ಸ್ಥಳೀಯ ಸಂಸ್ಥೆ ಚುನಾವಣೆ: ಶೇ. 63.80ರಷ್ಟು ಮತದಾನ
Team Udayavani, Sep 2, 2018, 6:45 AM IST
ಬೆಂಗಳೂರು: ಮೂರು ಮಹಾನಗರ ಪಾಲಿಕೆಗಳು ಸೇರಿ 102 ನಗರ ಸ್ಥಳೀಯ ಸಂಸ್ಥೆಗಳಿಗೆ ಶುಕ್ರವಾರ ಮತದಾನ ನಡೆದಿದ್ದು, ಒಟ್ಟಾರೆ ಶೇ.63.80ರಷ್ಟು ಮತದಾನವಾಗಿದೆ.
ಎಲ್ಲಿಯೂ ಮರು ಮತದಾನ ಇಲ್ಲ ಎಂದು ರಾಜ್ಯ ಚುನಾವಣಾ ಆಯೋಗ ತಿಳಿಸಿದೆ. ಮೈಸೂರು, ತುಮಕೂರು, ಶಿವಮೊಗ್ಗ ಈ ಮೂರು ಮಹಾನಗರ ಪಾಲಿಕೆಗಳಲ್ಲಿ ಶೇ.53.84 ಹಾಗೂ 29 ನಗರಸಭೆ, 53 ಪುರಸಭೆ, 20 ಪಟ್ಟಣ ಪಂಚಾಯಿತಿ ಸೇರಿ 102 ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಶೇ ಶೇ.67.51ರಷ್ಟು ಮತದಾನವಾಗಿದೆ. ಮತ ಎಣಿಕೆ ಸೆ.3ರಂದು ನಡೆಯಲಿದೆ.
ತುಮಕೂರು ಮತ್ತು ಶಿವಮೊಗ್ಗ ನಗರಸಭೆಯನ್ನು ಮಹಾನಗರ ಪಾಲಿಕೆಗಳಾಗಿ ಉನ್ನತೀಕರಿಸಿದ ಬಳಿಕ ನಡೆದ ಮೊದಲ ಚುನಾವಣೆ ಇದಾಗಿದೆ. ತುಮಕೂರು ಮತ್ತು ಶಿವಮೊಗ್ಗ ಮಹಾನಗರ ಪಾಲಿಕೆಯಲ್ಲಿ ತಲಾ 35 ವಾರ್ಡ್ಗಳಿದ್ದು,
ಕ್ರಮವಾಗಿ ಶೇ.59.34 ಮತ್ತು ಶೇ.58.48ರಷ್ಟು ಮತದಾನವಾಗಿದೆ. ಮೈಸೂರು ಮಹಾನಗರ ಪಾಲಿಕೆಗೆ ಶೇ.50.52ರಷ್ಟು ಪ್ರಮಾಣದಲ್ಲಿ ಮತ ಚಲಾಯಿಸಲಾಗಿದೆ. 29 ನಗರಸಭೆಯಲ್ಲಿ 926 ವಾರ್ಡ್ಗಳಿದ್ದು, ಶೇ. 63.53 ರಷ್ಟು, 53 ಪುರಸಭೆಗಳಲ್ಲಿ 1246 ವಾರ್ಡ್ಗಳಿದ್ದು, ಶೇ.71.90ರಷ್ಟು ಮತ್ತು 20 ಪಟ್ಟಣ ಪಂಚಾಯಿತಿಯ 355 ವಾರ್ಡ್ಗಳಿದ್ದು,ಶೇ.75.47ರಷ್ಟು ಮತದಾನವಾಗಿದೆ.