ್ ಗಿಫ್ಟ್’

ಜುಲೈ 8ರಂದು ತೆರೆಗೆ; ವಿಕ್ರಂ ಪ್ರಭು ಕನಸಿನ ಕೂಸು ‘ವೆಡ್ಡಿಂಗ್ ಗಿಫ್ಟ್’

ಸಿ.ಟಿ.ರವಿ

ಬಿಜೆಪಿ ಬೆಳವಣಿಗೆ ಜಾತಿವಾದಿ ತುಷ್ಟೀಕರಣ ವಾದಕ್ಕೆ ಕೊಡಲಿ ಪೆಟ್ಟು ಕೊಟ್ಟಿದೆ: ಸಿ.ಟಿ.ರವಿ

6death

ಬೈರಂಪಳ್ಳಿ: ಹೊಲದಲ್ಲಿ ಕೆಲಸ ಮಾಡುವಾಗ ಜಾರಿ ಬಿದ್ದು ಯುವ ಕೃಷಿಕ ಸಾವು

ಮಹಾರಾಷ್ಟ್ರದಲ್ಲಿ ಶಿಂಧೆ ದರ್ಬಾರ್ ಶುರು: ವಿಶ್ವಾಸಮತ ಗೆದ್ದ ಮುಖ್ಯಮಂತ್ರಿ ಏಕನಾಥ ಶಿಂಧೆ

ಮಹಾರಾಷ್ಟ್ರದಲ್ಲಿ ಶಿಂಧೆ ದರ್ಬಾರ್ ಶುರು: ವಿಶ್ವಾಸಮತ ಗೆದ್ದ ಮುಖ್ಯಮಂತ್ರಿ ಏಕನಾಥ ಶಿಂಧೆ

ಎರಡು ತಿಂಗಳ ನಂತರ ನನ್ನ ಮುಂದಿನ ರಾಜಕೀಯ ತೀರ್ಮಾನ: ಜಿಟಿ ದೇವೇಗೌಡ

ಎರಡು ತಿಂಗಳ ನಂತರ ನನ್ನ ಮುಂದಿನ ರಾಜಕೀಯ ತೀರ್ಮಾನ: ಜಿಟಿ ದೇವೇಗೌಡ

4road1

ಚಾರ್ಮಾಡಿ ಘಾಟ್‌ನಲ್ಲಿ ಮುಂದುವರೆದ ಪ್ರವಾಸಿಗರ ಪುಂಡಾಟ: ರಸ್ತೆ ಮಧ್ಯೆಯೇ ಮೋಜು ಮಸ್ತಿ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಸರ್ಕಾರ ನೇಕಾರರನ್ನು ಕಡೆಗಣಿಸುತ್ತಿದೆ : ಶಿವಲಿಂಗ ಟಿರಕಿ

ಸರ್ಕಾರ ನೇಕಾರರನ್ನು ಕಡೆಗಣಿಸುತ್ತಿದೆ : ಶಿವಲಿಂಗ ಟಿರಕಿ

1-fdsf-dsf

ರಬಕವಿ-ಬನಹಟ್ಟಿ:ಕಾಣೆಯಾದ ವಕೀಲ ಶವವಾಗಿ ಪತ್ತೆ

ನಂದಿನಿ ಉತ್ಪನ್ನ ಖರೀದಿಯಿಂದ ಹೈನುಗಾರಿಕೆಗೆ ಉತ್ತೇಜನ

ನಂದಿನಿ ಉತ್ಪನ್ನ ಖರೀದಿಯಿಂದ ಹೈನುಗಾರಿಕೆಗೆ ಉತ್ತೇಜನ

ಆಯುರ್ವೇದದಿಂದ ನೆಮ್ಮದಿ ಜೀವನ; ಡಾ| ಶಿವಾನಂದ

ಆಯುರ್ವೇದದಿಂದ ನೆಮ್ಮದಿ ಜೀವನ; ಡಾ| ಶಿವಾನಂದ

1-aa

ಚಿಮ್ಮನಕಟ್ಟಿ: ನಲ್ಲಿ ನೀರಲ್ಲಿ ಕಲುಷಿತ ನೀರು ; 20ಕ್ಕೂ ಹೆಚ್ಚು ಜನ ಆಸ್ಪತ್ರೆಗೆ

MUST WATCH

udayavani youtube

ಇಬ್ಬರು ಶಸ್ತ್ರ ಸಜ್ಜಿತ ಲಷ್ಕರ್ ಉಗ್ರರನ್ನು ಹಿಡಿದು ಕೊಟ್ಟ ಕಾಶ್ಮೀರದ ಗ್ರಾಮಸ್ಥರು

udayavani youtube

ಜಿಂಕೆಯನ್ನು ನುಂಗಿದ್ದ 80 ಕೆ.ಜಿ. ತೂಕದ 14 ಅಡಿ ಉದ್ದದ ಹೆಬ್ಬಾವು!

udayavani youtube

ವಿಟ್ಲದ ಈ ವಿದ್ಯಾರ್ಥಿನಿಯ ಕಾರ್ಯಕ್ಕೊಂದು ಮೆಚ್ಚುಗೆ ಇರಲಿ…

udayavani youtube

ಕೊಪ್ಪಳ : ರೌಡಿಶೀಟರ್ ಗಳಿಗೆ ಖಡಕ್ ವಾರ್ನಿಂಗ್ ನೀಡಿದ ಎಸ್ಪಿ

udayavani youtube

ಮದ್ರಸಾದಿಂದ ಮನೆಗೆ ಬರುತ್ತಿದ್ದ ವಿದ್ಯಾರ್ಥಿ ಮೇಲೆ ಹಲ್ಲೆ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್…

ಹೊಸ ಸೇರ್ಪಡೆ

ಬಿಡುಗಡೆ ಭರಾಟೆ ಜೋರು: ಜುಲೈ 8ಕ್ಕೆ 9 ಚಿತ್ರಗಳು ತೆರೆಗೆ

ಬಿಡುಗಡೆ ಭರಾಟೆ ಜೋರು: ಜುಲೈ 8ಕ್ಕೆ 9 ಚಿತ್ರಗಳು ತೆರೆಗೆ

7road

ರಸ್ತೆಗೆ ತಗ್ಗು-ಗುಂಡಿ ತೋಡಿ ಮುಳ್ಳು ಬಡಿತ!

4

ಸುತ್ತ ನದಿ ಇದ್ದರೂ ಕುಡಿಯುವ ನೀರಿನದ್ದೇ ಚಿಂತೆ!

ಜುಲೈ 8ರಂದು ತೆರೆಗೆ; ವಿಕ್ರಂ ಪ್ರಭು ಕನಸಿನ ಕೂಸು ‘ವೆಡ್ಡಿಂಗ್ ಗಿಫ್ಟ್’

ಜುಲೈ 8ರಂದು ತೆರೆಗೆ; ವಿಕ್ರಂ ಪ್ರಭು ಕನಸಿನ ಕೂಸು ‘ವೆಡ್ಡಿಂಗ್ ಗಿಫ್ಟ್’

ಸಿ.ಟಿ.ರವಿ

ಬಿಜೆಪಿ ಬೆಳವಣಿಗೆ ಜಾತಿವಾದಿ ತುಷ್ಟೀಕರಣ ವಾದಕ್ಕೆ ಕೊಡಲಿ ಪೆಟ್ಟು ಕೊಟ್ಟಿದೆ: ಸಿ.ಟಿ.ರವಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.