20 ಕೆ.ಜಿ ಗಾಂಜಾ ಜಪ್ತಿ : ಇಬ್ಬರು ವಶಕ್ಕೆ

Team Udayavani, Sep 29, 2020, 1:45 AM IST

ಬೀದರ್: ತೆಲಂಗಾಣದಿಂದ ಜಿಲ್ಲೆಗೆ ಬೈಕ್‌ ಮೂಲಕ ಗಾಂಜಾ ಸಾಗಿಸುತ್ತಿದ್ದ ಇಬ್ಬರನ್ನು ಬೀದರ್ ಸಿಇಎನ್ ಅಪರಾಧ ಠಾಣೆಯ ಪೊಲೀಸರು ವಶಕ್ಕೆ ಪಡೆದು 1 ಲಕ್ಷ ರೂ. ಮೌಲ್ಯದ 20 ಕೆ.ಜಿ ಗಾಂಜಾ ಮತ್ತು 60 ಸಾವಿರ ರೂ. ಮೌಲ್ಯದ ಎರಡು ಬೈಕ್‌ಗಳನ್ನು ಜಪ್ತಿ ಮಾಡಿಕೊಂಡಿರುವ ಘಟನೆ ನಡೆದಿದೆ.

ತೆಲಂಗಾಣದ ಡಪ್ಪೂರ್ ಕಡೆಯಿಂದ ಸುಲ್ತಾನಪೂರ ಮುಖಾಂತರ ಮಲ್ಕಾಪೂರ ರಿಂಗ್ ರಸ್ತೆ ಕಡೆಗೆ ಬೈಕ್ ಮೇಲೆ ಮಾದಕ ಪದಾರ್ಥ ಸಾಗಾಣಿಕೆ ಮಾಡುತ್ತಿರುವ ಕುರಿತು ದೂರು ಬಂದ ಹಿನ್ನಲೆಯಲ್ಲಿ ಪೊಲೀಸರು ದಾಳಿ ನಡೆಸಿ ತೆಲಂಗಾಣಾದ ನ್ಯಾಲಕಲ್ ತಾಂಡಾದ ಪ್ರಕಾಶ ಹರಿಲಾಲ್ ರಾಠೋಡ (28) ಮತ್ತು ಜಿಲ್ಲೆಯ ಸಿಂದೋಲ್ ತಾಂಡಾದ ರಾಜೇಂದ್ರ ಈಶ್ವರ ರಾಠೋಡ (29) ಎಂಬುವರನ್ನು ವಶಕ್ಕೆ ಪಡೆದಿದ್ದಾರೆ. ಸಿಇಎನ್ ಅಪರಾಧ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.