ಛಾಯಾಚಿತ್ರ ಆಧಾರಿತ ವಿಶೇಷ ಅಂಚೆ ಲಕೋಟೆ ಬಿಡುಗಡೆ

ಬೀದರ್‌ ಅಂಚೆ ವಿಭಾಗದಿಂದ ಕಾರ್ಯಕ್ರಮ ಆಯೋಜನೆ

Team Udayavani, Aug 20, 2019, 3:08 PM IST

ಬೀದರ: ಹಿರಿಯ ಛಾಯಾಗ್ರಾಹಕ ಮಾರುತಿರಾವ್‌ ತಾಂದಳೆ ಸಂಗ್ರಹಿಸಿದ ಫೋಟೋಗ್ರಾಫಿಗಳ ಮೇಲೆ ಸಿದ್ಧಪಡಿಸಲಾದ ವಿಶೇಷ ಅಂಚೆ ಲಕೋಟೆಯನ್ನು ಬಿಡುಗಡೆ ಮಾಡಲಾಯಿತು.

ಬೀದರ: ಹಿರಿಯ ಛಾಯಾಗ್ರಾಹಕ ಮಾರುತಿರಾವ್‌ ತಾಂದಳೆ ಅವರು ಸಂಗ್ರಹಿಸಿದ ಫೋಟೋಗ್ರಾಫಿಗಳ ಮೇಲೆ ವಿಶೇಷ ಅಂಚೆ ಲಕೋಟೆಯನ್ನು ಸೋಮವಾರ ಬಿಡುಗಡೆ ಮಾಡಲಾಯಿತು.

ನಗರದ ಕರ್ನಾಟಕ ಕಾಲೇಜಿನ ಆಡಿಟೋರಿಯಂನಲ್ಲಿ ಬೀದರ್‌ ಅಂಚೆ ವಿಭಾಗದಿಂದ ಹಮ್ಮಿಕೊಂಡಿದ್ದ ಸಮಾರಂಭದಲ್ಲಿ ಮಾರುತಿರಾವ್‌ ತಾಂದಳೆ ಅವರ ವಿಶೇಷ ಅಂಚೆ ಲಕೋಟೆಯನ್ನು ಉತ್ತರ ಕರ್ನಾಟಕ ವಲಯದ ಪೋಸ್ಟ್‌ ಮಾಸ್ಟರ್‌ ಜನರಲ್ ವೀಣಾ ಶ್ರೀನಿವಾಸ್‌ ಅವರು ಬಿಡುಗಡೆ ಮಾಡಿದರು. ನಂತರ ಮಾತನಾಡಿದ ಅವರು, ಅಂಚೆ ಚೀಟಿ ಸಂಗ್ರಹಣೆಯಲ್ಲಿ ಫಿಲಾಟೇಲಿ ಕ್ಲಬ್‌ಗಳ ಪಾತ್ರ ಹಿರಿದಾಗಿದೆ. ಅಂಚೆ ಚೀಟಿ ಸಂಗ್ರಹಣೆಯಲ್ಲಿ, ವಿಶೇಷ ಅಂಚೆ ಲಕೋಟೆ ಬಿಡುಗಡೆಯಲ್ಲಿ ಹಾಗೂ ಫಿಲಾಟೇಲಿ ಕ್ಲಬ್‌ಗಳ ರಚನೆಯಲ್ಲಿ ಇಡೀ ರಾಜ್ಯಕ್ಕೆ ಬೀದರ್‌ ಅಂಚೆ ಕಚೇರಿ ಮಾದರಿಯಾಗಿದೆ ಎಂದು ಬಣ್ಣಿಸಿದರು.

ಹಿರಿಯ ಛಾಯಾಗ್ರಾಹಕ ಮಾರುತಿರಾವ್‌ ತಾಂದಳೆ ಅವರ ಫೋಟೋಗ್ರಾಫಿ ಸಂಗ್ರಹಣೆಯ ಚಿತ್ರವುಳ್ಳ ಅಂಚೆ ಲಕೋಟೆಯ 2000 ಪ್ರತಿಗಳನ್ನು ತಯಾರಿಸಲಾಗಿದ್ದು, ಇಂದು ವಿಶ್ವ ಛಾಯಾಗ್ರಾಹಣ ದಿನದ ಹಿನ್ನೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಇನ್ನು ಮುಂದೆ ಇವು ಮರು ಮುದ್ರಣವಾಗಲಾರವು. ಆದ್ದರಿಂದ ಸಾರ್ವಜನಿಕರು ಇದರ ಸದುಪಯೋಗ ಪಡೆದು ಇಂದೇ ಖರೀದಿಸುವಂತೆ ಕೋರಿದರು.

ಧಾರವಾಡದ ಹಿರಿಯ ಅಂಚೆ ಅಧಿಕಾರಿ ಎಚ್.ಬಿ. ಹಸಬಿ ಮಾತನಾಡಿ, ಹೈದ್ರಾಬಾದ್‌ ಕರ್ನಾಟಕ ಹಿಂದುಳಿದ ಭಾಗ ಎಂಬುದನ್ನು ಬೀದರ್‌ ಅಂಚೆ ಅಧಿಕಾರಿಗಳು ವಿಶೇಷ ಲಕೋಟೆ ಬಿಡುಗಡೆ ಮಾಡುವ ಮೂಲಕ ಸುಳ್ಳು ಮಾಡಿದ್ದಾರೆ. ಇಡೀ ರಾಜ್ಯಕ್ಕೆ ಹೋಲಿಸಿದರೆ ಅಂಚೆ ಕಾರ್ಯದಲ್ಲಿ ಈ ಭಾಗವೇ ಹೆಸರು ಮಾಡಿದೆ ಎಂದರು.

ಸಮಾಜ ಕಲ್ಯಾಣ ಇಲಾಖೆಯ ಉಪ ನಿರ್ದೇಶಕ ಪ್ರೇಮಸಾಗರ ದಾಂಡೇಕರ್‌ ಮಾತನಾಡಿ, ಸಮಾಜ ಕಲ್ಯಾಣ ಹಾಗೂ ಹಿಂದುಳಿದ ವರ್ಗಗಳ ಇಲಾಖೆಗೆ ಒಳಪಡುವ ಡಾ|ಬಿ.ಆರ್‌. ಅಂಬೇಡ್ಕರ್‌ ವಸತಿ ನಿಲಯ, ಅಟಲ ಬಿಹಾರಿ ವಾಜಪೆಯ ವಸತಿ ಶಾಲೆ, ಮೂರಾರ್ಜಿ ದೇಸಾಯಿ ವಸತಿ ಶಾಲೆ, ಇಂದಿರಾ ಗಾಂಧಿ ವಸತಿ ಶಾಲೆ, ಕಿತ್ತೂರು ರಾಣಿ ಚನ್ನಮ್ಮ ವಸತಿ ಶಾಲೆಗಳು ಸೇರಿ ಜಿಲ್ಲೆಯ ಒಟ್ಟು 29 ವಸತಿ ಶಾಲೆಗಳಲ್ಲಿ ಫಿಲಾಟೇಲಿ ಕ್ಲಬ್‌ಗಳನ್ನು ಸ್ಥಾಪಿಸಿ ಅಂಚೆ ಚೀಟಿ ಸಂಗ್ರಹಣೆಯ ಹವ್ಯಾಸ ಬೆಳೆಸುವ ಉದ್ದೇಶ ಹೊಂದಲಾಗಿದೆ ಎಂದರು.

ಅಂಚೆ ಇಲಾಖೆಯ ಅಧಿಕ್ಷಕ ವಿ.ಎಸ್‌.ಎಲ್. ನರಸಿಂಹರಾವ್‌ ಪ್ರಾಸ್ತಾವಿಕ ಮಾತನಾಡಿದರು. ಜಿ.ಕೆ. ಕನಸ್ಟ್ರೆಕ್ಷನ್ಸ್‌ನ ವ್ಯವಸ್ಥಾಪಕ ಗುರುನಾಥ ಕೊಳ್ಳುರ್‌, ಮಾಣಿಕಪ್ಪ ಗಾದಾ, ಬಿ.ಎಸ್‌. ಕುದುರೆ, ಮಲ್ಲಿನಾಥ ಫುಲೇಕರ್‌, ವಿದ್ಯಾವತಿ ತಾಂದಳೆ, ಗೋಪಿಚಂದ್‌ ತಾಂದಳೆ ಸೇರಿದಂತೆ ಅನೇಕರು ಇದ್ದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • ಬಸವಕಲ್ಯಾಣ: ಕ್ರಿಯಾಶೀಲ ಶಿಕ್ಷಕರಿಂದ ಮಾತ್ರ ಸದೃಢ ಸಮಾಜ ಕಟ್ಟಲು ಸಾಧ್ಯ ಹಾಗೂ ಬೋಧನೆಯಲ್ಲಿ ನೂತನ ತಂತ್ರಜ್ಞಾನ ಅಳವಡಿಸಿಕೊಂಡಾಗ ಮಾತ್ರ ಬೋಧನೆ ಸರಳವಾಗುತ್ತದೆ...

  • ಬೀದರ: ಬಸವಾದಿ ಶರಣರು ನಡೆದಾಡಿದ ಭೂಮಿಯ ಕಣ ಕಣದಲ್ಲಿ ಸಾಹಿತ್ಯ ಹುದಗಿದೆ. ಅದನ್ನು ಕಲ್ಯಾಣ ನಾಡಿನ ಕವಿಯಿತ್ರಿಯರು ತಮ್ಮ ಕವನಗಳ ಮೂಲಕ ಹೊರ ಹಾಕುತ್ತಿದ್ದು, ಇದು...

  • ಭಾಲ್ಕಿ: ಸಾಮಾನ್ಯ ಜನರಿಗೆ ನ್ಯಾಯ ದೊರಕಿಸಿ ಕೊಡುವಲ್ಲಿ ತಾಲೂಕು ಮತ್ತು ಜಿಲ್ಲಾ ಕೋರ್ಟ್ಅ ವುಗಳನ್ನು ಹೆಚ್ಚೆಚ್ಚು ಬಲಗೊಳಿಸುವುದು ಹೈಕೋರ್ಟ್‌ನ ಮುಖ್ಯ...

  • ಬೀದರ: ಜಿಲ್ಲೆಯಲ್ಲಿ ರಸ್ತೆ ಸುರಕ್ಷತಾ ಕ್ರಮಗಳನ್ನು ಹೇಗೆ ಕೈಗೊಳ್ಳಬಹುದು ಎಂಬುದರ ಬಗ್ಗೆ ಆಯಾ ಇಲಾಖೆಗಳು ಕ್ರಿಯಾ ಯೋಜನೆ ರೂಪಿಸಿ ಸಲ್ಲಿಸಬೇಕು ಎಂದು ಜಿಲ್ಲಾ...

  • „ರಂಗಪ್ಪ ಗಧಾರ ಕಲಬುರಗಿ: ವಿಶ್ವವಿಖ್ಯಾತ ಮೈಸೂರು ದಸರಾದ ಜಂಬೂ ಸವಾರಿಯಲ್ಲಿ ಜಿಲ್ಲೆಯ ಇಎಸ್‌ಐಸಿ ಆಸ್ಪತ್ರೆ ಮತ್ತು ಜಿಮ್ಸ್‌ ಆಸ್ಪತ್ರೆ ಕಟ್ಟಡಗಳು ರಾರಾಜಿಸಲಿವೆ....

ಹೊಸ ಸೇರ್ಪಡೆ