ಗಮನ ಸೆಳೆದ ಭಾರ ಎತ್ತುವ ಸ್ಪರ್ಧೆ

Team Udayavani, Aug 23, 2019, 1:28 PM IST

ಬಸವನಬಾಗೇವಾಡಿ: ಮೂಲನಂದೀಶ್ವರ ಜಾತ್ರೆ ಅಂಗವಾಗಿ ನಡೆದ ಭಾರ ಎತ್ತುವ ಸ್ಪರ್ಧೆ ನೋಡಲು ಆಗಮಿಸಿದ್ದ ಜನ.

ಬಸವನಬಾಗೇವಾಡಿ: ಇಲ್ಲಿನ ಮೂಲನಂದೀಶ್ವರ (ಬಸವೇಶ್ವರ) ಜಾತ್ರೆಯ ಮೂರನೇ ದಿನ ಆಂಗ್ಲ ಮಾಧ್ಯಮ ಶಾಲಾ ಆವರಣದಲ್ಲಿ ಕಸರತ್ತಿನ ಹಾಗೂ ಭಾರ ಎತ್ತುವ ಸ್ಪರ್ಧೆ ಏರ್ಪಡಿಸಲಾಗಿತ್ತು.

ವಿಜಯಪುರ ಸೇರಿ ವಿವಿಧ ಜಿಲ್ಲೆಗಳ ಜಟ್ಟಿಗಳು ಭಾರವಾದ ಗುಂಡು ಕಲ್ಲು, ಉಸುಕಿನ ಚೀಲ, ಸಂಗ್ರಾಣಿ ಕಲ್ಲು ಸೇರಿದಂತೆ ವಿವಿಧ ಭಾರ ಎತ್ತುವ ಸ್ಪರ್ಧೆಗಳು ಆರಂಭವಾದಾಗ ಜನರು ಮಂತ್ರಮುಗ್ದರಾಗಿ ಕುಳಿತುಕೊಂಡಿದ್ದರು. ಜಟ್ಟಿಗಳು ಭಾರ ಎತ್ತುತ್ತಿದಂತೆ ಕೇ ಕೇ ಹಾಕಿ ಜನರು ಹುರಿದುಂಬಿಸಿದರು. ಭಾರ ಎತ್ತುವ ಸ್ಪರ್ಧೆಯಲ್ಲಿ ವಿಜೇತರಿಗೆ ಬೆಳ್ಳಿ ಖಡ್ಗ ನೀಡಿ ಗೌರವಿಸಲಾಯಿತು. ನಾಗರಾಜ ಗುಂದಗಿ ಅವರು ಕಳೆದ 14 ವರ್ಷಗಳಿಂದ ವಿಜೇತರಿಗೆ ಬೆಳ್ಳಿ ಖಡ್ಗಗಳನ್ನು ಬಹುಮಾನ ನೀಡುತ್ತಿದ್ದಾರೆ.

ಸಂಗ್ರಾಣಿ ಕಲ್ಲು ಸಾಗ ಎತ್ತುವ ಸ್ಪರ್ಧೆ ವಿಜೇತರು: ಜತ್ತ ತಾಲೂಕಿನ ಆಸಂಗಿಯ ಅಫ‌ಜಲಖಾನ್‌ ಮುಜಾವರ (ಪ್ರ), ನಿಜಾಮುದ್ದೀನ್‌ ಶೇಖ್‌ (ದ್ವಿ), ಬೀಳಗಿಯ ಸಂಗಪ್ಪ ಕೊಂತಿಕಲ್ಲ (ತೃ) ಹಾಗೂ ಸಂಗ್ರಾಣಿ ಕಲ್ಲು ವತ್ತಿ ಎತ್ತುವ ಸ್ಪರ್ಧೆಯಲ್ಲಿ ಗದ್ಯಾಳದ ಚಂದ್ರಶೇಖರ ಪುರ್ತಿಗೇರಿ (ಪ್ರ), ಹಳ್ಳಗೇರಿಯ ಭೀಮಸೇನ ಮಲ್ಲಾಡದ (ದ್ವಿ), ಬೆಳ್ಳವಂಕಿಯ ಶಿವಾನಂದ ಗ್ಯಾಡನಾಳ (ತೃ) ಸ್ಥಾನ ಪಡೆದರು.

ಗುಂಡು ಎತ್ತುವ ಸ್ಪರ್ಧೆ: ಕುಂಟೋಜಿಯ ಶ್ರೀಕಾಂತ ಲಮಾಣಿ (ಪ್ರ), ಬಳಗಾನೂರಿನ ಹುವಣ್ಣ ಅರಳಿಗುಂಡಗಿ (ದ್ವಿ), ಯಾಳವಾರದ ಮಾಳಿಂಗರಾಯ ಕೊಂಡಗೂಳಿ (ತೃ). ಉಸುಕಿನ ಚೀಲ ಎತ್ತುವ ಸ್ಪರ್ಧೆಯಲ್ಲಿ ಗೋನಾಳದ ವಿಠ್ಠಲ ಹಡಗಲಿ (ಪ್ರ), ಯಲಗೂರಿನ ಗಂಗಾಧರ ಶಿರೂರ (ದ್ವಿ), ಸಂಗೊಂದಿಯ ಮಳಿಯಪ್ಪ ಮೇಟಿ (ತೃ) ಸ್ಥಾನ ಪಡೆದರು.

ಜೋಳದ ಚೀಲ ಎತ್ತುವ ಸ್ಪರ್ಧೆಯಲ್ಲಿ ಕುಂಟೋಜಿಯ ಶ್ರೀಕಾಂತ ಲಮಾಣಿ (ಪ್ರ), ಮಣ್ಣೂರಿನ ಲಗಮಣ್ಣ ಪೂಜಾರಿ (ದ್ವಿ), ಹನ್ನೋಳ್ಳಿಯ ನಿಂಗಣ್ಣ ಯಂಕಂಚಿ (ತೃ) ಸ್ಥಾನ ಪಡೆದರು. ಗುನ್ನಾಪುರಿನ ಕೇದಾರಲಿಂಗ ಲೋಗಾಂವಿ, ಭೀರಪ್ಪ ಲೋಗಾಂವಿ ಅವರು ಮೇಟನಾಲಿಗೆ ಮೇಲಿಂದ ಚೀಲ ಎತ್ತುವ ಮೂಲಕ ಗಮನ ಸೆಳೆದರು.

ಮುಳಸಾವಳಗಿಯ ರಮೇಶ ಪಾಟೀಲ ಅವರು ಹಲ್ಲಿನಿಂದ ಕಬ್ಬಿಣದ ಹಾರಿ ಎತ್ತಿ ಮೂರು ಸಾರಿ ಒಗೆದರು. ಸಾಲೋಟಗಿಯ ಶರಣಗೌಡ ಬಿರಾದಾರ ಎರಡು ಸಲ ಕಬ್ಬಿಣದ ಹಾರಿ ಒಗೆದು ನೋಡುಗರಿಂದ ಸೈ ಎನಿಸಿಕೊಂಡರು.

ಕಸರತ್ತಿನ ಸ್ಪರ್ಧೆಯಲ್ಲಿ ಸಿದ್ಧಲಿಂಗ ಸ್ವಾಮೀಜಿ, ಜಾತ್ರಾ ಉತ್ಸವ ಸಮಿತಿಅಧ್ಯಕ್ಷ ಬಸವರಾಜ ಹಾರಿವಾಳ, ಶೇಖರ ಗೊಳಸಂಗಿ, ಸಂಗಪ್ಪ ವಾಡೇದ, ಬಸವರಾಜ ಗೊಳಸಂಗಿ, ಸಂಗಮೇಶ ಓಲೇಕಾರ, ಮೀರಸಾಬ ಕೊರಬು, ಅಶೋಕ ಹಾರಿವಾಳ, ಸಿದ್ದನಗೌಡ ಚಿಕ್ಕೊಂಡ, ಅಪ್ಪಾಸಾಹೇಬ ಕಲ್ಲೂರ, ದಯಾನಂದ ಜಾಲಗೇರಿ ಸೇರಿದಂತೆ ಅಪಾರ ಸಂಖ್ಯೆಯ ಜನರು ಭಾಗವಹಿಸಿದ್ದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • „ಸಿದ್ದಯ್ಯ ಪಾಟೀಲ ಸುರಪುರ: ತಾಲೂಕಿನ ರುಕ್ಮಾಪುರ ಕಸ್ಟರ್‌ನ ಹೆಮ್ಮಡಗಿ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಮಕ್ಕಳು, ಪೋಷಕರು, ದೂರದೂರಿನ ಶಿಕ್ಷಕರನ್ನು ತನ್ನತ್ತ...

  • ಹೂವಿನಹಿಪ್ಪರಗಿ: ಸರಕಾರ ಸಾಮಾಜಿಕ ಭದ್ರತೆಯಡಿ ಬಡ ಮತ್ತು ನಿರ್ಗತಿಕರ ಕಲ್ಯಾಣಕ್ಕಾಗಿ ಪಿಂಚಣಿ ಯೋಜನೆ ಮೂಲಕ ಆಸರೆ ಕಲ್ಪಿಸುವ ನಿಟ್ಟಿನಲ್ಲಿ ಸಂಧ್ಯಾ ಸುರಕ್ಷ,...

  • ಮಂಗಳೂರು: ನಗರದ ಬಿಜೈ ಕೆ.ಎಸ್.ಆರ್.ಟಿ.ಸಿ ಬಸ್ ನಿಲ್ದಾಣದ ಬಳಿ ಕೃಷ್ಣ ಮೃಗದ ಚರ್ಮ ಮತ್ತು ಕೊಂಬು ಮಾರಾಟ ಮಾಡಲು ಯತ್ನಿಸುತ್ತಿದ್ದ ನಾಲ್ವರು ಆರೋಪಿಗಳನ್ನು ವಿಶೇಷ...

  • ತುಮಕೂರು: ನಗರದಲ್ಲಿ ಸ್ಮಾರ್ಟ್‌ಸಿಟಿ ಯೋಜನೆಯಡಿ ನಡೆಯುತ್ತಿರುವ ಕಾಮಗಾರಿಗಳಿಂದ ಅವಾಂತರಗಳು ಸೃಷ್ಟಿಯಾಗುತ್ತಿದ್ದು, ಇದರಿಂದ ನಾಗರಿಕರಿಗೆ ತೀವ್ರ ಸಮಸ್ಯೆಗಳು...

  • ಹುಳಿಯಾರು: ಹುಳಿಯಾರು ಹೋಬಳಿಯ ಕುರಿಹಟ್ಟಿ ಪ್ರದೇಶದಲ್ಲಿ ರಾಗಿ ಪೈರು ತಿನ್ನುವ ಹುಳುಗಳ ಕಾಟ ಆರಂಭವಾಗಿದ್ದು, ಉತ್ತಮ ಇಳುವರಿ ಪಡೆಯುವ ನಿರೀಕ್ಷೆಯಲ್ಲಿದ್ದ ರೈತರನ್ನು...

ಹೊಸ ಸೇರ್ಪಡೆ