Udayavni Special

ನಿಟ್ಟುಸಿರು ಬಿಡುವಷ್ಟರಲ್ಲಿ ಮತ್ತೂಂದು ನೆರೆ ಸವಾಲು

ಕೊಚ್ಚಿ ಹೋದ ಬದುಕು ಇನ್ನೂ ಅತಂತ್ರ

Team Udayavani, Jun 7, 2020, 11:28 AM IST

ನಿಟ್ಟುಸಿರು ಬಿಡುವಷ್ಟರಲ್ಲಿ ಮತ್ತೂಂದು ನೆರೆ ಸವಾಲು

ಬೆಳಗಾವಿ: ಕಳೆದ ವರ್ಷ ಪ್ರವಾಹದ ಸಂಕಷ್ಟಕ್ಕೆ ನಲುಗಿ, ಕೊಚ್ಚಿ ಹೋಗಿದ್ದ ಬದುಕು ಕಟ್ಟಿಕೊಳ್ಳುವುದಿರಲಿ, ಅಬ್ಟಾ ಎಂದು ನಿಟ್ಟುಸಿರು ಬಿಡುವಷ್ಟರಲ್ಲಿಯೇ ಈಗ ಮತ್ತೂಂದು ಸವಾಲಿಗೆ ಎದೆ ಒಡ್ಡಿ ನಿಲ್ಲಬೇಕಾದ ಸ್ಥಿತಿ ಇದೆ. ಕೃಷ್ಣಾ ತೀರದ ಸಂತ್ರಸ್ತರಿಗೆ ಇನ್ನೂ ಪುನರ್ವಸತಿ ಇಲ್ಲದೇ ಅಳಿದುಳಿದ ಮನೆಯಲ್ಲಿಯೇ ಜೀವನ ದೂಡುತ್ತ ಕಣ್ಣೆದುರು ಸಾಲು ಸಾಲು ಪ್ರಶ್ನೆಗಳು ಕಾಡುತ್ತಿವೆ.

ಕೃಷ್ಣಾ ತೀರದ ಅಥಣಿ, ಕಾಗವಾಡ, ರಾಯಬಾಗ ಹಾಗೂ ಚಿಕ್ಕೋಡಿ ತಾಲೂಕು ಸೇರಿದಂತೆ ಜಿಲ್ಲೆಯ ಎಲ್ಲ ತಾಲೂಕುಗಳ ಹಳ್ಳಿಗಳು ಪ್ರವಾಹದ ಹೊಡೆತಕ್ಕೆ ನಲುಗಿ ಹೋಗಿವೆ. ಧಾರಾಕಾರ ಮಳೆ ಹಾಗೂ ನದಿ ಪ್ರವಾಹದಿಂದ ಮನೆಗಳು ಧರೆಗುರುಳಿವೆ. ಆದರೆ ಇನ್ನೂ ಆ ಸೂರು ಕಟ್ಟಿಕೊಳ್ಳದೇ ಜನರು ಅತಂತ್ರರಾಗಿದ್ದಾರೆ. ಇತ್ತ ಮನೆಗಳೂ ಇಲ್ಲ. ಸರ್ಕಾರದ ಪರಿಹಾರವೂ ಇಲ್ಲದೇ ಬದುಕು ಚಿಂತಾಜನಕ ಸ್ಥಿತಿಯಲ್ಲಿದೆ.

ತಾತ್ಕಾಲಿಕ ಮನೆಗಳೇ ಆಶ್ರಯ: ಕಳೆದ ಅಗಸ್ಟ್‌, ಸೆಪ್ಟೆಂಬರ್‌ ಹಾಗೂ ಅಕ್ಟೋಬರ್‌ನಲ್ಲಿ ಸುರಿದ ಧಾರಾಕಾರ ಮಳೆಯಿಂದ ಅನೇಕ ಮನೆಗಳು ಬಿದ್ದು ಜನರು ಅತಂತ್ರರಾಗಿದ್ದಾರೆ. ಆಗ ತಾತ್ಕಾಲಿಕ ಶೆಡ್‌ ಹಾಗೂ ಬಾಡಿಗೆ ಮನೆಯಲ್ಲಿ ಇದ್ದುಕೊಂಡು ಜೀವನ ಸಾಗಿಸಿದ್ದಾರೆ. ಮನೆ ಬಿದ್ದವರಿಗೆ ಎ, ಬಿ ಹಾಗೂ ಸಿ ಕೆಟೆಗರಿ ಎಂದು ವಿಂಗಡಿಸಿ ಸೂರು ಕಟ್ಟಿಕೊಳ್ಳಲು ಸರ್ಕಾರ ಪರಿಹಾರ ನೀಡುತ್ತಿದೆ.

ಸಮಸ್ಯೆಯ ಸುಳಿಯಲ್ಲಿ ಸಂತ್ರಸ್ತರು: ಕೆಟೆಗರಿ ವಿಂಗಡಣೆಯಾದ ಬಳಿಕ ಕೂಡಲೇ ಸಂತ್ರಸ್ತರಿಗೆ ಮೊದಲ ಹಾಗೂ ಎರಡನೇ ಕಂತಿನ ಹಣ ಬಂದಾಗ ಶೇ. 25ರಷ್ಟು ಪ್ರಮಾಣದಲ್ಲಿ ಮನೆ ನಿರ್ಮಾಣಗೊಂಡಿವೆ. ಕೆಲವರಿಗೆ ಮಾತ್ರ ಮೂರನೇ ಕಂತಿನ ಪರಿಹಾರವೂ ಸಿಕ್ಕಿದೆ. ಇದರ ಮಧ್ಯೆ ಕೋವಿಡ್ ಮಹಾಮಾರಿಯಿಂದಾಗಿ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಎಲ್ಲವೂ ಸ್ಥಗಿತಗೊಂಡಿತು. ಎರಡು ತಿಂಗಳು ವ್ಯರ್ಥವಾಗುವುದರ ಜತೆಗೆ ಪರಿಹಾರವೂ ಸಿಗದೇ ಜನರು ಸಮಸ್ಯೆಯ ಸುಳಿಯಲ್ಲಿ ಸಿಲುಕಿಕೊಂಡಿದ್ದಾರೆ. ಜೂನ್‌ ಆರಂಭದಲ್ಲಿಯೇ ಜಿಲ್ಲೆಯಲ್ಲಿ ಮಳೆ ಕಾಲಿಟ್ಟಿದ್ದು, ಮುಂಗಾರು ಪೂರ್ವ ಗಾಳಿ-ಮಳೆ ಮೂರ್‍ನಾಲ್ಕು ದಿನಗಳಿಂದ ಸುರಿಯುತ್ತಿದೆ. ಪ್ರವಾಹ ಪರಿಹಾರದ ಮೊದಲೆರಡು ಕಂತಿನಲ್ಲಿ ಅರ್ಧಂಬರ್ಧ ನಿರ್ಮಾಣಗೊಂಡು ಕಾಮಗಾರಿ ಸ್ಥಗಿತಗೊಂಡಿರುವ ಮನೆಗಳು ಬರುವ ಮಳೆಯಲ್ಲಿ ಬಿದ್ದರೂ ಅಚ್ಚರಿ ಇಲ್ಲ ಎನ್ನುತ್ತಾರೆ ಸಂತ್ರಸ್ತರು.

ನೆರೆ ಸಂತ್ರಸ್ತರ ಮನೆಗಳು ಅರ್ಧಂಬರ್ಧ ನಿರ್ಮಾಣಗೊಂಡಿದ್ದು, ಲಾಕ್‌ಡೌನ್‌ ತೆರವು ಆಗುವಷ್ಟರಲ್ಲಿಯೇ ಮತ್ತೆ ಮಳೆ ಆರಂಭಗೊಂಡಿದೆ. ಈ ವರ್ಷವೂ ಮನೆ ನಿರ್ಮಾಣ ಆಗದಿದ್ದರೆ ಸಂತ್ರಸ್ತರ ಬದುಕು ಊಹಿಸಲೂ ಆಸಾಧ್ಯವಾಗಿದೆ. ಸ್ವಂತ ಮನೆಗಳು ಕೊಚ್ಚಿ ಹೋಗಿದ್ದರಿಂದ ಈಗ ಹೊಸ ಮನೆಯೂ ಇಲ್ಲದೇ ಜೀವನ ನಡೆಸುವುದಾದರೂ ಎಲ್ಲಿ ಎಂಬ ಪ್ರಶ್ನೆ ಸಂತ್ರಸ್ತರನ್ನು ಕಾಡುತ್ತಿದೆ.

ಮುಳುಗಡೆ ಗ್ರಾಮಗಳ ಸ್ಥಿತಿ ಶೋಚನೀಯ: ಕಳೆದ ವರ್ಷದ ನೆರೆಯಲ್ಲಿ ಮನೆ ಕೊಚ್ಚಿ ಹೋಗುವುದರ ಜತೆಗೆ ಜನರ ದಾಖಲೆ ಪತ್ರ, ಮಕ್ಕಳ ಶಾಲಾ ಪಠ್ಯ ಪುಸ್ತಕಗಳೂ ನೀರುಪಾಲಾಗಿದ್ದವು. ಪ್ರತಿ ಸಲ ಬರುವ ಪ್ರವಾಹದಲ್ಲಿ ಕೃಷ್ಣಾ ತೀರದ ಅನೇಕ ಹಳ್ಳಿಗಳು ಸಂಪೂರ್ಣ ಮುಳುಗಡೆ ಆಗುತ್ತವೆ. ಆದರೆ ಮಳೆ ಬಂತೆಂದರೆ ಇಲ್ಲಿಯ ಜನ ಜೀವ ಕೈಯಲ್ಲಿ ಹಿಡಿದುಕೊಂಡೇ ಬದುಕು ಸಾಗಿಸುತ್ತಾರೆ. ರಾಯಬಾಗ ತಾಲೂಕಿನ ಬಾವನ ಸಂವದತ್ತಿ,

ಹಳೆ ದಿಗ್ಗೇವಾಡಿ, ಜಲಾಲಪುರ, ಕುಡಚಿ, ಸಿದ್ದಾಪುರ, ಗೌಂಡವಾಡ, ನಸಲಾಪುರ, ಪರಮಾನಂದವಾಡಿ, ಶಿರಗೂರ, ಬಿರಡೆ, ಚಿಂಚಲಿ. ಅಥನಿ ತಾಲೂಕಿನ ಸತ್ತಿ, ದರೂರ, ಸಪ್ತಸಾಗರ, ಇಂಗಳಗಾಂವ, ತೀರ್ಥ, ಶೇಗುಣಸಿ, ಖವಟಕೊಪ್ಪ, ಹುಲಗಬಾಳಿ, ಚಿಕ್ಕೋಡಿ ತಾಲೂಕಿನ ಜುಗೂಳ, ಮಂಗಾವತಿ, ಮಾಂಜರಿ ಸೇರಿದಂತೆ ಅನೇಕ ಗ್ರಾಮಗಳ ಜನ ಸಂಕಷ್ಟ ಅನುಭವಿಸುತ್ತಿದ್ದಾರೆ.

ಜಿಲ್ಲೆಯಲ್ಲಿ ನೆರೆ ಹಾಗೂ ಜೋರಾದ ಮಳೆಯಿಂದಾಗಿ ಸುಮಾರು 11,193 ಕೋಟಿ ರೂ. ಹಾನಿಯಾಗಿದೆ ಎಂದು ಜಿಲ್ಲಾಡಳಿತ ಅಂದಾಜಿಸಿದೆ. ಬೆಳೆ ಹಾನಿ ಹಾಗೂ ಮನೆ ಹಾನಿಯಿಂದಾಗಿಯೇ ಸಾಕಷ್ಟು ಪ್ರಮಾಣದಲ್ಲಿ ಜಿಲ್ಲೆ ಹಾನಿಗೊಳಗಾಗಿದೆ. ಮೊದಲ ಕಂತಿನ ಹಣ ಸಂತ್ರಸ್ತರಿಗೆ ಸಿಕ್ಕಿದ್ದು, ಎರಡನೇ ಕಂತಿನ ಹಣ ಬಿಡುಗಡೆ ಆಗುವಷ್ಟರಲ್ಲಿಯೇ ಬೇರೆ ಬೇರೆ ಸಮಸ್ಯೆಗಳು ಎದುರಾಗಿವೆ.

ಕೃಷ್ಣಾ ನದಿ ದಡದ ಸಂತ್ರಸ್ತರು ಅತಿವೃಷ್ಟಿಯಿಂದಾಗಿ ಸಂಕಷ್ಟ ಪಡುತ್ತಿದ್ದಾರೆ. ಸಂತ್ರಸ್ತರ ಪುನರ್ವಸತಿ ಕಾರ್ಯ ಹಾಗೆಯೇ ಉಳಿದುಕೊಂಡಿದೆ. ಈ ಭಾಗದ ಜನರು ನೆರೆ ಬಂದಾಗ ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಿದರೂ ಶಾಶ್ವತ ಪರಿಹಾರ ಮಾತ್ರ ಸಿಗುತ್ತಿಲ್ಲ. ಪುನರ್ವಸತಿ ಕಾರ್ಯ ಆಗದಿದ್ದರೆ ಸಂತ್ರಸ್ತರ ಬದುಕು ಬಹಳ ಗಂಭೀರ ಆಗಲಿದ್ದು, ಸರ್ಕಾರ ಇತ್ತ ಕಣ್ತೆರೆದು ನೋಡಬೇಕಾದ ಅಗತ್ಯವಿದೆ ಎಂದು ರೈತ ಮುಖಂಡ ಮಹಾದೇವ ಮಡಿವಾಳ ಆಗ್ರಹಿಸಿದ್ದಾರೆ.

ಪ್ರತಿ ಸಲ ನೆರೆ ಬಂದಾಗ ಈ ಭಾಗದ ಸಂತ್ರಸ್ತರ ಕಷ್ಟ ಹೇಳತೀರದಾಗಿದೆ. 2019ರಲ್ಲಿ ಅಪ್ಪಳಿಸಿದ ಮಹಾ ಪ್ರವಾಹದಿಂದಾಗಿ ಅನೇಕ ಮನೆಗಳು ಧರೆಗುರುಳಿವೆ. ಆದರೆ ಸರ್ಕಾರದಿಂದ ಮೊದಲ ಹಾಗೂ ಎರಡನೇ ಕಂತಿನ ಪರಿಹಾರ ಬಿಟ್ಟರೆ ಇನ್ನುಳಿದ ಪರಿಹಾರ ಕೈ ಸೇರಿಲ್ಲ. ಮತ್ತೂಂದು ಮಳೆಗಾಲ ಶುರುವಾಗಿದ್ದು, ಈ ಸಲವೂ ಸೂರು ಕನಸಾಗಿಯೇ ಉಳಿಯಲಿದೆಯೇ? ಅರ್ಧಕ್ಕರ್ಧ ನಿರ್ಮಾಣಗೊಂಡ ಮನೆಗಳ ಸ್ಥಿತಿ ಏನು?  –ರಮೇಶ ಮಡಿವಾಳ, ರೈತ ಮುಖಂಡರು

ಹೋದ ವರ್ಸ ಮಳ್ಯಾಗ ಬಿದ್ದ ಮನಿ ಇನ್ನೂ ಕಟ್ಕೊಳ್ಳಾಕ ಆಗಿಲ್ಲ. ಈಗ ಮತ್ತ ಮಳಿ ಬರಾಕ ಹತ್ತೇತಿ. ಪರಿಹಾರ ಕೊಡ್ತೀನಿ ಅಂತ ಭರೋಸಾ ಕೊಟ್ಟವರು ಇತ್ತ ಸುಳಿದಿಲ್ಲ. ಹೋದ ಸಲಾ ಮನ್ಯಾಗ ಇದ್ದಾಗ ಮಳಿ ಬಂದ್ರ, ಈಗ ಬೀದಿಗಿ ಬಿದ್ದಾಗ ಮಳಿ ಆಗಾತೈತಿ. ಇತ್ತ ಮನಿನೂ ಇಲ್ಲ, ಪರಿಹಾರನೂ ಇಲ್ಲದ ನಮ್ಮ ಜೀವನಾ ಮೂರಾಬಟ್ಟೆ ಆಗೈತಿ. ಒಂದ ಕಂತ ಬಿಟ್ರ ಮುಂದ ರೊಕ್ಕಾನ ಬಂದಿಲ್ಲ. ಹಿಂಗಾದ್ರ ಮನಿ ಇಲ್ಲದ ಇರೋದೆಲ್ಲಿ?  –ನಾಗಪ್ಪ ಮಕ್ಕಳಗೇರಿ, ಚಂದೂರ ನಿವಾಸಿ

 

-ಭೈರೋಬಾ ಕಾಂಬಳೆ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಮತ್ತೊಂದು ಬಲಿ: ಒಂದೇ ದಿನ ಇಬ್ಬರು ಸಾವು

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಮತ್ತೊಂದು ಬಲಿ: ಒಂದೇ ದಿನ ಇಬ್ಬರು ಸಾವು

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಮತ್ತೊಂದು ಬಲಿ

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಮತ್ತೊಂದು ಬಲಿ

ಹಲೋ…ಪೊಲೀಸ್ ಕಂಟ್ರೋಲ್ ರೂಂ; ಸ್ಟಾರ್ ನಟ ವಿಜಯ್ ಮನೆಗೆ ಬಾಂಬ್ ಇಟ್ಟಿದ್ದೇವೆ

ಹಲೋ…ಪೊಲೀಸ್ ಕಂಟ್ರೋಲ್ ರೂಂ; ಸ್ಟಾರ್ ನಟ ವಿಜಯ್ ಮನೆಗೆ ಬಾಂಬ್ ಇಟ್ಟಿದ್ದೇವೆ!

ಟಿಡಿಎಸ್‌ ಯಾಕೆ ಕತ್ತರಿಸಲಿಲ್ಲ? ಮಾಹಿತಿ ನೀಡಿ

ಟಿಡಿಎಸ್‌ ಯಾಕೆ ಕತ್ತರಿಸಲಿಲ್ಲ? ಮಾಹಿತಿ ನೀಡಿ

Gold

ಚಿನ್ನವನ್ನು ಮನೆಯಲ್ಲಿಟ್ಟು ಏನು ಮಾಡ್ತೀರಿ?

ಒಂದೇ ದಿನ 24,912 ಪ್ರಕರಣಗಳು: ವಿಶ್ವದ ಸೋಂಕಿತರ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೇರಿದ ಭಾರತ

ಒಂದೇ ದಿನ 24,912 ಪ್ರಕರಣಗಳು: ವಿಶ್ವದ ಸೋಂಕಿತರ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೇರಿದ ಭಾರತ

ಕೇರಳ: ಮಾಸ್ಕ್ ಧರಿಸದಿದ್ದರೆ 10 ಸಾವಿರ ರೂ.ದಂಡ

ಕೇರಳ: ಮಾಸ್ಕ್ ಧರಿಸದಿದ್ದರೆ 10 ಸಾವಿರ ರೂ.ದಂಡ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಮೂವರು ಪೊಲೀಸರಿಗೆ ಸೋಂಕು

ಮೂವರು ಪೊಲೀಸರಿಗೆ ಸೋಂಕು

ರಜೆಗೆ ಬಂದ ಯೋಧನಿಗೆ ಕೋವಿಡ್

ರಜೆಗೆ ಬಂದ ಯೋಧನಿಗೆ ಕೋವಿಡ್

“ಹಸಿದವರತ್ತ ನಮ್ಮ ಚಿತ್ತ’ ಅಭಿಯಾನಕ್ಕೆ ಶತದಿನೋತ್ಸವ

“ಹಸಿದವರತ್ತ ನಮ್ಮ ಚಿತ್ತ’ ಅಭಿಯಾನಕ್ಕೆ ಶತದಿನೋತ್ಸವ

ಕೋವಿಡ್ ಔಷಧ ಪ್ರಯೋಗಕ್ಕೆ ಜೀವನರೇಖಾ ಆಸ್ಪತ್ರೆ ಆಯ್ಕೆ

ಕೋವಿಡ್ ಔಷಧ ಪ್ರಯೋಗಕ್ಕೆ ಜೀವನರೇಖಾ ಆಸ್ಪತ್ರೆ ಆಯ್ಕೆ

ಆರೋಪಿಗೆ ಕೋವಿಡ್: ಕ್ಯಾಂಪ್‌ ಠಾಣೆ ಸೀಲ್‌ಡೌನ್‌

ಆರೋಪಿಗೆ ಕೋವಿಡ್: ಕ್ಯಾಂಪ್‌ ಠಾಣೆ ಸೀಲ್‌ಡೌನ್‌

MUST WATCH

udayavani youtube

ಮಧ್ಯಕರ್ನಾಟಕದ ಆಶಾಕಿರಣ | SS Hospital Davangere

udayavani youtube

ಮಡಹಾಗಲ ಕಾಯಿ ಬೆಳೆಯುವ ಸೂಕ್ತ ವಿಧಾನ | How to grow Spiny gourd in your Home

udayavani youtube

Uday Innaje : Success story of Sugarcane Farmer | Udayavani

udayavani youtube

Manoj Kumar : Success story of Indigenous Dairy Farmer from Moodbidri

udayavani youtube

Udupi’s Master Chariot Maker Lakshmi Narayan Acharya


ಹೊಸ ಸೇರ್ಪಡೆ

ಬಿಎಸ್‌ಎನ್‌ಎಲ್‌-ಎಂಟಿಎನ್‌ಎಲ್‌ ವಿಲೀನ ವಿಳಂಬ

ಬಿಎಸ್‌ಎನ್‌ಎಲ್‌-ಎಂಟಿಎನ್‌ಎಲ್‌ ವಿಲೀನ ವಿಳಂಬ

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಮತ್ತೊಂದು ಬಲಿ: ಒಂದೇ ದಿನ ಇಬ್ಬರು ಸಾವು

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಸೋಂಕಿಗೆ ಮತ್ತೊಂದು ಬಲಿ: ಒಂದೇ ದಿನ ಇಬ್ಬರು ಸಾವು

ಹರಪನಹಳ್ಳಿ: ಮೂವರಿಗೆ ಕೋವಿಡ್ ದೃಢ

ಹರಪನಹಳ್ಳಿ: ಮೂವರಿಗೆ ಕೋವಿಡ್ ದೃಢ

ಕಾಸರಗೋಡು: 28 ಮಂದಿಗೆ ಸೋಂಕು

ಕಾಸರಗೋಡು: 28 ಮಂದಿಗೆ ಸೋಂಕು

457 ಜಿಂದಾಲ್‌ ನೌಕರರಿಗೆ ಕೋವಿಡ್‌ ಸೋಂಕು

457 ಜಿಂದಾಲ್‌ ನೌಕರರಿಗೆ ಕೋವಿಡ್‌ ಸೋಂಕು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.