ಡಾನ್ ಆಗಲು ಮಿತ್ರನ ರುಂಡ ಕತ್ತರಿಸಿದರು!
Team Udayavani, Jan 29, 2019, 12:30 AM IST
ಬೆಳಗಾವಿ: ಗ್ರಾಮದಲ್ಲಿ ಡಾನ್ಗಳೆನಿಸಿ ಕೊಳ್ಳಬೇಕೆಂಬ ಭ್ರಮೆಯಲ್ಲಿ ಮೂವರು ಯುವಕರು ತಮ್ಮ ಆಪ್ತ ಗೆಳೆಯನ ರುಂಡ ಕಡಿದು ಕೊಲೆ ಮಾಡಿದ ಘಟನೆ ಸಂತಿ ಬಸ್ತವಾಡ ಗ್ರಾಮದಲ್ಲಿ ನಡೆದಿದೆ.
ತಾಪಂ ಮಾಜಿ ಸದಸ್ಯನ ಪುತ್ರ ವಿಶ್ವನಾಥ ಯಲ್ಲಪ್ಪ ಬೀರಮುತ್ತಿ(23) ಕೊಲೆ ಯಾದ ಯುವಕ. ಭಾನುವಾರ ರಾತ್ರಿ ನಾಲ್ವರು ಸ್ನೇಹಿತರು ಸೇರಿ ಪಾರ್ಟಿ ಮಾಡಿ ವಾಪಸಾಗುತ್ತಿದ್ದಾಗ ಹತ್ಯೆ ನಡೆದಿದ್ದು, ಗ್ರಾಮದ ಆಂಗ್ಲ ಮಾಧ್ಯಮ ಪ್ರೌಢಶಾಲೆ ಹಿಂಭಾಗದಲ್ಲಿ ಸೋಮವಾರ ಬೆಳಗ್ಗೆ ಮೃತದೇಹ ಪತ್ತೆಯಾಗಿದೆ.
ನಡೆದದ್ದೇನು?: ಗೆಳೆಯರೆಲ್ಲ ಸೇರಿ ಶಾಲೆಯ ಹಿಂಭಾಗದ ಪ್ರದೇಶದಲ್ಲಿ ಪಾರ್ಟಿ ಮಾಡುತ್ತಿದ್ದಾಗ ಪರಸ್ಪರ ಜಗಳವಾಡಿದ್ದಾರೆ. ಕ್ಷುಲ್ಲಕ ಕಾರಣಕ್ಕೆ ನಡೆದ ಜಗಳ ವಿಕೋಪಕ್ಕೆ ತಿರುಗಿದೆ. ಮಾತಿಗೆ ಮಾತು ಬೆಳೆದು ಮೂವರು ಸ್ನೇಹಿತರು ವಿಶ್ವನಾಥನನ್ನು ಹತ್ಯೆ ಮಾಡಿದ್ದಾರೆ. ಕೊಲೆ ಪೂರ್ವ ನಿಯೋಜಿತವಾಗಿತ್ತೇ ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಈ ಹಿಂದೆಯೂ 2-3 ಸಲ ಇವರ ಮಧ್ಯೆ ಜಗಳ ವಾಗಿತ್ತು. ನಂತರ ರಾಜಿಯಾಗಿದ್ದರು. ಭಾನುವಾರ ಮತ್ತೆ ಜಗಳ ನಡೆದಿದ್ದು, ಕೊಲೆ ಯಲ್ಲಿ ಅಂತ್ಯವಾಗಿದೆ. ಸ್ನೇಹಿತರ ಗುಂಪಿನಲ್ಲಿ ತಾವು ಮೇಲುಗೈ ಸಾಧಿಸಬೇಕೆನ್ನುವ ಉದ್ದೇಶದಿಂದ ಯುವಕನ ಹತ್ಯೆ ನಡೆದಿರು ವುದು ಪ್ರಾಥ ಮಿಕ ಹಂತದ ತನಿಖೆ ವೇಳೆ ತಿಳಿದು ಬಂದಿದೆ ಎಂದು ಪೊಲೀಸ್ ಆಯುಕ್ತ ಡಾ. ಡಿ.ಸಿ. ರಾಜಪ್ಪ ತಿಳಿಸಿದ್ದಾರೆ