ಹಂಪಿಗೆ ಬ್ರಿಟಿಷ್ ಹೈ ಕಮಿಷನರ್ ಭೇಟಿ
Team Udayavani, Aug 11, 2018, 6:15 AM IST
ಹೊಸಪೇಟೆ: ಬ್ರಿಟಿಷ್ ಹೈ ಕಮಿಷನರ್ ಎಚ್.ಇ. ಡೊಮಿನಿಕ್ ಹ್ಯಾಸ್ಕೂತ್, ಪರಿವಾರ ಸಮೇತ ಶುಕ್ರವಾರ
ವಿಶ್ವವಿಖ್ಯಾತ ಹಂಪಿಗೆ ಭೇಟಿ ನೀಡಿ ಶ್ರೀವಿರೂಪಾಕ್ಷೇಶ್ವರ ಸ್ವಾಮಿ ದರ್ಶನ ಪಡೆದರು.
ದೇವಸ್ಥಾನದ ಆವರಣದಲ್ಲಿ ಆಗಮಿಸುತ್ತಿದಂತೆ ದೇವಸ್ಥಾನದ ಪಟ್ಟದ ಆನೆ ಲಕ್ಷ್ಮೀ ಅತಿಥಿಗಳಿಗೆ ಮಾಲಾರ್ಪಣೆ ಮಾಡಿ ಸ್ವಾಗತಿಸಿತು. ನಂತರ ಶ್ರೀವಿರೂಪಾಕ್ಷೇಶ್ವರಸ್ವಾಮಿ ದೇವಾಲಯಕ್ಕೆ ತೆರಳಿದ ಡೊಮಿನಿಕ್ ಹ್ಯಾಸ್ಕೂÂತ್ ದೇವರ ದರ್ಶನ ಪಡೆದು ಪೂಜೆಯಲ್ಲಿ ಪಾಲ್ಗೊಂಡರು. ನಂತರ ಹಂಪಿಯ ಕೃಷ್ಣ ದೇವಸ್ಥಾನ, ಸಾಸವಿ ಹಾಗೂ ಕಡಲೆಕಾಳು ಗಣಪತಿ ಬಡವಿ ಲಿಂಗ, ಹಜಾರರಾಮ ದೇವಸ್ಥಾನ, ಮಹಾನವಮಿ ದಿಬ್ಬ,ಪುಷ್ಕರಣಿ, ಕಮಲ ಮಹಲ್, ಗಜಶಾಲೆ, ರಾಣಿ ಸ್ನಾನಗೃಹ, ವಿಜಯವಿಠಲ ದೇವಸ್ಥಾನ ವೀಕ್ಷಿಸಿದರು.