ರೈತರ ಠೇವಣಿಯೇ 30 ಸಾವಿರ ಕೋಟಿ


Team Udayavani, Sep 25, 2018, 6:00 AM IST

rupees-2000-500.jpg

ಬೆಂಗಳೂರು: ರಾಜ್ಯದ 21 ಜಿಲ್ಲಾ ಸಹಕಾರ ಬ್ಯಾಂಕ್‌ಗಳಲ್ಲಿ 21 ಸಾವಿರ ಕೋಟಿ ಹಾಗೂ ಅಪೆಕ್ಸ್‌ ಬ್ಯಾಂಕ್‌ನಲ್ಲಿ 8 ಸಾವಿರ ಕೋಟಿ ರೈತರು ಠೇವಣಿ ಇಟ್ಟಿದ್ದು  ಬೆಳಗಾವಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಅತಿ ಹೆಚ್ಚು ಠೇವಣಿ ಹಾಗೂ ಚಿತ್ರದುರ್ಗ, ಕಲಬುರಗಿ, ಕೋಲಾರ ಜಿಲ್ಲಾ ಬ್ಯಾಂಕ್‌ಗಳಲ್ಲಿ ಕಡಿಮೆ ಠೇವಣಿ ಇಡಲಾಗಿದೆ.

ಜಿಲ್ಲಾ ಸಹಕಾರ ಬ್ಯಾಂಕುಗಳು ಹಾಗೂ ಅಪೆಕ್ಸ್‌ ಬ್ಯಾಂಕ್‌ಗಳಲ್ಲಿ ಠೇವಣಿ ಇಟ್ಟವರಷ್ಟೇ ಅಲ್ಲದೇ ಅನೇಕ ರೈತರು ರಾಷ್ಟ್ರೀಕೃತ ಬ್ಯಾಂಕ್‌ಗಳಲ್ಲಿಯೂ ಸಾಕಷ್ಟು ಠೇವಣಿ ಇಟ್ಟಿದ್ದಾರೆ. ಹೀಗಾಗಿ, ಸಹಕಾರ ಸಂಘ ಹಾಗೂ ಬ್ಯಾಂಕುಗಳಲ್ಲಿ ಠೇವಣಿ ಇಟ್ಟವರಿಗೆ ಸಾಲಮನ್ನಾ ಅನ್ವಯ ಆಗುವುದಿಲ್ಲ ಎಂಬ ಷರತ್ತು ಸರ್ಕಾರ ಸಡಿಲಿಸದಿದ್ದರೆ ಸುಮಾರು 20 ಲಕ್ಷ ರೈತರು ಸಾಲಮನ್ನಾದಿಂದ ವಂಚಿತರಾಗುತ್ತಿದ್ದರು.

ಅಷ್ಟೇ ಅಲ್ಲದೆ ರೈತರು ಸಹಕಾರ ಸಂಘ ಮತ್ತು ಬ್ಯಾಂಕುಗಳಲ್ಲಿ ಇಟ್ಟಿದ್ದ ಠೇವಣಿ ವಾಪಸ್‌ ಪಡೆಯುವುದು ಹೆಚ್ಚಾಗುತ್ತಿತ್ತು. 2018 ರ ಮಾರ್ಚ್‌ 31 ರಿಂದ ಜೂನ್‌ 30 ರ ವರೆಗೆ ಮೂರು ತಿಂಗಳಲ್ಲಿ ಡಿಸಿಸಿ ಬ್ಯಾಂಕ್‌ಗಳಲ್ಲಿ 310 ಕೋಟಿ ರೂಪಾಯಿ ಠೇವಣಿ ಕಡಿಮೆಯಾಗಿದೆ. ಇದೇ ಅವಧಿಯಲ್ಲಿ ಅಪೆಕ್ಸ್‌ ಬ್ಯಾಂಕ್‌ನಲ್ಲಿ 953 ಕೋಟಿ ರೂಪಾಯಿ ಠೇವಣಿ ವಾಪಸ್‌ ತೆಗೆಯಲಾಗಿದೆ.

ಆಗಸ್ಟ್‌ 9 ರಂದು ನಡೆದ ಸಚಿವ ಸಂಪುಟ ಸಭೆಯಲ್ಲಿ ಸಾಲಮನ್ನಾ ವ್ಯಾಪ್ತಿಗೊಳಪಡಲು ರೈತರಿಗೆ ಸುಮಾರು 10 ಷರತ್ತುಗಳನ್ನು ಹಾಕಲಾಗಿತ್ತು. ಈ ಬಗ್ಗೆ ಆಗಸ್ಟ್‌ 14 ರಂದು ಸರ್ಕಾರ ಅಧಿಕೃತ ಆದೇಶ ಹೊರಡಿಸಿ ಸಾಧ್ಯವಾದಷ್ಟು ರೈತರನ್ನು ಸಾಲ ಮನ್ನಾ ಯೋಜನೆಯಿಂದ ಹೊರಗಿಡಲು ತಾಂತ್ರಿಕ ಕಾರಣಗಳನ್ನು ನೀಡಿ ಷರತ್ತುಗಳನ್ನು ಹಾಕುವ ಜಾಣತನ ತೋರಿತ್ತು. ರಾಜ್ಯ ಸರ್ಕಾರದ ಠೇವಣಿ ಇಟ್ಟವರಿಗೆ ಮನ್ನಾ ಇಲ್ಲ ಎಂಬ ಷರತ್ತು ಶೇ. 90 ರಷ್ಟು ರೈತರನ್ನು ಯೋಜನೆಯಿಂದಲೇ ದೂರ ಇಡುವಂತಾಗಿತ್ತು.

“ಉದಯವಾಣಿ’ಗೆ ದೊರೆತ ಮಾಹಿತಿ ಪ್ರಕಾರ 2018 ರ ಜೂನ್‌ ವರೆಗೆ ರಾಜ್ಯದ 21 ಜಿಲ್ಲಾ ಸಹಕಾರ ಬ್ಯಾಂಕ್‌ಗಳಲ್ಲಿ ರೈತರು 21,764 ಕೋಟಿ ರೂಪಾಯಿ ಠೇವಣಿ ಇಟ್ಟಿದ್ದಾರೆ. ಅಲ್ಲದೇ ಅಪೆಕ್ಸ್‌ ನಲ್ಲಿಯೂ 8198 ಕೋಟಿ ರೂಪಾಯಿ ರೈತರು ಠೇವಣಿ ಇಟ್ಟಿದ್ದಾರೆ. ಕೃಷಿ ಪತ್ತಿನ ಸಹಕಾರ ಸಂಘಗಳ ಹೊರತಾಗಿಯೂ ಸುಮಾರು 29,962 ಕೋಟಿ ರೂಪಾಯಿ ಸಹಕಾರ ಬ್ಯಾಂಕ್‌ಗಳಲ್ಲಿಯೇ ರೈತರು ಠೇವಣಿ ಇಟ್ಟಿದ್ದಾರೆ. ಜೂ.30ರ ವರೆಗೆ ಠೇವಣಿ ಇಟ್ಟವರ ಮಾಹಿತಿಯೂ ಸಿಕ್ಕಿದೆ.

ಡಿಸಿಸಿ ಬ್ಯಾಂಕುಗಳಲ್ಲಿನ ರೈತರ ಠೇವಣಿ ವಿವರ
ಜಿಲ್ಲೆಗಳು                    ಠೇವಣಿ ಹಣ(ಕೋಟಿಗಳಲ್ಲಿ)

ಬಾಗಲಕೋಟೆ                 1932
ಬೆಳಗಾವಿ                       3065
ಬಳ್ಳಾರಿ                          810
ಬೆಂಗಳೂರು                    574
ಬೀದರ್‌                         1317
ವಿಜಯಪುರ                    1695
ಚಿಕ್ಕಮಗಳೂರು                590
ಚಿತ್ರದುರ್ಗ                      178
ದಾವಣಗೆರೆ                     226
ಧಾರವಾಡ                     485
ಕಲಬುರಗಿ                     180
ಹಾಸನ                         774
ಕೊಡಗು                        769
ಕೋಲಾರ                     181
ಮಂಡ್ಯ                        993
ಮೈಸೂರು                    406
ರಾಯಚೂರು                 535
ಶಿವಮೊಗ್ಗ                     683
ದಕ್ಷಿಣ ಕನ್ನಡ                 3,534
ಉತ್ತರ ಕನ್ನಡ               2028
ತುಮಕೂರು                 820

ಸರ್ಕಾರ ಠೇವಣಿ ಷರತ್ತು ವಾಪಸ್‌ ತೆಗೆದುಕೊಂಡಿದ್ದು ಸ್ವಾಗತಾರ್ಹ. ಇದೇ ರೀತಿ ಆದಾಯ ತೆರಿಗೆ, ಸಂಬಳ ಪಡೆಯುವವರು ಎಂಬ ಷರತ್ತು ಹೇರದೇ ಹಿಂದೆ ಸಾಲ ಮನ್ನಾ ಮಾಡಿದ ರೀತಿಯಲ್ಲಿಯೇ ಜಾರಿಗೊಳಿಸಬೇಕು.
– ಲಕ್ಷ್ಮಣ  ಸವದಿ, ಬಿಜೆಪಿ ರೈತ ಮೋರ್ಚಾ  ರಾಜ್ಯಾಧ್ಯಕ್ಷ.

ಸಾಲಮನ್ನಾ: ಸಹಕಾರ ಸಂಘಗಳಿಗೆ ನಿಯಮಾವಳಿ ರವಾನೆ
ಬೆಂಗಳೂರು:
ರೈತರ ಸಾಲ ಮನ್ನಾಗೆ ಸಂಬಂಧಿಸಿದಂತೆ ಸರ್ಕಾರ ಅಧಿಕೃತ ನಿಯಮಾವಳಿಯನ್ನು ಎಲ್ಲ ಸಹಕಾರ ಸಂಘಗಳಿಗೆ ರವಾನಿಸಿದ್ದು ಅ.5 ರೊಳಗೆ ಜುಲೈ ಮತ್ತು ಆಗಸ್ಟ್‌ ತಿಂಗಳ ಕ್ಲೈಮ್‌ ಕಳುಹಿಸುವಂತೆ ಸೂಚನೆ ನೀಡಿದೆ.

9448 ಕೋಟಿ ರೂ. ಸಾಲ ಮನ್ನಾ ಪೈಕಿ ಎರಡು ತಿಂಗಳ ಕ್ಲೈಮ್‌ 312 ಕೋಟಿ ರೂ. ಅ.15 ರೊಳಗೆ ಚುಕ್ತಾ ಆಗಲಿದೆ. ದಸರಾ ಮತ್ತು ದೀಪಾವಳಿ ನಡುವೆ 22.65 ಲಕ್ಷ ರೈತರಿಗೂ ಋಣಮುಕ್ತ ಪತ್ರ ಸಹ ಸಾಲಮನ್ನಾ ಆಗುವ ದಿನಾಂಕದ ನಮೂದಿನೊಂದಿಗೆ ಮನೆ ಬಾಗಿಲಿಗೆ ತಲುಪಲಿದೆ.

ವಿಕಾಸಸೌಧದಲ್ಲಿ ಸುದ್ದಿಗಾರರ ಜತೆ ಮಾತನಾಡಿದ ಸಹಕಾರ ಸಚಿವ ಬಂಡೆಪ್ಪ ಕಾಶಂಪೂರ್‌, ರೈತರು ಠೇವಣಿ ಇಟ್ಟಿದ್ದರೆ ಸಾಲಮನ್ನಾ ಅನ್ವಯ ಆಗುವುದಿಲ್ಲ ಎಂಬ ಷರತ್ತಿಗೆ ತೀವ್ರ ವಿರೋಧ ವ್ಯಕ್ತವಾದ ಕಾರಣ ಅದನ್ನು ತೆಗೆದುಹಾಕಲಾಗಿದೆ. ಹೀಗಾಗಿ, ಸಾಲಮನ್ನಾ 22.65 ಲಕ್ಷ ರೈತರಿಗೆ ಅನ್ವಯ ಆಗಲಿದೆ ಎಂದು ಹೇಳಿದರು.

ಸಾಲಮನ್ನಾ ಜತೆಗೆ ರೈತರ ಇತರೆ ಸಾಲದ ಹಣ ಚುಕ್ತಾ ಆಗುತ್ತಿದ್ದಂತೆ ಹೊಸದಾಗಿ ಸಾಲ ನೀಡಲಾಗುವುದು. ಈ ವರ್ಷ ಹದಿನೈದು ಲಕ್ಷ ರೈತರಿಗೆ ಹೊಸದಾಗಿ ಸಾಲ ನೀಡಲು ತೀರ್ಮಾನಿಸಲಾಗಿದೆ ಎಂದು ಹೇಳಿದರು.

9448 ಕೋಟಿ ರೂ. ಪೈಕಿ ಜುಲೈ-ಆಗಸ್ಟ್‌- 312 ಕೋಟಿ ರೂ., ಸೆಪ್ಟೆಂಬರ್‌-236 ಕೋಟಿ ರೂ.,ಅಕ್ಟೋಬರ್‌ 203 ಕೋಟಿ ರೂ., ಫೆಬ್ರವರಿ-1100 ಕೋಟಿ ರೂ., ಮಾರ್ಚ್‌-2000 ಕೋಟಿ ರೂ., ಮೇ-1700 ಕೋಟಿ ರೂ., ಜೂನ್‌-1500 ಕೋಟಿ ರೂ. ಕ್ಲೈಮ್‌ ಬರಲಿದೆ ಎಂದು ವಿವರಿಸಿದರು.

ಸಾಲಮನ್ನಾ ಮೊತ್ತವನ್ನು ರೈತರ ಉಳಿತಾಯ ಖಾತೆಗೆ ಡಿಬಿಟಿ ಮೂಲಕ ಜಮಾ ನೀಡಲಾಗುವುದು ಎಂಬ ಷರತ್ತು ಸಡಿಲಿಸಿ ರೈತರ ಉಳಿತಾಯ ಖಾತೆಗೆ ಸಾಲ ಮನ್ನಾ ಮೊತ್ತ ಜಮಾ ನೀಡಿ ಡಿಸಿಸಿ ಬ್ಯಾಂಕುಗಳು  ಈ ಮೊತ್ತವನ್ನು ಸಹಕಾರ ಸಂಘ/ಬ್ಯಾಂಕಿನಲ್ಲಿ ರೈತರ ಸಾಲದ ಖಾತೆಗೆ ತಕ್ಷಣ ವರ್ಗಾಯಿಸುವುದು ಎಂದು ತಿಳಿಸಲಾಗಿದೆ ಎಂದರು.

ಕಳೆದ ಒಂದೂವರೆ ವರ್ಷದಲ್ಲಿ ರಾಜ್ಯದಲ್ಲಿ 17613 ಕೋಟಿ ರೂ. ಸಹಕಾರ ಸಂಘಗಳಲ್ಲಿ ರೈತರು ಮಾಡಿದ್ದ ಸಾಲ ಮನ್ನಾ ಆಗಿದೆ. ಸಿದ್ದರಾಮಯ್ಯ ಸರ್ಕಾರದಲ್ಲಿ 8165 ಕೋಟಿ ರೂ., ಇದೀಗ ಸಮ್ಮಿಶ್ರ ಸರ್ಕಾರದಲ್ಲಿ 9448 ಕೋಟಿ ರೂ. ಎಂದು ಹೇಳಿದರು. ಹಿಂದಿನ ಸರ್ಕಾರದ ಸಾಲಮನ್ನಾ ಬಾಬಿ¤ನ ಕೊನೇ ಕಂತು 1495 ಕೋಟಿ ರೂ. ಸಹ ಪಾವತಿಸಲಾಗಿದೆ ಎಂದು ಹೇಳಿದರು.

ತಿದ್ದುಪಡಿ ಷರತ್ತು
ರೈತರು ಸಹಕಾರ ಸಂಗಗಳು ಅಥವಾ ವಾಣಿಜ್ಯ ಬ್ಯಾಂಕ್‌ಗಳಲ್ಲಿ ಠೇವಣಿ ಇಟ್ಟಿದ್ದರೆ ಸಾಲಮನ್ನಾ ಅನ್ವಯವಾಗದು ಎಂಬ ಷರತ್ತಿಗೆ ತೀವ್ರ ವಿರೋಧ ವ್ಯಕ್ತವಾದ ಕಾರಣ ಅದನ್ನು ಕೈ ಬಿಡಲಾಗಿದೆ. ರೈತರು ಸಹಕಾರ ಸಂಘಗಳು/ ಸಹಕಾರಿ  ಬ್ಯಾಂಕ್‌/ವಾಣಿಜ್ಯ ಬ್ಯಾಂಕ್‌ಗಳಲ್ಲಿ ಹೊಂದಿರುವ ಮುದ್ದತ್ತು ಠೇವಣಿ ಇದ್ದಲ್ಲಿ, ಅಂತಹ ಮೊತ್ತ ಹೊರಬಾಕಿಯಲ್ಲಿ ಕಳೆಯತಕ್ಕದ್ದು ಎಂಬ ಷರತ್ತು ಕೈ ಬಿಡತಕ್ಕದ್ದು ಎಂದು  ಇದೀಗ ಆದೇಶ ಹೊರಡಿಸಲಾಗಿದೆ. ಜತೆಗೆ 20 ಸಾವಿರ ರೂ. ಮಾಸಿಕ ವೇತನದಾರರು/ಆದಾಯ ತೆರಿಗೆ ಪಾವತಿದಾರರಿಂದ ಸ್ವಯಂ ಘೋಷಣಾ ಪತ್ರ ಪಡೆದು ಯೋಜನೆ ಜಾರಿಗೊಳಿಸುವುದು ಎಂದು ತಿಳಿಸಲಾಗಿದೆ.

– ಶಂಕರ ಪಾಗೋಜಿ

ಟಾಪ್ ನ್ಯೂಸ್

29theft

ಮನೆ ಕಳ್ಳತನ ಪ್ರಕರಣ; ಇಬ್ಬರು ಆರೋಪಿಗಳ ಬಂಧನ: 16,50,000 ರೂ. ಮೌಲ್ಯದ ಚಿನ್ನ ವಶಕ್ಕೆ

ಜಾಗತಿಕ ಟ್ರೆಂಡ್:ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 157 ಅಂಕ ಏರಿಕೆ, 17,000 ಗಡಿದಾಟಿದ ನಿಫ್ಟಿ

ಜಾಗತಿಕ ಟ್ರೆಂಡ್:ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 157 ಅಂಕ ಏರಿಕೆ, 17,000 ಗಡಿದಾಟಿದ ನಿಫ್ಟಿ

ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಯಶ್-ರಾಧಿಕಾ

ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಯಶ್-ರಾಧಿಕಾ

ವಿಜಯ್ ಹಜಾರೆ ಟ್ರೋಫಿ: ತಮಿಳುನಾಡು ವಿರುದ್ಧ ಎಡವಿದ ಕರ್ನಾಟಕ ತಂಡ

ವಿಜಯ್ ಹಜಾರೆ ಟ್ರೋಫಿ: ತಮಿಳುನಾಡು ವಿರುದ್ಧ ಎಡವಿದ ಕರ್ನಾಟಕ ತಂಡ

ಎಲ್ಗಾರ್ ಪರಿಷತ್ ಪ್ರಕರಣ; ಮೂರು ವರ್ಷ ಜೈಲುವಾಸದ ಬಳಿಕ ಲಾಯರ್ ಸುಧಾ ಬಿಡುಗಡೆ

ಎಲ್ಗಾರ್ ಪರಿಷತ್ ಪ್ರಕರಣ; ಮೂರು ವರ್ಷ ಜೈಲುವಾಸದ ಬಳಿಕ ಲಾಯರ್ ಸುಧಾ ಬಿಡುಗಡೆ

ದೆಹಲಿ ರೋಹಿಣಿ ಕೋರ್ಟ್ ನಲ್ಲಿ ನಿಗೂಢ ಸ್ಫೋಟ; ಕೋರ್ಟ್ ಕಲಾಪ ಸ್ಥಗಿತ

ದೆಹಲಿ ರೋಹಿಣಿ ಕೋರ್ಟ್ ನಲ್ಲಿ ನಿಗೂಢ ಸ್ಫೋಟ; ಕೋರ್ಟ್ ಕಲಾಪ ಸ್ಥಗಿತ

ಮಂಗಳೂರು: 13 ದೇವಸ್ಥಾನ/ದೈವಸ್ಥಾನಗಳಲ್ಲಿ ಕಳ್ಳತನ ಮಾಡಿದ್ದ ಇಬ್ಬರು ಚೋರರ ಬಂಧನ

ಮಂಗಳೂರು: 13 ದೇವಸ್ಥಾನ/ದೈವಸ್ಥಾನಗಳಲ್ಲಿ ಕಳ್ಳತನ ಮಾಡಿದ್ದ ಇಬ್ಬರು ಚೋರರ ಬಂಧನ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಶಿಕ್ಷಣ ಸಚಿವರ ಜಿಲ್ಲೆಯಲ್ಲೇ ಶಾಲಾ ಕಟ್ಟಡ ಶಿಥಿಲ : ದುರಸ್ತಿಗೊಳಿಸಲು ಗ್ರಾಮಸ್ಥರ ಆಗ್ರಹ

ಶಿಕ್ಷಣ ಸಚಿವರ ಜಿಲ್ಲೆಯಲ್ಲೇ ಶಾಲಾ ಕಟ್ಟಡ ಶಿಥಿಲ : ದುರಸ್ತಿಗೊಳಿಸಲು ಗ್ರಾಮಸ್ಥರ ಆಗ್ರಹ

ಚುನಾವಣೆ ಕಾವು : ಜನರಿಲ್ಲದೇ ಬಣಗುಟ್ಟಿದ ತಾಲೂಕು ಕಚೇರಿ

ಚುನಾವಣೆ ಕಾವು : ಜನರಿಲ್ಲದೇ ಬಣಗುಟ್ಟಿದ ತಾಲೂಕು ಕಚೇರಿ

ಕೋವಿಡ್ ಮುಕ್ತ ಜಿಲ್ಲೆಯಾದ ರಾಮನಗರ : ಜಿಲ್ಲೆಯ 221 ಗ್ರಾಮಗಳಲ್ಲಿ ಶೇ.100 ಲಸಿಕೆ

ಕೋವಿಡ್ ಮುಕ್ತ ಜಿಲ್ಲೆಯಾದ ರಾಮನಗರ : ಜಿಲ್ಲೆಯ 221 ಗ್ರಾಮಗಳಲ್ಲಿ ಶೇ.100 ಲಸಿಕೆ

ಮೈಸೂರು : ಆತಂಕ ಸೃಷ್ಟಿಸಿದ್ದ ಬಾಲಕಿ ನಾಪತ್ತೆ ಪ್ರಕರಣ ಕೊನೆಗೂ ಸುಖಾಂತ್ಯ

ಮೈಸೂರು : ಆತಂಕ ಸೃಷ್ಟಿಸಿದ್ದ ಬಾಲಕಿ ನಾಪತ್ತೆ ಪ್ರಕರಣ ಕೊನೆಗೂ ಸುಖಾಂತ್ಯ

ಹಿಂಜರಿಕೆಯಿಲ್ಲದೇ ಲಸಿಕೆ ಪಡೆಯಿರಿ : ಜಿಲ್ಲಾ ವೈದ್ಯಾಧಿಕಾರಿಯಿಂದ ಲಸಿಕೆ ಪಡೆಯದವರ ಮನವೊಲಿಕೆ

ಹಿಂಜರಿಕೆಯಿಲ್ಲದೇ ಲಸಿಕೆ ಪಡೆಯಿರಿ : ಜಿಲ್ಲಾ ವೈದ್ಯಾಧಿಕಾರಿಯಿಂದ ಲಸಿಕೆ ಪಡೆಯದವರ ಮನವೊಲಿಕೆ

MUST WATCH

udayavani youtube

ಮಂಗಳೂರು: 13 ದೇವಸ್ಥಾನ/ದೈವಸ್ಥಾನಗಳಲ್ಲಿ ಕಳ್ಳತನ ಮಾಡಿದ್ದ ಇಬ್ಬರು ಚೋರರ ಬಂಧನ

udayavani youtube

ಅಕಾಲಿಕ ಮಳೆಯ ಆತಂಕ.. ಯಂತ್ರದ ಮೂಲಕ ಭತ್ತದ ಒಕ್ಕಲು

udayavani youtube

ಭೀಕರ ಹೆಲಿಕಾಪ್ಟರ್ ದುರಂತದಲ್ಲಿ ಸಿಡಿಎಸ್ ಬಿಪಿನ್ ರಾವತ್ ನಿಧನ

udayavani youtube

ಮಲ್ಲಿಗೆ ಕೃಷಿಯಲ್ಲಿ ಯಶಸ್ಸನ್ನು ಕಂಡ ಕರಂಬಳ್ಳಿಯ ಕೃಷಿಕ

udayavani youtube

ಶಿರಸಿ : ಪೂಜೆಗೆಂದು ಕೊರಳಿಗೆ ಹಾಕಿದ ಬಂಗಾರದ ಸರವನ್ನೇ‌ ನುಂಗಿದ ಆಕಳು

ಹೊಸ ಸೇರ್ಪಡೆ

29theft

ಮನೆ ಕಳ್ಳತನ ಪ್ರಕರಣ; ಇಬ್ಬರು ಆರೋಪಿಗಳ ಬಂಧನ: 16,50,000 ರೂ. ಮೌಲ್ಯದ ಚಿನ್ನ ವಶಕ್ಕೆ

ಶಿಕ್ಷಣ ಸಚಿವರ ಜಿಲ್ಲೆಯಲ್ಲೇ ಶಾಲಾ ಕಟ್ಟಡ ಶಿಥಿಲ : ದುರಸ್ತಿಗೊಳಿಸಲು ಗ್ರಾಮಸ್ಥರ ಆಗ್ರಹ

ಶಿಕ್ಷಣ ಸಚಿವರ ಜಿಲ್ಲೆಯಲ್ಲೇ ಶಾಲಾ ಕಟ್ಟಡ ಶಿಥಿಲ : ದುರಸ್ತಿಗೊಳಿಸಲು ಗ್ರಾಮಸ್ಥರ ಆಗ್ರಹ

30ambedkar

ಡಾ| ಅಂಬೇಡ್ಕರ್‌ ಚಿಂತನೆ ಪಾಲಿಸಿ: ಪ್ರೊ| ಹರೀಶ

ಜಾಗತಿಕ ಟ್ರೆಂಡ್:ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 157 ಅಂಕ ಏರಿಕೆ, 17,000 ಗಡಿದಾಟಿದ ನಿಫ್ಟಿ

ಜಾಗತಿಕ ಟ್ರೆಂಡ್:ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 157 ಅಂಕ ಏರಿಕೆ, 17,000 ಗಡಿದಾಟಿದ ನಿಫ್ಟಿ

ಚುನಾವಣೆ ಕಾವು : ಜನರಿಲ್ಲದೇ ಬಣಗುಟ್ಟಿದ ತಾಲೂಕು ಕಚೇರಿ

ಚುನಾವಣೆ ಕಾವು : ಜನರಿಲ್ಲದೇ ಬಣಗುಟ್ಟಿದ ತಾಲೂಕು ಕಚೇರಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.