ನಮ್ಮ ಮೆಟ್ರೋ; ಮುಂದುವರಿದ ನಷ್ಟದ ಪಯಣ
ನಿವ್ವಳ ನಗದು ನಷ್ಟ ಶೇ.47ರಷ್ಟು ಹೆಚ್ಚಳ
Team Udayavani, Aug 28, 2020, 2:15 PM IST
ಬೆಂಗಳೂರು: ನಮ್ಮ ಮೆಟ್ರೋ ನಷ್ಟದ ಪಯಣ ಮುಂದುವರಿದಿದ್ದು, ಪ್ರಸಕ್ತ ಸಾಲಿನಲ್ಲಿ 54.77 ಕೋಟಿ ರೂ. ನಿವ್ವಳ ನಗದು ನಷ್ಟ ಅನುಭವಿಸಿದೆ. ಕಳೆದ ವರ್ಷ ನಿವ್ವಳ ನಗದು ನಷ್ಟ 29 ಕೋಟಿ ರೂ. ಆಗಿತ್ತು. ನಗದು ಆದಾಯ 54.20 ಕೋಟಿ ರೂ. ಬಂದಿದೆ. ಆದರೆ, ಸಾಲದ ಮೇಲಿನ ಬಡ್ಡಿ ಹೊಂದಾಣಿಕೆ ನಂತರ ನಿವ್ವಳ ನಗದು ನಷ್ಟ 54.77 ಕೋಟಿ ರೂ. ಆಗುತ್ತದೆ.
ಗುರುವಾರ ಪ್ರಕಟಗೊಂಡ 2019-20ನೇ ಸಾಲಿನ ಫಲಿತಾಂಶದಲ್ಲಿ ಕಾರ್ಯಾಚರಣೆ ಆದಾಯದಲ್ಲಿ ಶೇ.6.16 ವೃದ್ಧಿ ಕಂಡುಬಂದಿದೆ. ವಾಣಿಜ್ಯ ಸಂಚಾರದಿಂದ ಬಂದ ಆದಾಯ ಪ್ರಮಾಣ 376.88 ಕೋಟಿ ರೂ. ದಾಖಲಾಗಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 355.02 ಕೋಟಿ ರೂ. ಆಗಿತ್ತು. ಕೋವಿಡ್ ದಿಂದ ಸುಮಾರು 5 ತಿಂಗಳಿಂದ ಸಂಚಾರ ಸೇವೆ ಸ್ಥಗಿತಗೊಂಡಿದೆ. ಹೀಗಾಗಿ ಬರುವ ಪ್ರಸಕ್ತ ಹಣಕಾಸು ವರ್ಷದಲ್ಲೂ ನಷ್ಟದ ಪ್ರಮಾಣ ಇನ್ನಷ್ಟು ಏರಿಕೆ ಸಾಧ್ಯತೆ ಇದೆ ಎಂದು ವಿಶ್ಲೇಷಿಸಲಾಗಿದೆ.
2019-20ನೇ ಹಣಕಾಸು ವರ್ಷದಲ್ಲೂ 598.58 ಕೋಟಿ ರೂ. ಒಟ್ಟಾರೆ ನಿವ್ವಳ ನಷ್ಟ ದಾಖಲಾಗಿದೆ. ಕಳೆದ ಮಾರ್ಚ್ಗೆ ಅಂತ್ಯಗೊಂಡಂತೆ ಮೊದಲ ಹಂತದ ಎಲ್ಲಾ ಸ್ವತ್ತುಗಳ ಮೇಲಿನ ಸವಕಳಿ ಸೇರಿ ಬೆಂಗಳೂರು ಮೆಟ್ರೋ ರೈಲು ನಿಗಮ (ಬಿಎಂಆರ್ಸಿಎಲ್)ವು ನಿವ್ವಳ ಒಟ್ಟಾರೆ 598.58 ಕೋಟಿ ರೂ. ನಷ್ಟ ದಾಖಲಾಗಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 498.41 ಕೋಟಿ ರೂ. ನಷ್ಟ ಆಗಿತ್ತು. ಅಂದರೆ ನಷ್ಟದ ಬಾಬ್ತು ಸುಮಾರು ಶೇ.17 ಹೆಚ್ಚಳ ಆಗಿದೆ. ನಾನ್ ಫೇರ್ ಬಾಕ್ಸ್ನಲ್ಲೂ ಕುಸಿತ: ಇನ್ನು ನಾನ್ ಫೇರ್ ಬಾಕ್ಸ್ ಆದಾಯ ಅಂದರೆ ವಾಣಿಜ್ಯ ಚಟುವಟಿಕೆ, ಪ್ರಾಪರ್ಟಿ ಡೆವಲಪ್ಮೆಂಟ್ನಿಂದ ಬಂದ ಆದಾಯದಲ್ಲಿ ಕುಸಿತ ಕಂಡುಬಂದಿದ್ದು, 41.91 ಕೋಟಿ ರೂ. ದಾಖಲಾಗಿದೆ. ಕಳೆದ ವರ್ಷ ಈ ಮೂಲದಿಂದ 47.33 ಕೋಟಿ ರೂ. ಬಂದಿತ್ತು. ಕಾರ್ಯಾಚರಣೆ ವಿಭಾಗದ ಸಿಬ್ಬಂದಿ ವೇತನ ಪರಿಷ್ಕರಣೆಯಿಂದ 34.49 ಕೋಟಿ ರೂ., 6 ಬೋಗಿಗಳ ರೈಲು ನಿರ್ವಹಣೆ, ವಿದ್ಯುತ್ ಶುಲ್ಕ ಹೆಚ್ಚಳ, ಮೊದಲ ಹಂತದಲ್ಲಿ ವಿವಿಧ ವ್ಯವಸ್ಥೆ, ಹೊಸ ಒಪ್ಪಂದಗಳ ನಿರ್ವಹಣೆ ಖರ್ಚುಗಳಲ್ಲಿ ಏರಿಕೆ, ಸ್ವತ್ತುಗಳ ಸವಳಿಕೆಯಿಂದ 583.90 ಕೋಟಿ ರೂ. ಹೊರೆ ಆಗಿದೆ.
3ರಿಂದ 6 ಬೋಗಿ: ಒಂದೇ ದಿನದಲ್ಲಿ 6.01 ಲಕ್ಷ ಪ್ರಯಾಣಿಕರ ಸಂಚಾರ ಹಾಗೂ 1.67 ಕೋಟಿ ರೂ. ಆದಾಯ ದಾಖಲೆಗೆ 2019-20ನೇ ಹಣಕಾಸು ವರ್ಷ ಸಾಕ್ಷಿಯಾಗಿದೆ. 2019ರ ಅ.25ರಂದು ಅತಿ ಹೆಚ್ಚು 6,01,164 ಪ್ರಯಾಣಿಕರು ಸಂಚರಿಸಿದ್ದಾರೆ. ಅದೇ ರೀತಿ, 2020ರ ಮಾ.2ರಂದು ಅತ್ಯಧಿಕ 1.67 ಕೋಟಿ ರೂ. ಆದಾಯ ದಾಖಲಾಗಿದೆ ಎಂದೂ ಬಿಎಂಆರ್ಸಿಎಲ್ ತಿಳಿಸಿದೆ. ಇದೇ ಅವಧಿಯಲ್ಲಿ ಎಲ್ಲಾ 50 ಮೆಟ್ರೋ ರೈಲು ಮೂರರಿಂದ ಆರು ಬೋಗಿಗಳಾಗಿ ಪರಿವರ್ತನೆಗೊಂಡಿವೆ.
ಮೆಟ್ರೊ ಪರೀಕ್ಷಾರ್ಥ ಸಂಚಾರ ಆರಂಭ : 2ನೇ ಹಂತದ ಮೊದಲ ಮಾರ್ಗದಲ್ಲಿ ಗುರುವಾರ ಮೆಟ್ರೋ ಮೊದಲ ಬಾರಿಗೆ ಸಂಚಾರ ನಡೆಸಿತು. 6.29 ಕಿ.ಮೀ. ಉದ್ದದ ಯಲಚೇನಹಳ್ಳಿ- ಅಂಜನಾಪುರ ಟೌನ್ಶಿಪ್ ನಡುವೆ ಮೆಟ್ರೋ ರೈಲನ್ನು ಬೆಳಗ್ಗೆ ಪರೀಕ್ಷಾರ್ಥವಾಗಿ ಸಂಚಾರ ನಡೆಸಲಾಯಿತು. ಈ ಅವಧಿಯಲ್ಲಿ ಹಳಿಗಳು, ವಿದ್ಯುತ್ ಸಂಪರ್ಕ, ರೈಲು ನಿಲುಗಡೆ ಸೇರಿ ವಿವಿಧ ಪ್ರಕಾರದ ಪರೀಕ್ಷೆ ನಡೆಸಲಾಯಿತು. ಬೆಂಗಳೂರು ಮೆಟ್ರೋ ರೈಲು ನಿಗಮ (ಬಿಎಂಆರ್ಸಿಎಲ್) ತಜ್ಞ ಎಂಜಿನಿಯರ್ಗಳ ನೇತೃತ್ವದಲ್ಲಿ ನಡೆದ ಪರೀಕ್ಷೆಯಲ್ಲಿ ರೈಲು ಗಂಟೆಗೆ 5 ಕಿ.ಮೀ. ವೇಗದಲ್ಲಿ ಸಂಚರಿಸಿತು. ಸುಮಾರು 30 ದಿನಗಳ ಕಾಲ ನಡೆಯಲಿದೆ ಎಂದು ನಿಗಮ ಟ್ವೀಟ್ ಮಾಡಿದೆ. ನವೆಂಬರ್ನಲ್ಲಿ ಈ ಮಾರ್ಗವನ್ನು ಸಾರ್ವಜನಿಕ ಸೇವೆಗೆ ಮುಕ್ತಗೊಳಿಸುವ ಗುರಿ ನಿಗಮ ಹೊಂದಿದ್ದು, ಇದರ ಬೆನ್ನಲ್ಲೇ ಮೈಸೂರು ರಸ್ತೆ-ಕೆಂಗೇರಿ ಮಾರ್ಗದಲ್ಲಿ ವರ್ಷಾಂತ್ಯಕ್ಕೆ ಪರೀಕ್ಷಾರ್ಥ ನಡೆಸಲು ಉದ್ದೇಶಿಸಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Fraud: ರೈಸ್ ಪುಲ್ಲಿಂಗ್ ಹೆಸರಿನಲ್ಲಿ ವಂಚನೆಗೆ ಯತ್ನ; 3 ಸೆರೆ, 69.79 ಲಕ್ಷ ವಶ
Crime: ಸ್ನೇಹಿತನನ್ನೇ ಕೊಲೆ ಮಾಡಿದ್ದ ನಾಲ್ವರು ಆರೋಪಿಗಳ ಸೆರೆ
Bengaluru: ನಕಲಿ ಭೂ ದಾಖಲೆಗಳ ಸಲ್ಲಿಸಿ 22 ಬ್ಯಾಂಕಲ್ಲಿ 10 ಕೋಟಿ ಸಾಲ!
Glanders infection: ಗ್ಲ್ಯಾಂಡರ್ಸ್ ಸೋಂಕು; ಬೆಂಗಳೂರು ತೊರೆದ ಕುದುರೆ ಮಾಲೀಕ, ಸವಾರ
Chain theft: ಒಂಟಿ ಮಹಿಳೆಯರ ಸರ ಕದಿಯುತ್ತಿದ್ದ 5 ಬಂಧನ; 10.82 ಲಕ್ಷದ ವಸ್ತು ಜಪ್ತಿ
MUST WATCH
ಹೊಸ ಸೇರ್ಪಡೆ
IPL; ಆರ್ ಸಿಬಿ ಕಪ್ ಗೆಲ್ಲಬೇಕಾದರೆ ಮೊದಲು….: ರಾಬಿನ್ ಉತ್ತಪ್ಪ ಹೇಳಿದ್ದೇನು?
Gadag; ಕಾಂಗ್ರೆಸ್ ಸರ್ಕಾರದ ಅವಧಿಯಲ್ಲಿ ಕೊಲೆಗಡುಕರೇ ಪ್ರಥಮ ಪ್ರಜೆಗಳು: ಬಸವರಾಜ ಬೊಮ್ಮಾಯಿ
B. Y. Raghavendra: “ಕಾಂಗ್ರೆಸ್ ನಾಯಕರ ಮನಸ್ಥಿತಿಗೆ ತಕ್ಕಂತೆ “ಚೊಂಬು’ ಜಾಹೀರಾತು’
Lok Sabha Election 2024: ಝಾರ್ಖಂಡ್, ಛತ್ತೀಸ್ಗಢದಲ್ಲಿ ಗೆಲುವು ಯಾರಿಗೆ?
ಗ್ಯಾಂಗ್ ಸ್ಟರ್ ಬಿಷ್ಣೋಯಿ ಹೆಸರಿನಿಂದ ಸಲ್ಮಾನ್ ಮನೆಯಿಂದ ಕ್ಯಾಬ್ ಬುಕ್: ಯುವಕ ಅರೆಸ್ಟ್