ಬೆಳಗಾವಿ: 100 ವರ್ಷ ಹಳೆಯ ಮನೆ ಗೋಡೆ ಕುಸಿತ: ನಾಲ್ವರ ರಕ್ಷಣೆ
Team Udayavani, Aug 15, 2020, 9:25 PM IST
ಬೆಳಗಾವಿ: ಇಲ್ಲಿಯ ಗೋಂಧಳಿ ಗಲ್ಲಿಯಲ್ಲಿರುವ ನೂರು ವರ್ಷಗಳಷ್ಟು ಹಳೆಯ ಮನೆಯ ಗೋಡೆ ಶನಿವಾರ ರಾತ್ರಿ ಕುಸಿದು ಬಿದ್ದಿದ್ದು, ಮನೆಯೊಳಗೆ ಸಿಕ್ಕಿ ಹಾಕಿಕೊಂಡಿದ್ದ ನಾಲ್ವರನ್ನು ಪ್ರಾಣಾಪಾಯದಿಂದ ರಕ್ಷಿಸಲಾಗಿದೆ.
ಮಹಾನಗರ ಪಾಲಿಕೆ ಮಾಜಿ ಸದಸ್ಯೆ ಶಶಿಕಲಾ ಸುರೇಕರ ಎಂಬವರ ನೂರಕ್ಕಿಂತ ಹೆಚ್ಚು ವರ್ಷಗಳಷ್ಟು ಹಳೆಯ ಮಣ್ಣಿನ ಗೋಡೆ ಕುಸಿದು ಬಿದ್ದಿದೆ. ಈ ಮನೆಯಲ್ಲಿ ಶಶಿಕಲಾ ಸೇರಿ ನಾಲ್ವರು ಮನೆಯಲ್ಲಿದ್ದರು. ಗೋಡೆ ಕುಸಿದು ಬಿಳುತ್ತಿದ್ದಂತೆ ಹೊರಗೆ ಬರಲಾರದೇ ಒದ್ದಾಡುತ್ತಿದ್ದರು. ಕೂಡಲೇ ಸ್ಥಳಕ್ಕೆ ಬಂದ ಪೊಲೀಸರು ಹಾಗೂ ಅಗ್ನಿಶಾಮಕ ದಳ ಸಿಬ್ಬಂದಿ ಈ ನಾಲ್ವರನ್ನು ರಕ್ಷಿಸಿ ಹೊರಗೆ ತೆಗೆದಿದ್ದಾರೆ.
ನಗರದ ಮಧ್ಯಭಾಗದಲ್ಲಿಯೇ ಇರುವ ಈ ಮನೆಯ ಗೋಡೆಗಳು ಕುಸಿದು ಬಿದ್ದಿದ್ದರಿಂದ ಜನರು ಹೆಚ್ಚಿನ ಪ್ರಮಾಣದಲ್ಲಿ ಸಏರಿದ್ದರು. ಅಗ್ನಿಶಾಮಕ ದಳ ವಾಹನ ಬಂದಿದ್ದರಿಂದ ಈ ಮಾರ್ಗ ಸಂಪೂರ್ಣ ಬಂದ್ ಆಗಿತ್ತು. ಗೋಡೆ ತೆಗೆದ ಬಳಿಕ ಮುಂದೆ ಮತ್ತೆ ಅನಾಹುತ ಸಂಭವಿಸಬಾರದೆಂಬ ಉದ್ದೇಶದಿಂದ ಇಡೀ ಮನೆಯನ್ನೇ ತೆರವುಗೊಳಿಸಿದ್ದಾರೆ.