ನೋಟ್ ಬ್ಯಾನ್ ನೆನಪಿಸಿಕೊಂಡು ನೋಟುಗಳ ಮಾಲೆ ಹಾಕಿ ಹುಟ್ಟುಹಬ್ಬ ಆಚರಿಸಿದ ಕುಟುಂಬ
Team Udayavani, Nov 6, 2019, 5:20 PM IST
ಬೆಳಗಾವಿ: ಪ್ರಧಾನಿ ನರೇಂದ್ರ ಮೋದಿ ಅವರು 500 ಹಾಗೂ 1000 ರೂ. ಮುಖ ಬೆಲೆಯ ನೋಟುಗಳನ್ನು ನವೆಂಬರ್ 8ರಂದು ಬ್ಯಾನ್ ಮಾಡಿರುವುದು ಪ್ರತಿಯೊಬ್ಬರಲ್ಲಿ ನಡುಕ ಶುರುವಾಗುತ್ತದೆ. ಆದರೆ ಇದನ್ನೇ ನೆನಪಿನಲ್ಲಿ ಇಟ್ಟುಕೊಂಡು ಮುಂಬೈ ಮೂಲದ ಮಹಿಳೆಗೆ 100 ರೂ. ನೋಟುಗಳ ಸರಮಾಲೆ ಹಾಕಿ 60ನೇ ಜನ್ಮದಿನವನ್ನು ವಿಭಿನ್ನವಾಗಿ ಆಚರಿಸಲಾಯಿತು.
ಮುಂಬೈ ಮೂಲದ ಮೀನಾ ಮುಕೇಶ ಬಾಳಿಕ್ ಅವರು ನೆಹರು ನಗರದ ಹೊಟೆಲ್ವೊಂದರಲ್ಲಿ ತಮ್ಮ 60ನೇ ಜನ್ಮದಿನವನ್ನು ವಿಶೇಷವಾಗಿ ಆಚರಿಸಿಕೊಂಡರು. ಮುಂಬೈದಿಂದ ಬೆಳಗಾವಿಯ ಅನಗೋಳದಲ್ಲಿರುವ ಹರಿ ಮಂದಿರದ ಶ್ರೀ ಕಲಾವತಿ ಆಯಿ ದರ್ಶನ ಪಡೆದು ಜನ್ಮದಿನ ಆಚರಿಸಿಕೊಂಡರು. ಬುಧವಾರ ಬೆಳಗ್ಗೆ ವಿಶೇಷವಾಗಿ ಆಚರಿಸಿ ಸಿಹಿ ತಿನ್ನಿಸಿ ಸಂಭ್ರಮಿಸಿದರು.
ಮುಂಬೈ ಮೂಲದ ಕುಟುಂಬಸ್ಥರೆಲ್ಲ ಸೇರಿ ಮೀನಾ ಅವರಿಗೆ ಶುಭ ಕೋರಿದರು. 100 ರೂ. ಮುಖ ಬೆಲೆಯ ಅರವತ್ತು ನೋಟುಗಳ ಸರಮಾಲೆ ಮಾಡಿದ್ದ ಸಂಬಂಧಿಕರು ಮೀನಾ ಅವರಿಗೆ ಹಾಕಿ ಸಂಭ್ರಮಿಸಿದರು.
ನವೆಂಬರ್ನಲ್ಲಿಯೇ ಪ್ರಧಾನಿ ಮೋದಿ ನೋಟ್ ಬ್ಯಾನ್ ಮಾಡಿದ್ದು ಹಾಗೂ ಮೀನಾ ಅವರ ಜನ್ಮದಿನ ಇದೇ ತಿಂಗಳಿನಲ್ಲಿ ಇರುವುದರಿಂದ ಇದನ್ನು ವಿಶೇಷವಾಗಿ ಆಚರಿಸಿಕೊಂಡರು.
ಅನಗೋಳದ ಕಲಾವತಿ ಆಯಿ ಮಂದಿರಕ್ಕೆ ನಾವು ಆಗಾಗ ಬರುತ್ತಿರುತ್ತೇವೆ. ಬೆಳಗಾವಿಗೂ ನಮಗೂ ಅತ್ಯಂತ ನಿಕಟ ಸಂಬಂಧವಿದೆ. ಕಲಾವತಿ ಆಯಿ ದೇವಿ ದರ್ಶನ ಪಡೆದ ಕೂಡಲೇ ಮೀನಾ ಅವರ ಜನ್ಮದಿನ ಆಚರಿಸುವ ಬಗ್ಗೆ ನಿರ್ಧರಿಸಿ 60 ನೋಟುಗಳ ಸರ ಮಾಡಿ ಅವರಿಗೆ ಕೊಡುಗೆ ನೀಡಲಾಯಿತು ಎಂದು ಇವರ ಸಂಬಂಧಿಕ ಅರವಿಂದ ಅಮೃತೇಶ ತಿಳಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Lok Sabha Polls: “ಮೋದಿ ಮತ್ತೂಮ್ಮೆ ಪ್ರಧಾನಿಯಾಗಿಸುವ ಪಣ ತೊಡಿ’ : ಬಿ.ವೈ. ರಾಘವೇಂದ್ರ
Lok Sabha Election: “ಅಭಿವೃದ್ಧಿಯೋ – ಅಕ್ರಮವೋ ಯೋಚಿಸಿ ಮತ ನೀಡಿ’: ಗಾಯತ್ರಿ ಸಿದ್ದೇಶ್ವರ್
Lok Sabha Election: ಸೀನಿಯರ್ ಖೂಬಾಗೆ ಜ್ಯೂನಿಯರ್ ಖಂಡ್ರೆ ಸವಾಲು
Vote: ಉದಾಸೀನ ಮಾಡದಿರಿ, ತಪ್ಪದೇ ಮತ ಹಾಕಿ…
Lok Sabha Election 2024; ನಿಮ್ಮ ಮತವನ್ನು ಮಾರಿಕೊಳ್ಳಬೇಡಿ: ಗಣ್ಯರ ಮನವಿ