ಜಾಗೃತಿಗೆ 200 ಸ್ವಯಂ ಸೇವಕರ ಬಳಕೆ

Team Udayavani, May 4, 2020, 3:36 PM IST

ಕಲಬುರಗಿ: ಹಾಗರಗಾ ಕ್ರಾಸ್‌ ಸಮೀಪದ ತರಕಾರಿ ಮಾರಾಟಗಾರರಿಗೆ ಸಾಮಾಜಿಕ ಅಂತರದ ಬಗ್ಗೆ ಕೋವಿಡ್ ವಾರಿಯರ್ಸ್‌ ಅರಿವು ಮೂಡಿಸಿದರು

ಕಲಬುರಗಿ: ಕೋವಿಡ್ ಸೋಂಕು ನಿಯಂತ್ರಿಸುವ ಜಾಗೃತಿ ಮತ್ತು ಸಾಮಾಜಿಕ ಅಂತರದ ಬಗ್ಗೆ ಅರಿವು ಮೂಡಿಸಲು ಮಹಾನಗರ ಪಾಲಿಕೆಯು 200 ಜನ ಸ್ವಯಂ ಸೇವಕರ ಕೋವಿಡ್ ವಾರಿಯರ್ಸ್‌ ಬಳಸಿಕೊಳ್ಳುತ್ತಿದ್ದು, ಈ ವಾರಿಯರ್ಸ್‌ಗಳು ಹಲವು ಕಡೆಗಳಲ್ಲಿ ಸಾರ್ವಜನಿಕರು ಮತ್ತು ವ್ಯಾಪಾರಸ್ಥರಿಗೆ ತಿಳಿವಳಿಕೆ ಮೂಡಿಸಿದರು.

ಮಹಾನಗರ ಪಾಲಿಕೆ ಆಯುಕ್ತ ರಾಹುಲ್‌ ಪಾಂಡ್ವೆ ಮಾರ್ಗದರ್ಶನದಲ್ಲಿ ಸ್ವಯಂ ಸೇವಕರ ಕೊರೊನಾ ವಾರಿಯರ್ಸ್‌ ತಂಡದ ಸದಸ್ಯರು ನಗರದ ಹಾಗರಗಾ ಕ್ರಾಸ್‌ ಸಮೀಪದ ಹಣ್ಣು ಮತ್ತು ತರಕಾರಿ ಮಾರಾಟಗಾರರಿಗೆ ಅರಿವು ಮೂಡಿಸಿದರು. ಕೋವಿಡ್ ರೋಗದ ಲಕ್ಷಣ, ಸಾಮಾಜಿಕ ಅಂತರ ಕಾಪಾಡುವುದು, ಸೋಂಕು ಹರಡದಂತೆ ತಡೆಯಲು ಮಾಸ್ಕ್ ಮತ್ತು ಸ್ಯಾನಿಟೈಸರ್‌ ಉಪಯೋಗಿಸುವಂತೆ ಹೇಳಿದರು.

ಕೊರೊನಾ ವಾರಿಯರ್ಸ್‌ ಗಳಾದ ಮಾನವ ಹಕ್ಕುಗಳ ಹೋರಾಟಗಾರರಾದ ಮೊಹ ಮ್ಮದ್‌ ರಿಯಾಜುದ್ದೀನ್‌, ಪಟೇಲ್‌ ಅಜಹರುದ್ದೀನ್‌, ಅಬ್ದುಲ್‌ ಬಸೀತ್‌, ಅಬ್ದುಲ್‌ ಹಮೀದ್‌,
ಅಬ್ದುಲ್‌ ಸತ್ತಾರ್‌ ಸೇರಿದಂತೆ ಹಲವರು ಆರೋಗ್ಯದ ಜಾಗೃತಿ ಮೂಡಿಸಿದರು.